Араб анкьалда бищун ахIи-хIур бахъинабурал хIужабазул цояб ккола лъарагI миллаталъул цо-цо чагIаз  Дагъистаналъул миллатазде гьабураб видеохитIаб. Сверун гIолохъабиги ракIарун, бакьулъ чIарав чияс абулеб буго: «Дагъистаналъул цониги миллаталъе изну кьолеб гьечIо Таргъу ма­гIарда жидерго данделъаби, спортивиял ва цогидалги тадбирал тIо­ритIизе… Плов гьабизеги гьеб кваназеги бокьун батани, жидерго районалда гьа­беян абе. Таргъу мегIерги гьелда сверухъ бакIги нижер...

12 февралалда республикаялъул Тахо-Годил цIаралда бугеб музеялде рачIун рукIана Халилбег Мусаясул цIаралда бугеб «РухIияб нахъраталил» фондалъул вакилзаби. Заманалъулаб къотIи-къаялда рекъон, машгьурав художникасул суратал музеялде цIунизе кьун руго фондалъул хIаракатчагIаз.  Гьениб буго Германиялда вукIаго Халилбег Мусаяс бахъараб нусгониги сурат. «Нижее бокьун букIана гьел суратал тIуранго музеялъул къайимлъиялде кьеян гьезда гьаризе. Амма заманаялъ, ай кIиго соналъул болжалалда...

  РФялъул ЦIех-рехалъул комитеталъул ДРялда бугеб управлениялъ ккуна Каспийск шагьаралъул судиясул кумекчи ГIабдусалам МухIамадов.  Гьесде гIунтIизабулеб буго ришват босиялъул мурадалда такъ­сир­чагIазул къокъа гIуцIиялъул гIайиб.  Гьединго ккун руго Южно-Сухокумск шагьаралъул бетIерасул ву­кIа­рав заместительги архитекторги. ЦIех-рехалъул комитеталъ информалатазе кьураб баяналда рекъон, Каспийск шагьаралъул судиясги гьесул кумекчи ГIабдусалам Му­хIамадовасги хехго бечелъиялъул мурадалда, гIуцIун буго ришватал ра­кIарулел такъсирчагIазул къокъа. ...

КIудияб Бергьенлъи босаралдаса 75 сон т1убаялъул хIурматалда улкаялда ругелщинал ветераназе 75 аза-азар гъурущ кьезе буго исана. Гьединаб указалда гъоркь гъулбасана гьал къоязда  президент Владимир Путиница. Амма квеш ккараб жо буго гьеб гIарац кодобе кьезе жалго ветераназул гIемерисел жакъа чIаго гьечIолъи. Россиялъул цо-цо шагьаразда хутIун руго гьел. Гьединго килщазда рикIкIине чагIи хутIун руго нилъер республикаялъул шагьараздаги....

МахIачхъалаялъул имам Шамилил цIаралда бугеб проспект цIи­гьабун къачIаялъул тадбиразде байбихьизехъин буго шагьаралъул нухма­лъиялъ. Гьелъие биччалеб буго 1,5 млрд гъурущ.  12 февралалда гьеб суал гьоркьaоб лъураб данделъи тIобитIана хIукуматалдаги.  Реконструкция гьабулаго ракIалда бугин шагьранух къа­чIа­зе ва бажарараб къагIидаялъ гьеб гIатIидги гьабизеян бицана данделъи бачарав хIукуматалъул нухмалъулесул заместитель ХIа­жимухIамад ХIусеновас. Гьединго хисизе руго шагьранухалъе канлъи кьолел чирахъалги....

  12 февралалъул радал бухIана Хасавюрталъул Бамотовское шагьранухда аскIоб бугеб мажгит.  Гьелдаго цадахъ бухIун буго аскIобго букIана гIадамал квана-гьекъезе унеб букIараб бакIги. Гьелдалъун гIадамасе къварилъи ккечIин лъазабулеб буго республикаялъул МЧСалъул хъулухъалъ. ЦIа щиб гIиллаялдалъун ккарабалиги лъалеб гьечIо.  

ГIансиги тIун бачIун, ЛъаратIа районалда ва БежтIа участокалда гьоркьоб нух бацун буго.Гьелдалъун гIадамазе къварилъи ккун гьечIо. Чанго къоялъ цебе МЧСалъ лъазабун букIана ралъдал гьумералдаса 1,5 азарго метралъ рорхатго ругел районазда гIансиял тIеялда хIинкъи бугилан. Гьединлъидал дагьаб мехалъ гьенире сапарал гьаричIого тейилан.   

  Исана Россиялдаса хIежалде уне­зул къадар 4500 чиясдалъун цIикIкIинабун буго. Гьединаб баян кьуна Уфаялда букIараб данделъиялда хIеж-миссиялъул нухмалъулев, РФялъул федерациялъул советалъул сенатор Иляс ГIумахановас. Гьанже нилъер улкаялдаса хIе­жалде ине рес щвезе буго 25 азарго чиясе. ГьанжелъизегIан 20 000 чиясе бакI кьолаан СагIудиязул ГIарабиязул Къираллъиялъ. Щуазарго чиясдалъун гьеб къадар цIикIкIинабизе кIванин сагIу­дия­зулгун лъикIал гьоркьорлъаби ру­кIи­налъилан абуна...

   ДРялъул хIукуматалъул нухмалъулев Артём Здуновас хиса-басиял гьаруна цо-цо идарабазда.  ЦIиял хъулухъазде тIамуна: Светлана ГIабдулкъадирова — экономикаялъул ва территориалияб цебетIеялъул рахъалъ министрасул тIоцеесей заместительлъун;  Издаг ГIалиханова, хIукума­талъул нухмалъулесул гIакълу­чIу­жулъун;  ГIабдула МухIамадов, статс-сек­ретарь – туризмалъул ва халкъиял махщелазул рахъалъ министрасул заместительлъун; Муслим КъурамухIамадов ва Сергей Караченцев – юстициялъул ми­нистрасул заместителаллъун.

   13 февралалда «Дагестан» РИАялда журналисталгун дандчIвана республикаялъул экономикаялъул ва территориалияб цебетIеялъул рахъалъ министр ХIажи Султанов.  Агентствоялъул директор Му­хIа­мад МухIамадовас баян гьабуна гьеб бугин «Открытая власть» абураб проекталъул мурадалда тIобитIулеб пресс-конференция. Султановго гIадин, зама-заманалда цогидал министралги ахIизе ругин гьенире бокьараб суалалъе жавабал кьезе.    Байбихьуда ХIажи Султановас къокъго бицана гъоркьиса республикаялъул экономикияб бутIаялда ккарал хиса-басиязул,...