31 маялда ДРялъул хIукуматалда тIобитIана Каспи ралъдалъ кутум-ччугIа гIемерлъиялъе кинал ресал ратилелали бицунеб данделъи.
ЧчугIил магIишаталъул рахъалъ гIуцIараб комитеталъул нухмалъулев Виктор Руденкол рагIабазда рекъон, гьелъул къадар лъалаго дагьлъана 1990- 2000 соназда цере ккара-ккарал чагIаз электроудочкабаздалъун ччугIаги ккун. Ахираб 10-15 соналда жаниб абуни ис- кусственнияб куцалда гIезабизе лъугьиналъ кутумалъул къадар дагьабго цIикIкIана. БукIаниги, промышленность цебетIеялъул мурадалда эркенго ралъ- далъа гьеб кквезе гьабсагIаталда гьукъи- зе ккелин абураб пикруги загьир гьабуна данделъиялда.
