Ахираб заманалда пачалихъалъ кIвар кьолеб буго Россиялъул халкъазул мацIал церетIезариялде. Гьелдаго цадахъ гьоркьоса къотIулелго гьечIо рахьдал мацIазул сагIтал дагь гьаризе ругилан абулел харбалги. Амма сундухъниги ралагьичIого, руго жеги ракI-ракIалъ рахьдал мацI лъималазда лъазе бугеб гъира свинчIел учительзабиги. МахIачхъалаялъул 11 гимназиялда магIарул мацIалъул учительлъун хIалтIулей йиго газеталъул мухбир Шамай Хъазанбиеваги. Исанасеб цIалул соналда...
Гьал къоязда ДРялъул Халкъияб Собраниялъул депутат, лъай кьеялъул ва гIелмуялъул рахъалъ Халкъияб Собраниялъул комитеталъул председателасул заместитель ГIабдулвахIид Лабазанов дандчIвана Гъизилюрт районалъул Акнада ва гочинабун гIи-боцIи хьихьулел ракьазда ругел Хунзахъ, Казбек, Унсоколо, Гумбет районазул цо-цо росабазул вакилзабигун. Депутатас хIисаб кьуна гъоркьиса октябрь моцIалдаса жакъа къоялде щвезегIан гьабураб хIалтIул, бицана Дагъистаналъул Халкъияб Собраниялъул...
14 июналда Шамил районалъул Микьигьориб ккана пашманаб лъугьа-бахъин. Туристал рекIараб машинаялъ гьабуна авария. Гьелъул хIасилалда машина бачуней йикIарай чIужугIадан бакIалдаго хвана. Гьелда цадахъ вукIарав 11 сон барав вас райбольницаялде хъамуна. Гьесул гIумруялъе хIинкъи гьечIин абуна тохтурзабаз. Рулалда нахъа йикIана 1981 соналда гьаюрай Протасова (Денисова) Евгения Сергеевна. Больницаялде ккарав вас ккола Ставрополь...
15 июналда Санкт-Петербургалда байбихьана халкъазда гьоркьосеб экономикияб форум (ПМЭФ). Гьелъул аслияб тема ккола – «ЦIияб дунял – цIиял ресал» абураб. Дунялалдаго лъугьарал хиса-басиязда рекъон цIияб экономика гIуцIулеб къагIида бихьизабула гьелъ. Пе- тербургалъул экономикияб форумалда Дагъистаналъул делегациялъе бетIерлъи гьабулеб буго республикаялъул бетIер Сергей Меликовас. Форум байбихьилалде Дагъистаналъул бетIер щвана Ленинградалъул блокадаялъул къурбаналлъун лъугьарал гIадамазул...
Украинаялъул Запорожье областалъул Бердянск шагьаралда, пловги гьабун, ункъазарго чи кваназавуна гьанжегIагар нилъер ракьцояв, Болъихъ районалъул Муни росулъа бизнесмен ГъазимухIамад ГъазимухIамадовас. — Гуманитарияб кумекгун, дове инилан ракIалде ккун букIана дида. Цо къоялъ дир лъалев депутат кIалъан вачIана плов гьабизе Украинаялде вилълъине бокьилищин абун. Валлагь, бокьилилан, къватIиве вахъана дун. Босана кIудияб анлъго...
Россиялъул ЦIех-рехалъул комитеталъул ДРялда бугеб управлениялъ байбихьун буго ЦIунтIа районалъул ФАПазда хурхун уголовнияб дело гьабизе. Гьеб сюжеталда бицухъе, чи сах гьавиялъе рукIине кколел шартIал ФАПалда гьечIолъиялъ сакъатлъи ккун буго чанго соналъ цебе квер къотIарав гIолохъанчиясе. ЦIех-рехчагIаз лъазабулеб буго жидеца гьеб ФАПалъул халги гьабунин, гьелъул хIалтIухъабазухъа суравги босанин, дарабиги цогидаб къайи-цIаги гьениб чIезабизе...
Щивав магIаруласда кIочонаревлъун хутIана живго гIадаб борхатаб гьаракьалъ жеги эхедегIан гьев гьавулеб гъаракул тIагъуралъги гIагараб миллат кIодо гьабулев, гьелъул тIалабазда вортанхъулев, чIагояб кьуру гIадав ГIурадаса Суракъат Асиятилов. Суракъатилъ букIана Дагъистаналъул халкъалъе хасиятаблъун бугеб гIакъиллъиги, яхI-намусги, тарихалде арал бахIарчиял умумуз нилъехъе кьун тараб жидерго такрарлъиги… Жакъа гьеб такрарлъилъунги умумузе мустахIикъавлъун лъугьарав Суракъатил цIарги...
МахIачхъалаялда, “Европа” залалда, тIобитIана лъималазе сайгъат гьабураб “ЛъикIлъиялъул гъамас” абураб тадбир. Гьелда гIахьаллъи гьабуна батIи-батIиял районаздаса, шагьараздаса бесдаллъималаз ва Сириялдаги ГIиракъалдаги эбел-эмен хутIарал лъималаз. Гьеб тIобитIизе квербакъана ДР ялъул гражданияб жамагIат це бетIезабиялъул советалъ. Лъималазе байрам тIобитIиялъулъ гIахьаллъи гьабуна “Инсан” фондалъ ва “Бесдалал гьечIеб Дагъистан” гIуцIиялъ. ГIарцулал сурсатаздалъун квербакъи гьабуна ДРялъул нотариусазул советалъ, ДРялъул...
10 июналда Москваялда байбихьараб «Россия — Вселенная звука» абураб халкъазда гьоркьосеб музыкалияб фестивалалда гIахьаллъана «КочIолаб ЧIарада» хорги. Хоралъ кучIдул ахIана лак, лезги, дарги мацIазда, амма аслияб репертуар гIуцIун букIана магIарул мацIалда. Москваялда рукIаго, хоралъул нухмалъулезги гIахьалчагIазги рихьизаруна мастер-классалги. Гьенир тIоритIана миллияб маданияталъул выставкабиги, «Мадугьаласул хIакъалъулъ дуда щиб лъалеб?» абураб социалияб цIех-рехги.
ДГМУялъул ректорлъун Висимпаша Ханалиев тIамуралдаса анкьго моцI гурони гьечIо. Гьев ккола жиндир заманалда гьеб тIадегIанаб цIалул идара лъугIарав ва гIемерал бакIазда хIалтIун хIалбихьи щварав тохтурги гIуцIарухъанги. Къокъабго заманалда жаниб щибха бажарараб? ТIоцебесеб иргаялда, цIияв ректорасда кIвана гъункараб, церечIарал масъалаби тIуразаризе кIолеб коллектив гIуцIизе, медуниверситеталда ришватчилъиялъе бакI букIине гьечIин абураб пикру киназдаго рагIизабизе....
