Гугариялъул рахъалъ Европаялъул чемпионаталда къецал унел руго руччабазда гьоркьор.50 кг цIайиялда цее яхъуней Дагъистаналдаса спортсменка Милана Дадашева Рималда унеб гьеб чемпионаталъул бащдаб финалалда дандчIвана Украинаялдаса речIчIухъан Оксана Ливачгун.  ХIалуцараб къеркьеялда 8:9 хIисабгун нилъерай Оксанакьа къуна. Амма гьелъул рес буго мазгарул медалалъе гIоло гугаризе. Гьединго Рималда унеб Европаялъул чемпионаталъул финалалде рорчIана Россиялъул тIаса бищараб командаялъул мухъилъ...

Дунялалдаго машгьураб Sherdog абураб интернет-порталалъул рейтингалда тIоцебесеб бакIалде вачIана Дагъистаналдаса речIчIухъан ХIабиб НурмухIамадов. Гьебгиха, цIайиязул категориязухъ балагьичIого.   ЦIияб рейтингалда рекъон, гьелде щвезегIан тIоцебесеб бакIалда вукIарав Америкаялъул Цолъарал Штатаздаса спортсмен Жон Жонс вачIана кIиабилелде. Лъабабилеб бакIалда вуго эркенаб гугариялъул рахъалъ Олимпиялъул чемпион, UFCялъул речIчIухъан Генри Сехудо. КватIичIого ХIабиб НурмухIамадовгун дандчIвазе кколев Тони Фергюсон гьеб рейтингалда...

Санкт-Петербургалда грепплингалъул рахъалъ дунялалъул кубокалъе гIоло тIоритIулел  къецазда цеве вахъарав Дагъистаналдаса речIчIухъан Пайзудин ГIалиевасул мугъзагьодалъе сакъатлъи ккана. Дандиясе прием гьабулеб лахIзаталда ккун букIараб гьесул гъежги кодоса борчIун, татамиялда кIалагъоркье речIчIана 26 сон барав дагъистанияв. Лъугьа-бахъин ккарабго, тренералги цадахъ рукIарал спортсменалги Пайзудиние кумек гьабизе журана. Амма, спортсмен больницаялде вачиндал, тIатана мугъзагьод бекун букIин.  Пайзудинида цадахъ вукIарав...

КIудияб ВатIанияб рагъда бергьенлъи босиялъул хIурматалда 26 январалда БежтIа росулъ тIоритIана чангъазда хъещтIеялъул рахъалъ къецал. Гьезда гIахьаллъана Россиялъул БахIарчи ГIабдухаликъ Къурбановасул цIаралда бугеб школалъул цIалдохъаби. Къецал гIуцIун рукIана Гьадахъиъ-Гигьдия кувакьа абураб бакIалда. Гьезда гIахьаллъана лъаб­къогогIанасев цIалдохъан. Гьездаса къокъаби гIуцIана ва можоро рехана. Гьеб рахъалъ цIалдохъабазул гIадлу-низамалъул тIалаб гьабулеб букIана ОБЖялъул нухмалъу­лев Ражаб Ражабовасги физкульту­раялъул учительзаби...

Красноярскиялда тIобитIана эркенаб гугариялъул рахъалъ Иван Ярыгинил хIурматалда санайил тIобитIулеб иргадулаб турнир. Спорталъул гьеб тайпаялда цере рахъунел машгьурал речIчIухъаби, ни­лъер ракьцоял ГIабдурашид Садулаев, ХIажимурад Рашидов, Заур Угуев ва Билал Махов гIахьаллъичIониги, кутакалда интересаллъун рукIана исанасел къецал. Дагъистаналъул тIасабищараб командаялъул мухъилъ 50-гIанасев спортсмен гIахьаллъана гьелда, ва гьезда гьоркьоса 17-яв тIадвуссана батIи-батIияб даражаялъул медалалгун.АнцIго цIайиялъул категориялда лъабгояcе...

2020 соналъул тIоцебесеб кIудияб турнир тIобитIана UFC гIуцIиялъ. Гьеб букIана Америкаялъул Цолъарал Штатазул Лас-Вегас шагьаралда. Турниралда цеве вахъана Дагъистаналдаса речIчIухъан Аскар Аскаровги. Гьев дандчIвана американав Тим Эллиоттгун. Жегиги къей лъаларев Аскар дандиясдаса гьаб нухалъги бергьана. Лъабго раундалъул хIасилал гьарун хадуб, судияз бергьенлъи кьуна дагъистаниясе. Гьеб букIана Аскарил UFC гIуцIиялъул турниразда кIиабилеб къеркьей­лъун. ТIоцебесеб нухалда дагъистанияв...

23 январалда Красноярскиялда байбихьана эркенаб гугариялъул рахъалъ Иван Ярыгинил цIаралда тIобитIулеб иргадулаб турнир. Дагъистаналъул тIасабищараб командаялъул байрахъалда гъоркь цеве вахъине вуго кинавниги 50 гугарухъан. Турниралда гIахьаллъизе ругел речIчIухъабазул ва гьелде бугеб хIадурлъиялъул хIакъалъулъ нижее бицана эркенаб гугариялъул рахъалъ Дагъистаналъул тIасабищараб командаялъул тренер ХIайдар ХIайдаровас.— Дагъистаналъул тIасабищараб командагун Красноярскиялде ине къватIире рахъун аэропорталде щун руго ниж...

2019 соналда Дагъистаналъул спорт­сменазе щварал бергьенлъа­базул бицунаго, тIоцебесеб иргаял­да, рехсезе ккола ХIабиб Нурму­хIа­мадовасул цIар. Гьес араб соналда цIунана UFCялъул рачел. Рехсараб гIуцIиялъ Абу-Дабиялда тIобитIараб турниралда гьес къезавуна Америкаялъул Цолъарал Штатаздаса спортсмен Дастин Порье. Халкъалда гьоркьор ВЦИОМалъ гьарурал цIех-рехазги бихьизабуна ХIабиб НурмухIамадов араб соналъул бищунго машгьурав спортсмен кколевлъи. КIиабилеб бакIалда йиго фигуристка Алина Загитова. Цогидал рейтингаздаги...

«Гугариялъ цолъизабураб дуниял» (UWW) гIуцIиялъ Дагъистаналдаса спортсмен ГIабдурашид Садулаевасе ункъо моцIалъ ургуялде вахъине гьукъана. Гьелъие гIиллалъун лъугьана дагьаб цебе Казахсатаналъул Нур-Султаналда тIобитIараб гугариялъул рахъалъ дунялалъул чемпионаталда бергьиндал ГIабдурашидица журналисталгун гара-чIварулелъул Кавказалъул имам Шамилил сурат тIад бахъараб футболка ретIин.   Амма гьеб ишалда гъорлъ кинабниги политика гьечIилан ахIи балеб буго рехсараб гIуцIиялъул вакилзабаз. Регламенталда рекъон чIахIиял турниразда спортсменазул ихтияр гьечIила жидеца къотIи-къай гьабурал...

        Жубараб речIчIухъанлъиялъул рахъалъ цевевахъунев Дагъистаналдаса МухIамад Маликовас гьал къоязда лъазабуна жив профессионалияб спорталде тIадвуссунев вугилан. Щуго соналъ рингалде вахъинчIев МухIамадица абулеб буго Федор Емельяненкогун къеркьезе бокьун бугилан. Гьелъул ва щуго соналдаса профессионалияб спорталде тIадвуссиналъе ккараб гIиллаялъул бицана МухIамадица нижее.             Ахирисеб нухалда МухIамад рингалда дандчIван вукIана Америкаялдаса речIчIухъан Бретт Рожерсгун ва гьеб къеркьеялда махIу бекун...