Анлъабилеб июналда Казбек районалда ккана талихIкъараб иш. Живго жинцаго гъанкъун ватана 15 сон барав гIолилав. Официалияб баяналда рекъон, гIумрудул къо- лъикI гьабиялъе гIилла ккун буго ОГЭ кьолаго математикаялъе щвараб кIийилаб. Гьедин буго хвалда цебе гIолилас хъван батараб тIанчида. — Эбел, тIаса лъугьа гьадин ккунилан. Щивниги гIайибияв гьечIо, дунго гурони». Гьеле тетрадалъул тIанчида хъван...
Иргадулаб сапаралъ уней йикIана дун – Хасавюрт районалда бугеб Къамыш-хъутаналъул гимназиялда тIобитIулеб поэзиялъул байрамалде. Унел рукIана МахIмуд-Апанди МухIамадовасул машинаялдаги рекIун. Гьеб къоялъ тIоцебесеб нухалда вихьана дида гьев. Гьесул машинаялъуб букIана кьер-кьерал розаби жанир сокIкIараб тIугьдузул ваза. Гимназиялда кIудияб адабгун ва хIурматгун дандчIвай гьабуна шагIирасда. Кавудухъа школалъ- ул нуцIихъе щвезегIан эхетарал...
Дагъистаналдаги гьеб бахун къватIивги машгьурав гIалим Кьохъа СултIанмухIамадхIажиясул (рахIимагьуллагь) хIакъалъулъ хъвараб тIехь къватIибе бачIиналда бан, дагьал церегIан къоязда МахIачхъалаялда букIана лъикIаб данделъи. ТIехь гIуцIун бугоан гIалимасул цо-цо мутагIилзабазул, гIага-божаразул, росуцоязул, гьесулгун бухьен букIарал хIукуматалъул цо-цо хIалтIухъабазул ракIалдещвеяздаса. Гьеб данде гьабун буго, гьал ахирал соназда исламияб диналъе гIоло гIемераб пайдаяб хIалтIи гьабулев, Шамил районалъул...
6 июналда Унсоколо районалъул Рихьуни росдада гIагарлъухъ хвасар гьавуна цIадакьаги рахчун, кьурабалъ кьерун чIарав 15 турист. Буйнакскиялдаса МЧСалъулаз ахIун бачIун, гьел ралагьизе къватIире рахъана Унсоколо районалда бугеб МЧСалъул хIалтIухъаби. Гьелъул нухмалъулев ГIабдурахIман Мусаевас «ХIакъикъаталъе» бицухъе, рихьундерил бегавуласул, росдал гIадамазул, полициялъул хIалтIухъабазул кумекалдалъун бажарун буго туристал рахчун чIараб бакI...
ЛъаратIа районалъул Гьебзуда росулъ бугеб Байил-шайихасул хабатIе зиярат гьабуна республикаялдаги гьеб тун къватIирги ругел нилъер ракьцояз. Масала, Дальний Востокалъул муфти Рамазан ГIалиевас, Хабаровск краялъул муфти МухIамад-хIажи ГьитIиновас ва цогидазги. Кинавниги азаргогIанасев чи вукIана гьенив. Чуязда рекIун щиб, лъелго щиб, умумузул заманалдаса байбихьун букIараб гIадат кколин Байилшайхасул хабатIе зиярат гьабиян бицана тадбиралда...
Гьал къоязда интернеталда тIибитIун букIана Казбек районалъул администрациялъ Сулахъалъул къварилъиялде машинадул нух къан бугин абураб баян. Амма, администрациялдаса щварал баяназда рекъон, къан буго «Миякьо ГЭС – ЦIобокь» абураб нух, гьебги – ГИБДДялъул бихьизабиялда рекъон. Исана 13 маялда ДРялъул УГИБДДялъ Казбек районалъул администрациялъухъе битIараб кагътида хъвалеб буго букIине кколедухъ къачIан бахъинегIан, 14 километралъ...
ХIукуматалъул идарабаз гьабизегIан балагьун чIечIого, росабиги чIунтизе течIого, росдал хIалтIаби жидедаго тIаде росулеб лъикIаб гIадат буго нилъер жамагIатазул. Масала, гьал къоязда ЧIарада районалъул Гьунухъ росулъ тIобитIана шагьаразда гIумру гьабулел росуцоялги гIахьаллъараб субботник. Гьез маххул сеткаялъ сверун къана росдал ах, бацIцIад гьабуна мажгиталде унеб нух, ганчIалги нахъе рехун, хIадурун буго воркаут-площадкаялъе бакI, шагьранух ккун...
8 июналда Гъизляр районалъул Цветковка росулъ рагьана 10 млн гъу- рущги харж гьабун рагIалде бахъинабураб футбол хIалеб майдан. Гьелъие квербакъи ккана «Комплексное развитие сельских территорий на период 2020-2025 годы» абураб пачалихъияб программаялъул. ХIалтIул ишалъ Гъизляр районалде щварав ДРялъул хIукуматалъул председатель ГIабдулмуслим ГIабдулмуслимовги гIахьаллъана гьеб тадбиралъулъ. Премьерас бицана цебехун рехсараб программаялъул кьучIалда республикаялда анцI-анцI...
Ахирал къоязда рарал чвахунцIадаз, талихIалъ, гIадамазе къварилъи ккечIо. Амма жагъаллъана шагьранухал, тIуна токалъул кварал. Масала, ЛъаратIа районалда анкьица цIадалги ран, нух щолеб букIинчIо Шидиб росдал администрациялда гъорлъе унел росабалъе. 8 июналда ЛъаратIа районалдаса щварал баяназда рекъон, гьанже дагь-дагьккун къачIалел руго гьел нухалги токалъул кваралги.
Республикаялъул журналисталгун дандчIвана ДРялъул тIабигIиял сурсатазул ва экологиялъул министр Ибрагьим Ибрагьимов. Чара гьечIого тIуразе кколел экологиялъул масъалабазда гъорлъ гьес рехсана рищнидул суал. Ибрагьимовасул рагIабазда рекъон, рищни-къул бакIариялда хурхун Сергей Меликовасул тIадкъаялдалъун гъоркьиса хIадурана хасаб проект. Гьениб республика бикьун буго лъабго бутIаялде – северияб, централияб, югалъулаб. Гьелъул щибалда...
