Имамзабазул гIадатлъун лъугьун букIана зама-заманалдасан кIудияб лъугьа-бахъиналда цебе тIолго халкъалъул вакилзабаз гIахьаллъи гьабурал мажлисал ахIулеб. Гьеб гIадат батIаго цIакъ тIибитIана Шамил имамасул заманалда. ТIоцебе гьев имамлъун вищулеб гьединаб данделъи букIана 1834 соналда ГIанди магIарда. Чачаназулги Дагъистаналъулги гIорхъода букIиналъ гьеб цIакъ санагIатаб бакIлъун букIана гьединал ишазе. Амма 1845 соналда данделъи тIобитIизе ккана гьанжесел...
Пандемия байбихьаралдаса нахъе нилъер улкаялда COVID-19 унтиялъ унтун хвана 278000-ялдаса цIикIкIун чи, сордо-къоялда жанив холев вуго 1200-ялдаса цIикIкIун чи. Щибаб къойил 33000-гIанасев чи унтулевги вуго. Дагъистаналдаги пандемия байбихьаралдаса нахъе 62321 чи унтана, 3010 чи коронавирусалъ унтун хвана. Анлъабилеб декабралда 156 чи тIадеги унтана, щугоял хвана. ТIолгодунялалъул сахлъи цIуниялъул гIуцIиялъул (ВОЗ) Европаялъулаб бюроялъ вакцина...
КечI дихъе бачIана эмен къанщидал, Къвал цIун ургъелазул гьиралги раччун. Дида аскIоб чIана, эбел холелъул, Чвахун унеб магIил гIор тIобитIизе. КечI дихъе бачIана кинида лъураб Лъимералде тIаде къулараб мехалъ. Къваридал, пашманал, гIумру бигъарал, ГIадамаца асар гьабураб мехалъ. Залму Батирова. МагIарул шагIир. Гьелъул сариназул тIамуралъ бачунеб бакъан щивасул рекIелъе бортула. Бокьула, кинабгоги кIочон тун,...
Анлъабилеб декабралда «ХIакъикъат» газеталъул редакциялде рачIун рукIана республикаялъул почалъул хъулухъалъул нухмалъулев (УФПС) МахIач МухIамадовги гьесул заместитель Ангелина Акбулатоваги. Миллиял мацIазда риччалел газетазе гьабулеб подпискаялъул къадар цIакъго гIодобе ккун букIиналда бан, гьелда сверухъ гьабсагIат бугеб ахIвал-хIалалъул хIакъалъулъ бицине рачIун рукIана гьел. Мисалалъе босани, миллионалдасаги цIикIкIун чи вугеб магIарулазул аслияб...
«ЯхI гьечIел майнераз исана сон байбихьаралдаса Дагъистаналда бикъун буго токалъул 41 млн. кВт/ч. Расул ХIамзатовасул цIаралда бугеб Гъуниб ГЭСалъ хIадурулеб электроэнергиялда бащадаб къадар ккола гьеб. Гьадингоги больницабаздегун ясли-ахазде, школазде кьезе ток гIоларого ругеб мехалда, цо хасал чагIаз жидеего тIокI гьабулеб буго жамагIаталъул хазиналъун кколел ресурсал». Гьедин лъазабуна ТЭКалъул рахъалъ идарабазда гьоркьоб гIуцIараб комиссиялъул...
Талат къоялъ республикаялъул хIукуматалда тIобитIана коронавирус тIибитIунгутIизелъун гIуцIараб оперативияб штабалъул данделъи. ДРялъул бетIерасул официалияб сайталда хъвавухъе, вирусалъ унтарал чагIи дагьлъулел руго республикаялда. Амма букIаниги, сахлъулездасаги цIикIкIараб буго гьабсагIаталда унтаразул къадар. Россиялда «Омикрон» абулеб цIияб штаммги тIатун бугелъул, гьелдаса цIуниялъе цIодорлъи гьабизе ккелинги лъазабуна гьениб. Гьединго данделъиялда бицана вирус бахун бугищали...
9-11 декабралда МахIачхъалаялъул «Россия – дир тарих» абураб тарихияб парк-музеялда букIине буго «Тарихазулаб цIияб хIакъикъаталъул заманалда регионалиял СМИ: цебетIеялъул нухал» абураб темаялда рекъон гIуцIараб медиа-форум. Форум гIуцIулеб буго ДРялъул Информациялъулгун печаталъул министерствоялъ. Гьелда бицине буго тарихазулал технологиязул заманалда регионалиял СМИязда церечIарал аслиял масъалабазул хIакъалъулъ. Форумалъул къоязда журналистазул суалазе жавабал...
(ГьаракIуниса НурмухIамадил МухIамадил биценал) Биценалде гьоркьобе араб гьаб лъугьа-бахъиналъе байбихьи лъураб 1843 соналда магIаруллъиялда рукIарал пачаясул аскарал жидерго щулияб хъала бугеб Темир-Хан-Шураялде лъутулел рукIана. Хунзахъ, ЦIатIанихъ, ГьоцIалъ, Зирани хъулби рехун тана гьез. Шамил имамас Гъойсубулиялъул рахъалде наиблъун тIамуна ГьоцIалъа Худанатил МухIамад. Жиндирго тахшагьарлъун тараб Инхо росулъ букIана гьесул чIолеб бакI, канцелярия,...
22-26 ноябралда Невинномысскиялъул пачалихъияб гуманитариябгун техникияб институталда тIобитIана «Кавказский диалог» абураб XII Халкъазда гьоркьосеб гIелмиябгун практикияб конференция. Гьелъул «Обрядовые традиции Северо-Кавказских народов: от предков к потомкам» абулеб секциялда манзилалъулаб форматалда гIахьаллъана Шамил районалъул ЦIияб ГIурада росдал С. Х. Асиятиловасул цIаралда бугеб школалъул коллективги. Учительзабазги, цIалдохъабазги, улбузги конференциялъул гIахьалчагIазда бихьизабуна «КIач (тIимугъ) букъи» абулеб магIарулазул...
ШагIиралъул кинаб асар босаниги, гьелъ дие кIудияб асар гьабула. Цин гьейгун елъанхъула дун, цинги гьелъул рекIелъанго гьулчун бачIунеб магIугун цолъула дир магIуги ва заманалдасан дунялги пикрабиги цIидасан къалъун рачIуна. Фазул асаразул героялгун гаргадула, гьезул къис- маталъулъ дирго къисматги балагьулей ятула. Зама-заманалдасан щола дун Фазухъеги, гьелъ- ул цIар лъураб паркалдеги. Гьале дой — чIаго йигеб мехалда...
