ДГМУялъул ректорлъун Висимпаша Ханалиев тIамуралдаса анкьго моцI гурони гьечIо. Гьев ккола жиндир заманалда гьеб тIадегIанаб цIалул идара лъугIарав ва гIемерал бакIазда хIалтIун хIалбихьи щварав тохтурги гIуцIарухъанги. Къокъабго заманалда жаниб щибха бажарараб? ТIоцебесеб иргаялда, цIияв ректорасда кIвана гъункараб, церечIарал масъалаби тIуразаризе кIолеб коллектив гIуцIизе, медуниверситеталда ришватчилъиялъе бакI букIине гьечIин абураб пикру киназдаго рагIизабизе....
Анлъабилеб июналда Казбек районалда ккана талихIкъараб иш. Живго жинцаго гъанкъун ватана 15 сон барав гIолилав. Официалияб баяналда рекъон, гIумрудул къо- лъикI гьабиялъе гIилла ккун буго ОГЭ кьолаго математикаялъе щвараб кIийилаб. Гьедин буго хвалда цебе гIолилас хъван батараб тIанчида. — Эбел, тIаса лъугьа гьадин ккунилан. Щивниги гIайибияв гьечIо, дунго гурони». Гьеле тетрадалъул тIанчида хъван...
ДРялъул Лъай кьеялъул отличник, РФялъул ГIаммаб лъай кьеялъул мустахIикъай хIалтIухъан ПатIимат ХIажиева 50 соналъ хIалтIулей йиго ХашархотIа росдал школалда учительницалъун. Байбихьуда микьго соналъ гьелъ дарсал кьуна байбихьул школалда ва гьелдаса хадуб гьелъ кьолел руго чIахIиял классазе магIарул мацIалъул дарсал. Гьелъул эмен МуртазагIали вукIана байбихьул классазул учитель. Гьев хIалтIана Гумбет районалъул Бакьулъ Гьарадерихъ,...
18 апрелалда Дагъистаналъул гуманитарияб институталда тIобитIана студентазул гIелмияб дандеруссин. Гьеб нухда бачана ункъабилеб курсалъул студент ШагIбан МухIамадовас. КIалъазе вахъарав ДГИялъул ректор, техникиял гIелмабазул кандидат НухIкъади БахIмудкъадиевас бицана жакъа дунялалда бугеб ахIвал-хIалалъул ва хIалуцараб заманалда гIелмуялъул бугеб кIваралъул хIакъалъулъ. Дагъистаналъул гуманитарияб институталда гьарулел гIелмиял цIех-рехазул хIасил гьабуна институталъул проректор, тарихиял гIелмабазул доктор, гIелмуялъулгун инновациязул рахъалъ...
Гьал къоязда Дагъистаналъул бищун лъикIал педагогазе кьуна шапакъатал. Гьеб тадбир тIобитIана ГIурус театралда. Гьенире ахIун рукIана «ЛъагIалил учитель – 2022» абураб тIолгороссиялъул конкурсалъул республикаялъулаб бутIаялда бергьарал ва призераллъун рахъарал учительзаби. Исана конкурсалда гIахьаллъана 545 учитель. Регионалияб бутIаялда бергьенлъи щвана 55 чиясе. Гьезда гьоркьоса республикаялъулаб бутIаялда тIаса вищана щуго финалистги номинациязда чIел босарал учительзабиги....
ГъазимухIамадов СагIид ккола Дагъистаналъул пачалихъияб педагогияб университеталъул филологияб факультеталъул студент. Гьев гьавуна ЦIумада районалъул Метрада росулъ. СагIид вуго факультеталъул профсоюзалъул комитеталъул председательги. Гьесулгун гьадинаб гара-чIвари гьабуна нижеца. — СагIид, щай дуца тIаса бищараб филологияб факультет? — Гьелъие аслияб гIилла буго нилъерго гIаммаб болмацI, магIарул мацI, гIадатги гIамалги цIунизе бокьи. Рахьдал мацI лъаларев чи...
«Доска почета России» абураб федералияб электронияб сурсаталда цIар хъвай рикIкIуна пуланав чиясе тIолгороссиялъул жамгIияталъ кьолеб тIадегIанаб къиматлъун. Гьеб сияхIалда цIар хъвазе мустахIикълъана «Возрождение» абураб хасаб лъай кьеялъул идараялъул директор, психологиял гIелмабазул кандидат, Дагъистаналъул пачалихъияб педагогияб университеталъул психологиялъул кафедраялъул профессор, ДРялъул мустахIикъав учитель, РФялъул ГIаммаб лъай кьеялъул хIурматияв хIалтIухъан, гIемерал гIелмиял макъалабазулгун школалъе ва...
Гимназиялде щварав щинав чи чара гьечIого вачуна гьениб бугеб тарихалъулгун этнографиялъул музеялде. Гьелъие кьучI лъуна 1975 соналда. Гьенибги кIудияб бутIа лъуна гимназиялъул директор Чакар Мажидовалъ. «Гьаб гимназиялда гьабулеб кинабго хIалтIуе аслулъун ккола Дагъистаналъул адабият. Адабияталъул асар цIалулеб ва гьеб лъималазда малъулеб мехалда чара гьечIого бицине ккола гьеб хъваялъе ккараб гIиллаялъулги. Гьединал баянал ралагьулаго,...
Ленинкент поселокалъул №35 гимназиялъул байбихьул школалъул завуч, учитель Светлана Анатольевна Зайковская гьаюна, гIуна ва цIалана Приморский краялда, рагъул хъулухъчиясул хъизамалда. Гьелъул умумул кколаан рагъул лъимал. Гьениб гьелъул лъай-хъвай ккана заманалъ хIалтIизе вачIарав магIарулав ЦIумадаса МухIамадилгун. Гьел цоцазе рокьана, ригьин гьабуна ва, гьезул ясалъ ункъо сон байдал, ай 22 соналъ цебе, эбел-инсуе цо...
Гьанжесеб заманалда лъималазе тарбия кьеялъул жавабчилъи гIицIго эбел-инсуда бараб бугин, лъай кьей гуреб школалдаги тIадаб гьечIин абулеб рагIула гIемерисел учительзабаз. Тарбия кьеялъул кинабниги жавабчилъи тIаса рехизе хIаракат бахъула цо-цо школаз. Лъай кьейгун цадахъ, гьелдаго бащадаб даражаялда тарбиялдеги кIудияб кIвар кьолеб бакIлъун ккола Ленинкент поселокалда бугеб №35 гимназия. Аслияб къагIидаялъ патриотикияб тарбия кьеялде кIвар...
