Бергьенлъиялъул Парадалда гIахьаллъана Гумбет районалъул Ингиши росулъа МухIамад Сайгидов. Анкьго класс лъугIарав МухIамад колхозалъул правлениялъ витIана хIисабчагIазул кур- сазда цIализе. Гьелги лъугIизарун росулъе тIадвуссарав гьев, 16 сон барав гIолохъанчи, тIамуна Гумбет районалъул Энгельсил цIаралда бугеб колхозалъул бухгалтерлъун. 1939 соналда ана БагIараб Армиялда хъулухъ гьабизе. КIудияб ВатIанияб рагъ байбихьараб мехалда, М....
11 маялдаса нахъе Россиялъул гIемерисел хъизамазе цIияб пособие кьолеб буго. Президентасул указалда рекъон, тIоцебесеб апрелалдаса нахъе 8-17 сон базегIан лъималазе щибаб моцIрое пособие кьезе бихьизабун буго. Гьеб щвезе гIарзаби къабул гьаризе 26 апрелалдасаго байбихьун букIана. ГIарза къабул гьабуразе щуго къоялда жаниб бачIине ккола гIарац. Жакъа къоялде щвезегIан гIарзаби кьун руго кIигогун...
26 маялда улкаялъул кинотеатразда бихьизабизе буго имам Шамилил вас Жамалудинилги гьесие йокьун йикIарай гIурус яс Лиза Оленина-ялъулги хIакъалъулъ «Аманат» абураб фильм. Премьераялда цебе гьеб бихьизабуна МахIачхъалаялдаги, Гъунибги, Астраханалдаги. Гьеб бахъана «Даггер фильм» ОООялъ. Гьелъул ге- нералияв директор Шамил Жафаров ккола фильмалъул продюсерги. Фильмалъе режиссёрлъи гьабуна Антон Сиверсицаги Рауф Кубаевасги. ...
Донецкиялда Конституциялъул майданалъе кьуна Россиялъул БахIарчи НурмухIамад ХIажимухIамадовасул цIар. Гьеб тадбиралда гIахьаллъи гьабуна ДНРалъул нухмалъулев Денис Пушилиница, БахIарчиясул цIарги босун хварав нилъер ракьцоясул эмен Энгельс ХIажимухIамадовас, гьединго Донецк шагьаралъул администрациялъул нухмалъулев Алексей Кулемзиница. Официалияб тадбир лъугIун хадуб, НурмухIамад ХIажимухIамадовасул цIар тIад хъвараб мармаралъул къоноялда цере тIугьдул лъуна киназго. Гьеб майдан буго Донецк...
ДГПУялда тIобитIана «Физкультура ва спорт цебетIезабиялъул гьанже заманалъул аслиял суалал» абураб темаялда ТIолгороссиялъул гIелмиябгун практикияб конференция. Гьелъул хаслъи букIана педагогикиял гIелмабазул доктор, СССРалъул лъай кьеялъул отличник, Россиялъул тIабигIиял гIелмабазул профессор Вагьаб Минбулатов ракIалде щвезави. Вагьаб гьавуна 1939 соналъул 4 маялда Казбек районалъул Гуни росулъ. 1966 соналда лъугIизабуна Москва областалъул педагогикияб институт, хIалтIана...
5 маялда ДРялъул МВДялъулгун ФСБялъул хIалтIухъабаз МахIачхъалаялда рейдал гьарулаго тIатинарун руго криптовалюта хIадуризе хIажалъулеб 1476 аппарат. Масала, гьел алатал лъураб цо майнинг-ферма гьанжего-гьанже балеб минаялъуб батун буго гьезда. Гьел фермабазул бетIергьабаз бухIараб токалъухъ цIакъго дагьаб гIарац кьолеб букIиналъ гьезда щаклъун руго закон цIунулел идарабазул хIалтIухъаби. СКФОялда босани, бищун гIемер майнинг-фермаби...
Росабалъ гIумру гьабулел гIадамазе минаби разе ва росизе пачалихъалъ гIарац кьезе буго «Комплексное развитие сельских территорий» абураб программаялда рекъон. Гьединаб хIукму гьабуна ДРялъул росдал магIишаталъулгун продовольствиялъул министерствоялъ гьал къоязда. Гьединал мурадазе Дагъистаналда квадратияб цо метраялъухъ кьолеб социалияб гIарцул къадар кколеб буго 9 азаргогун 120 гъурущ. Гьелда тIадеги росабалъ ругел минабазухъ гьединаб...
10 маялда ДРялъул нухмалъулев Сергей Меликов дандчIвана Украинаялда тIобитIулеб хасаб операциялда чIварал рагъулал хъулухъчагIазул хъизан-лъималгун. Гьезда зигараги бан, сихIкъотIиялъул лахIзаталдаса хадуб Меликовас абуна гьел гIолохъабаз такрар гьарунин КIудияб ВатIанияб рагъда жидер умумузулго ишал. Гьединго бицана гьезул хъизаназе киналго рахъалъан кумек гьабизе хIукуматалъул идараби хIадур рукIине кколиланги. Федералиябгун республикаялъул даражаялда гьезда кверчIвазе...
10 маялда республикаялъул нухмалъиялда букIараб данделъиялда бицана гIорхъолъа рорчIарал ахIвал-хIалалги цIа ккеялъул хIужабиги цереккунго нахъчIваялъул, гьединго нагагьлъун гьединал хIужаби ккани, гьезул заралалъул хIасил лъугIизабиялъе щиб гьабилебали. ГьанжегIагар Красноярск краялда цIадуца гьабураб заралги ккана гьеб данделъи тIобитIиялъе гIиллалъун. Гьороца добе-анибе цIаги босун, 60 росдае зарал ккун буго гьениб, анкьго чиги хун вуго....
9 маялда Бергьенлъиялъул парад тIобитIана Каспийскиялдаги. Гитлерил гIащтIичагIазда тIад советияб халкъалъ босараб бергьенлъиялда хурхун республикаялда тIобитIулеб аслияб тадбир гьениб гьабизе хIукму ккаралдаса исана лъабабилеб сон буго. Бергьенлъиялъул Парад байбихьана Каспийскиялъул флотилиялда хъулухъ гьабулел гIолохъабаз майдан къотIун, РФялъул пачалихъалъул ва гьединго Бергьенлъиялъул БагIараб байрахъ босиялдалъун. Пачалихъалъул байрахъ кодоб ккун букIана лейтенант Евгений...
