Ражаб РАЖАБОВ:«ХIалтIулъ гIадлу цIуни — щивасда тIадаб иш» Жал хIалтIулеб бакIалда гIадлу-низам цIуниялде ахIулеб букIана районалъул администрациялда тIобитIараб иргадулаб данделъи. Щибаб идараялъул хъулухъчи ва махщелчагIи камичIого, кватIичIого жидер хIалтIул кабинетазда рукIине ккелин гьениб лъазабуна районалъул нухмалъулез. Райцентралъул учреждениязда гIадлу цIуниялда хадуб жиндирго халкквей букIине бугинги абун, районалъул бетIер Ражаб Ражабовас тIадкъаял кьуна заместителазе ва...
Афгъанистаналъул ракьалдаса советиял аскарал нахъе рачаралдаса 31 сон тIубаялда хурхараб тадбир букIана араб рузман къоялъ Авартеатралда. «Афгъанистан – дир рекIел унти» абураб цIаралда гъоркь Авартеатралъгун Расул ХIамзатовасул цIаралда бугеб Халкъазда гьоркьосеб жамгIияб фондалъ цадахъ гIуцIараб гьеб тадбиралда гIахьаллъана Дагъистаналъул министерствабазул, жамгIиял гIуцIабазул вакилзаби, МахIачхъалаялъул рагъулабгун ралъдал училищеялъул курсантал, кадетазул корпусалда цIалулел васал, школазул цIалдохъаби. Бищунго...
Араб анкьида Авартеатралъул тIоцебесеб сапар букIана Казбек районалде. Лъималазе ва чIахIиязе хIадурараб кIиго спектакль бихьизабуна актераз Дилим росдал культураялъул кIалгIаялъуб. ДРялъул мустахIикъав артист НурмухIамад НурмухIамадовас сценаялда лъураб «Навруз» спектакль кIудияб рохелгун къабул гьабуна Дилим росдал лъималаз. Режиссерас спектакль гIуцIун, букIана жалго лъималазги жигараб гIахьаллъи гьабулеб хIалалъ аваданго. Гастролазул къасисеб программаялда бихьизабуна РФялъул мустахIикъав артист МухIамад...
Рахьдал мацIазул халкъазда гьоркьосеб къоялъул хIурматалда, 19 февралалда ДРя-лъул Миллияб библиотекаялда тIобитIана гIелмиябгун практикияб конференция. Гьелда гIахьаллъана Дагъистаналъул халкъазул мацIазулгун адабияталъул гIалимзабиги, республикаялъул вузазул преподавателалги, школазулгун школалда цебесеб лъай кьеялъул идарабазул педагогалги. Конференция нухда бачана ДНИИПалъул директорасул ишал тIуралей Меседу Шурпаевалъ. Гьелъ бицана 2019 соналда институталда гьарурал гIелмиял цIех-рехазулги, хIадурарал цIалулгун методикиял тIахьазулги, программабазулги хIакъалъулъ....
Инхоса ГIалихIажияв гьавуралдаса — 174 сон «Бусурманав инсул капурал лъимал,Кинаб наслуялъул рижарал нужго?ГIантаб гIанкIуялъул гIадалал ханал,ГIакълу кьезе варис восилев киса?» «ХIамий сарин ахIун мун сверданиги,Дур сариналъ хIамил хIал хисиларо».«Гьересияв гьоролчи чидае басралъула,БитIараб бицаниги, божи гьечIев вукIуна».
МагIарул районаздаса гIатIиракьалде гочарал магIарулазул гIагараб мацIалде бугеб гIажаибго недегьаб рокьуца ракI бохизабуна Хасавюрт районалъул Кокрек росдал школалъул учительзабазул ва цIалдохъабазул церерахъиналдаса хадуб. Гьенир данделъун рукIана магIарул мацIалъул гъасда цоги нухалда бакараб цIадухъ хинлъизе. АхIулаго магIарул кечIгун, кьабулаго къалигун, дандчIвай гьабуна гьез хIурматиял гьалбадерида. МагIарул мацIалъул байрамалде ахIун рукIана шагIир ТубхIат Зургьалова ва «ХIакъикъат»...
МагIарулазул гIаммаб данделъи бугин рагIигун гьенибе ракI гIедегIулеб батила миллат бокьулезул. Амма цIакъго цIикIкIун гьечIищ мацI цIунеян ахIулел, холеб бугин зигардулел, щиб бицунги чIоларел.Бухари тIагъур лъун, чухъа ретIун, гормендо-чохтIоялъ гьурмал гургин гьарун рахъулел руго суратал, малъарун кIалъалел руго данделъабазда. ГIицIго гьел суратал гурони цогидаб лъалкI рекIелъ, ракьалда толарезда хIалкъала цо-цо. КIудияб ахIи-хIуралда жалгоги рихьизарун, кьибил...
ЦерегIанго къоязда «Россия — дир тарих» абураб парк-музеялда тIобитIана ГIахьвахъ районалъул маданияталъул ва искусствоялъул къоял. Тарихияб музеялда гIуцIун букIана районалдаса рахъарал машгьурал художникал ГIабдулатIип Ашибовасул, ГIабдулмутIал НурмухIамадовасул, Чакар ТIалхIатовалъул, Камал Тархол хIалтIабазул выставка, тIабигIиял, тарихиял памятниказул суратазул, гIурус, авар, кIкIаралазул, гIахьвалазул ва багвалазул мацIазда къватIире риччарал тIахьазул ва цIалулгун методикияб литератураялъул выставкабиги. Къокъабго цеберагIигун...
{mp3}3{/mp3} 15 февралалда 31 лъагIел сверана Афгъанистаналдаса советиял аскарал нахъе рачаралдаса. Гьезда гьоркьор рукIана 3000-ялдаса цIикIкIун нилъер ракьцоявги. Щибаб соналъ гьеб къо тIаде щварабго, МахIачхъалаялда бугеб «Афгъаназул ахикье» ракIарарал гьезие тIанчидасан баркиялъул каламги цIалун лъугIула хIакимзабаз афгъаналъулазул гьабулеб хIурмат. Гьеб цохIо дир пикру гуро, жалго Афгъаналъул ветераназ чанго нухалъ тасдикъ гьабураб хIужа...
Дербент шагьаралъул мэр Хизри Абакаровасда ракIалда буго некIсияб шагьаралъул хIакъикъияб ригь щиб бугебали мухIкан гьабизе. Гьелда тIад хIалтIизе Россиялдаса археологазул къокъа ахIизе ракIалда буго гьесда. Амма гьелдасаги цебе гьел археологал тIад хIалтIизе рагIула Нарын-Хъалаялда батараб некIсияб хутIелалъул цIех-рехалда тIад. 18 февралалда хIалтIулаб сапаргун Москваялда вукIаго, Дербенталъул мэр дандчIван вуго археологазул къокъагун. Гьеб дандчIваялда гьесда...
