МахIачхъалаялда, Шахматазул рокъоб, байбихьана ДРялъул тIоцевесев президент МухIу ГIалиевасул призалъе гIоло санайилго тIобитIулеб шахматал хIаялъул рахъалъ республикаялъулаб чемпионат. Турнир рагьизе ва гIахьалчагIазе битIккей гьаризе рачIарал гьалбадерида гъорлъ рукIана ДРялъул спорталъул министрасул заместителал Зайнал Салаудинов ва ХIайдарбег ХIайдарбегов, ДРялъул шахматазул федерациялъул президент Жакай Жакаев, Олимпиялъул хIаязул чемпион Загъалав ГIабдулбеков, шагьаралъул спорткомитеталъул...

     «Дагестанская правда» газеталъул редакциялда тIобитIана ДРялъул миллияб политикаялъулгун диниял ишазул министр Энрик Муслимовасул гIахьаллъигун пресс-конференция. Гьелда гIахьаллъана республикаялъул СМИязул журналистал.   Данделъиялда бицана республикаялда тIобитIулеб бугеб миллияб политикаялъулги, диназда гьоркьосел бухьеназулги, гражданиял жамгIиятазул институтазулги, диниял гIуцIабазул гьоркьорлъабазулги, къватIисел улкабаздаса рачIарал гIадамазе республикаялда шартIал гIуцIиялъулги хIакъалъулъ.    «Нилъер буго Миллияб политикаялъулгун диниял ишазул министерство....

     Сулахъ къварилъухъ, Басрияб Миякьо росдада аскIоб хIорихъ дандречIана туристал рекIараб кIиго катер. Цо турист больницаялде ккана. Заманаялъ гьеб бакIалде тира-сверизе унезе нух къан буго.    Республикаялде рачIунел туристал цIикIкIанагIан, кколел руго цо-цо талихIкъарал лъугьа-бахъиналги. Масала, Хунзахъ, ай ЦIолбокь кIкIалахъе бортана хъизамго тIад рекIун букIараб машина. МоцIгун бащадалъ цебе, Шамил районалъул Микьигьориб росулъги авария...

    Гьал къоязда республикаялде вачIун вукIана ГIарабазул Цолъарал Эмиратазул (ОАЭ) Россиялда вугев посол МухIамад АхIмад аль-Жабер.     Республикаялъул гIемерал бакIазде щвана МухIамад АхIмад аль-Жаберин. Рихьизаруна гьесда нилъер росдал магIишаталда кколел ругел бергьенлъабиги. Гьединго гьев дандчIвана республикаялъул нухмалъулев Сергей Меликовгунги.     МухIаммад АхIмад аль-Жабер дандчIвана бесдал лъималгунги. ДандчIвай тIобитIана Гьудуллъиялъул рокъоб. Гьелда гIахьаллъана...

      27 июлалда ДРялъул ХIукуматалъул нухмалъулев ГIабдулмуслим ГIабдулмуслимовас са- пар бухьана Хунзахъ районалде. ТIадеялъул Расул ХIамзатовас 100 тIубаялъул тадбиралде хунз кин хIадурлъулел ругелали халгьабизе, республикаялъул нухмалъулев Сергей Мелико- васул тIадкъай тIубазе вачIун вукIана гьев тIалъиялде.     ГI. ГIабдулмуслимов щвана ЦIада росдада цебе бугеб «ХъахIал къункъраби» абураб мемориалияб комплексалде. Гьениб хал-шалги гьабун, юбилеялъул...

    Банкалъул карточкаялъул кумекалдалъун гIарац кьолеб къагIида гьабизе ракIалда буго лъагIалил ахиралде 500 маршруткаялъуб. ГьабсагIаталда гьединал аппаратал рекъезарун руго 103 маршруткаялда жаниб. Гьелъул кIудияб квегIенлъи букIине бугин пассажиразеян бицана республикаялъул Транспорталъул министерствоялда.

       Гьал къоязда республикаялъул гIорхъаби цIунулезул управлениялъул хIалтIухъабаз тIатинабуна, багIараб ччугIил 200 кг бикъулел ратарал. Гъизляр районалъул Коллективизатор абураб росдада аскIоб, кIигоял кквезе щвана. Гьезухъ батана бикъараб багIараб ччугIил 130 кг. Гьебго къоялъ Сулахъ росулъ, гьенийго гIумру гьабун йигей гIадамалъул рокъобги батана бикъараб гьебго ччугIил 30 кг. ГIаммаб къагIидаялъ гьел лъабазго пачалихъалъе гьабураб...

     20 июлалда республикаялъул хIукуматалъул нухмалъулев ГIабдулмуслим ГIабдулмуслимовас сапар бухьана ЛъаратIа районалде. Нижехъе щварал баяназда рекъон, премьерасда ракIалда буго лъебелазул мучIдуздеги щве- зе, росдал магIишаталъул хIалтIухъабигунги дандчIвазе, гьединго гIияхъабазухъеги щун гьезул къварилъи-гIатIилъиги цIехезе.   Гьединго ГI. ГIабдулмуслимовасда бихьизабизе буго машгьураб лъебелазул гIиял хIан хIадурулеб къагIидаги. Гьелъул хIакъалъулъ нижеца гIатIидго бицина газеталъул иргадулал номеразда.

  Анкьида жаниб республикаялда гъанкъана 14 чи, гьездаго гьоркьор гIисинал лъималги.    МЧСалъул хIалтIухъабаз цIодорго рукIайин халкъалде хитIабал гьаруниги, гьелгощинал чагIи гъанкъана цо анкьида жанир республикаялда. МахIачхъалаялда, Дербенталда, Гъизилюрталда, Унсоколо ва Гъарабудагъкенталда ккана гьел пашманал лъугьа-бахъинал. Риидалил гьаб араб заманалда жанибин абуни 29 чи гъанкъун вуго. Гьезда гьоркьоса 11-ял ккола лъимал.    Газеталъул цебесеб номералда...

     Москваялдасаги СКФОялдасаги эксперталги ахIун, МахIачхъалаялда тIобитIана экономикияб форум. Гьез гIиси-бикъинаб даран-базаралъул чагIаздаги, банказул ва цогидал гIуцIабазул хIалтIухъабаздаги малъулеб букIана кризисалъулгун санкциязул кIичIикьа рорчIиялъе кинал нухал ругелали. Гьанже долларалъул багьаги гIодобе ккун, къватIисел пачалихъазде бичулеб къайиги мукъсанлъун буго.   «АскорАгроТрейд» компаниялъул нухмалъулесул заместитель Шамил Сайпулаевас форумалда бицана ахираб заманалда хираго чIолеб бугин гIорхъи тун...