КIиго шагьидасул эмен ХаcмухIамадида аскIоб тIамураб бащдаб сагIат Дагъистаналъул муфтий, рахIимугьуллагь СайидмухIаммад-хIажи Абубакаровасул биография гьаниб такрар гьабиялъул магIна бихьуларо. СайидмухIаммадил гIумруги, ишалги, гьесул хIаракатги киналго миллатцоязда, дагъистаниязда республика бахун къватIибехун бихьана, лъана ва гьелъ хIайран гьавичIев чиги хутIун ватиларо нилъеда гьоркьов. Республикаялъул муфтилъун вищун араб кIиго соналда жаниб кIинусго соналъулгIанасеб тарих нахъе тана гьев къанагIатаб...

Цо бакIалда цIалун букIана къватIисел пачалихъазда тIалъиялъул вакилзаби гIедегIуларила пуланав чиясе памятникал лъезеги гьесул цIарал къватIазегун нухазе, росабазе, школазе кьезеги. Гьес хъулухъ тун яги дунялалдаса ун 10-20 сон базегIан чIолила гьел, гьелдаса хадуб гьев чиясдехун халкъалъул бугеб унго-унгояб пикру лъазе. Гьеб жо ракIалде бачIана 6 августалда социалиял гьиназда Дагъистаналъул тIоцевесев президент МухIу ГIалиевасул хIакъалъулъ нилъер...

ГIажаибаб жо буго гIумру. Нилъеца кидаго гуро хIисаб гьабулеб гIумруялъул сухъмахъазда кколел лъугьа-бахъиназул байбихьиялъул ва гьезул бухьеналъул. Лъимерлъиялда рукIарал цо-цо лъугьа-бахъинал, кIудиял гIедалги такрарлъула, загьирлъула… Жакъа гьаб макъала хъвалаго, дунги тIадвуссунев вуго дирго лъимерлъиялде. 2011 соналъул сентябрь моцI. Щуабилеб классалдеги рахъун, гьанже кIудиял гIунин абураб пикруялъ куркьбал гъурал ниж. РакIалда буго тIоцебесеб классалъул сагIат (классный...

ГIабдурахIман Данияловасул вас Юсуп, ДГУялъул физикиябгун математикаялъул факультет лъугIидал, хIалтIана ЛъаратIа районалда мугIалимлъун. 1967 соналда гьес лъугIизабуна ВГИКалъул режиссеразул факультет. Гьес бахъана чанго кинофильм ва гIахьаллъи гьабуна «Журналист», «Афоня», «Небеса обетованные», «Табор уходит в небо» гIадал фильмазда. «Мосфильмалда» режиссерлъун хIалтIулаго, гьес бахъана «Не было печали», «В ночь на новолуние» абурал фильмалги. КIиабилев режиссер хIисабалда, гIахьаллъи...

Дир кечӀ — хӀалтӀи буго, хӀал канлъи буго, КочӀое жугьаби тӀураб гӀетӀ буго. Дир бакъан — чармие чучулеб хӀасрат, Чагургун дир кверзукь кьурдулеб алат.   Гьеб хадусел къояз къотӀизе гьечӀо, Къаникье дун индал бачина васас. Заман хехдарунин биххизе гьечӀо, Хадур гъураз гурищ борхулеб дунял.                                              Ш. ТIАЛХIАТОВ А. Пушкиница шагIир релълъинавун вуго цIакъго тIадегIанаб гIамал-хасияталъул...

МухIамад-Амин (Асиялов)  (1818-1899) Гьавуралдаса  205 сон Чергесиялда Шамил-имамасул наиб, политикияв ва пачалихъияв хIаракатчи, г1алимчи.Гьавуна Гьонода росулъ. Шамил-имамас гьев тIамун вукIана Чергесиялъул наиблъун. Гьес 11 соналъ нухмалъи гьабулеб букIана (1859) адигазул халкъаз гIурус пачаясде данде гьабулеб рагъуе. Гьеб захIматаб заманалда гьес живго вихьизавуна гьунар бугев бодул цевехъан ва хIаракатав гIуцIарухъан хIисабалда.  

Хандиев МухIамад  (1818-1861) Гьавуралдаса  205 сон   МагIарул мацIалъул грамматика ва словарь хъварав гIалимчи, педагог. ГIажаибаб бук1ана МухIамадил гIумруги. Бесдаллъараб хъизамалъ гIумруялда жаниб гIемераб жо хIехьезе ккана. Гьединлъидал МухIамадил лъимерлъи букIана захIматаб. Амма гьев вукIана къохIехьолев, къвакIарав вас. МухIамадица хьихьулаан боцIи, бекьулаан хур, жигаралда гьабулаан рукъалъул магIишат. МухIамадил гIумру данде ккана Кавказалъул рагъул заманалда.  

     Исана 3 апрелалда 70 сон тIубалаан хIал алжаналда батаяв гьайбатав инсан, гьунар бугев тохтур, Дагъистаналъул Верховный Советалъул депутат, унго-унгояв магIарулав Шамил районалъул Бакълъухъа Сулейманов МухIамад гьавуралдаса. Гьев нилъедаса ватIалъаралдаса 31 сон баниги, гьев лъалев вукIараз, гьесда цадахъ хIалтIараз жакъаги гIемер бицуна МухIамадил гIаданлъиялъулги, гIадатлъиялъулги, гIакълу-лъаялъулги бажариялъулги хIакъалъулъ.        Дагъистаналъул пачалихъалъул медицинаялъул институт...

Казбек районалъул Дилим росдал культураялъул кIалгIаялда цебе бугеб майдан кьабун цIун бугоан гIадамаз. РакIалде кколеб букIана гьениб концерт батилилан. Гьанже театр-концерт бугелъуре данделъулелъулха гIадамал.    Амма гIилла батана батIияб, ай хlалтIухъан кIодо гьавизе данделъун ратана гьел.    Исана 27 декабралда 85 сон тIубалаан захIматалъухъа хIинкъичIого гIумру тIамурав, гьединабго тIабигIаталда лъималги куцарав Гертмаялдаса ГIабдулмуслимов МухIудин гьавуралдаса....

    29 ноябралда машгьурав гугарухъан, тохтур, гIалимчи ГIали ГIалиевасул тIубалаан 85 сон. Гьев гьавуна 1937 соналда Гъуниб районалъул ЧIохъ росулъ.      ГьитIинго эменги хун, бесдал хутIарав ГIали эбелалда ракIалда букIана тохтурлъун цIализавизе. Гьесин абуни гьитIинаб къоялдаса нахъего абулаан жив спортсменлъун вахъине вугин. Эбелалъе рекIее гIолароан васасул хабар. Гьей хIинкъун йикIана пагьму бугев вас спорталде...