Росдал магIишаталъул исанасеб сон нахъа танин абизе бегьула. ХутIун буго ахирисел гектараздаса пиринчI бакIарун рагIалде бахъинабизе. ЛъагIалил хIасилалги лъикIал ругин бицана Хасавюрт районалъул росдал магIишаталъул муниципалияб учреждениялъул директор Идрис Загъаловас. Кинабнги 142358 гектар ракьул буго районалъул къайимлъиялда. Аслияб масъалаги ккола гьел ракьал пайдаяб куцалда хIалтIизари. Гьеб ракьалъул цIикIкIарасеб къадар бекьула. Масала,...
Дагъистан – 85-абилеб бакIалда Гьал къоязда ДРялъул бетIер Сергей Меликовас тIобитIараб данделъиялда гIахьаллъана пачалихъиял ва муниципалиял гIуцIабазул нухмалъулел. Гьениб бицана регионалъе кIвар бугел масъалабазул хIакъалъулъ. Гьаниб кьолеб буго данделъиялда бицарал масъалабазул хIакъалъулъ къокъаб баян. Коронавирусалдаса цIуни ДРялъул сахлъи цIуниялъул министралъул ишал тIуралей Татьяна Беляевалъул баяназда рекъон, COVID-19 унтиялдаса цIуниялъул мурадалда республикаялда хIадурун буго...
Республикаялда машгьурлъулеб буго бакъудаса пайда босун хIалтIизарулел электростанциязул суал. Гьелъул хIакъалъулъ бицана республикаялъул хIукуматалъул вице-премьерасул ишал тIуралев Манвел Мажонцица. ГьабсагIаталда гьединаб электростанция балеб буго Южно-Сухокумск шагьаралда. Гьелъул къуват букIине буго 15 МВт. Электростанция базе биччан буго 1,5 миллиард гъурущ инвестциязул. Гьеб хIалтIизе биччазе буго тIадеялъул апрель моцIалда.
Республикаялда бугеб 240 сакъатал лъимадуе кьезе руго рукъ босизе сертификатал. Инсанасул ихтиярал цIуниялъул рахъалъ тIобитIараб данделъиялда, ДРялъул омбудсмен Жамал ГIалиевас бицана гьелъул хIакъалъулъ. 2019-2021 соналда жаниб сертификат щун буго 731 гьединаб лъимералъе. Исана соналда жаниб гьеб мурадалъе биччан буго 300 миллион гъурущ.
Республикаялъул энергетикаялъулгун ЖКХялъул министрасул ишал тIуралев Ризван Мурадовас хитIаб гьабуна АЗСалъул хважаинзабазде, цIатариялъухъ босулеб багьа хира гьабугейин абун. — Бензиналъухъ ва газалъухъ босулеб багьаялда бараб буго гIадамазе хIажатал цогидал нигIматазухъ кьолеб багьаги. ЦIатариялъул багьаялда сверухъ букIараб хIалуцараб гIуж нахъа тана. Гьелъул оптовияб багьаги гIезегIан гIодобе ккана. Гьединлъидал гьанжегIаги бегьуларищ нилъеца...
24 ноябралда ДРялъул хIукуматалъул минаялъуб тIобитIараб данделъиялда бицун букIана республикаялъул шагьранухазда гьечIеб лъикIаб хIалалъул хIакъалъулъ. Масала, 10 моцIида жаниб 1145 авария ккун буго республикаялда. Хун вуго 247 чи, лъукъун больницаялде ккаразул къадар бахун буго 1606 чиясде. Гьединаб талихIкъосараб хIал республикаялда батани, гьелда бан гьабулеб хIалтIи цIакъго тIаса-масагояб букIин бихьулеб бугин абуна данделъиялда...
Гьал къоязда 100 сон тIубана лезгиязул республикаялъул жамгIиябгун политикияб «Лезги газета» къватIибе биччазе байбихьаралдаса. Гьеб газеталъ нахъа тана гIезегIан хIалуцараб ва захIматаб, амма халкъалъе хIажатаб захIматалъулаб нух. «Лезги газеталъ» кIудияб бутIа лъуна лезгияз гIумру гьабулел районазда гуребги, тIолабго Дагъистаналъулго социалиябгун экономикияб цебетIей бихьизабиялъулъ, бицана ва хъвана миллаталъул тарихалъул, мацIалъул, гIадамазул ва гIадатазул хIакъалъулъ....
ТIасияб соналдаса байбихьун республикаялъул ВУЗазда цIалулел студентазе стипендия цIикIкIинабизе буго. Гьединаб указ хъвана Сергей Меликовас гьал къоязда. 1000 гъурущ стипендия щолеб букIарал студентазе 3000 гъурущ, аспирантазе 1500 гъурщил бакIалда 5000 гъурущ кьезехъин буго тIасияб соналъ. Гьеб гуребги, Москва ва Санкт-Петербург шагьаразда ругел нилъер ракьцоял-студентазе цIикIкIинабулеб буго стипендия. Мисалалъе, 2000 гъурущ щолеб букIарал...
13 октябралдса 21 ноябралде щвезегIан, регионазул нухмалъулеб централде (ЦУР) 5 500 гIарза бачIун буго гIадамазухъан. Аслияб куцалда гьел руго ток, лъим ва нухазул гIунгутIиялда хурхарал. ГIемерисел гIарзал рачIун руго МахIачхъала, Каспийск ва Дербент шагьаралдаса. Бищун цIикIкIун гIадамазул гIарз буго рукъзабахъ хинлъи гьечIилан. Гьедин республикаялда гьабсагIаталда жаниб 50-гIан гIемертIалаяб минаялъуб хинлъи гьечIо....
ХIукуматалъул нухмалъулев ГIабдулпатахI ГIамирхановас 100000 гъурущ премия кьуна, искусственнияб интеллекталъул рахъалъ халкъазда гьоркьосеб конкурсалда бергьарав СагIид ГIазизовасе. AL Journey абураб конкурсалда гIинкъал гIадамазе квегIенлъиялъе гIололъун ургъараб гьесул проект бергьана, дунялалъул бакI-бакIаздаса ритIун рачIарал 2000 хIалтIабазда гьоркьоб.
