«Магнит» абураб дармилаб централъ тIалаб гьабулеб буго нилъер гIиял гьан. Гьелъул вакилзабаз лъазабуна жидеца босизе бугин бокьараб тайпаялъул гIиял гьан. Гьединго гьез къотIи-къаял гьарулел руго магIарухъ гIезабураб пурчIинадул, ялъуни лъолъол гьабураб хьон, хурдузул чай, ахбазаналъул бахъараб сок ва цогидабги нигIмат босизеги. БацIцIадаб, татуяб, химия гъорлъ гьечIеб тIагIам жидерго...
БухIараб токалъухъ кьезе кколеб налъул рахъалъ нилъер республика тIоцебесеб бакIалде ккун буго РФялъул регионазда гьоркьоб. Информалатазе гьединаб баян кьуна «Россети Северный Кавказ» абураб компаниялъ. Исана январь, февраль моцIазда жаниб налъи бахун буго 10-ялдаса цIикIкIун миллиард гъурщиде. Гьелда гьоркьоса 6, 8 млрд гъурущ ккола гIадатияб халкъалъ кьезе кколеб. ХутIараб...
23 марталда букIараб Оперативияб штабалъул данделъиялда Сергей Меликовас тIадкъай кьуна республикаялъул тIомолгун венерологиял унтабазул диспансер къачIазе. 1972 соналдаго бараб больницаялда гьелдаса нахъе цониги нухалъ гьабун гьечIо ремонт. Гьебго къоялъ больницаялде щвана вице-премьер Анатолий Карибовасул бетIерлъиялда гъоркь комиссияги. Жанисанги къватIисанги къачIазе бугин больницайин абуна Карибовас. Ремонталъулал хIалтIабазе биччазе буго 100 миллион гъурущ. ...
24 марталда Анцухъ мухъалде гIансиги тIун, 29 росулъе нух къотIана. Хехаб заманалда жаниб нух бацIцIад гьабизе бугин лъазабуна республикаялъул Транспорталъул министерствоялъ. 21 марталда Рутул районалъул ЦIахур росдада аскIоб гIансиги тIун, ичIго росу хутIана жанибе нухги гьечIого. 23 марталда гIансиги тIун, нух къотIана Гъуниб-Вантляшевский габурлъухъги. Гьебго къоялъ къасиялдехун цIидасан гIанси тIуна...
Хасвюрталъул №10 школалда, ОБЖялъул дарсил заманалда, кьвагьана РГД-5 граната. Гьелъул хIасилалда лъукъана учитель. Лъугьа-бахъин ккана 23 марталда. Дарсида, лъималазда РГД- 5 гранатаялъул хIакъалъулъ бицунаго, гьеб тохлъукьего кьвагьана. Учитель лъукъун гурони, лъималазе зарал ккечIо. Лъукъарав шагьаралъул централияб больницаялде щвезавуна. Кин школалде гьединаб граната ккарабали цIех-рех гьабулеб буго. А. ЮСУПОВ
23 марталда ДРялъул Верховный судалъ ритIухъ гьавуна 2018 соналда Росгвардиялъул хIалтIухъан Мурад Рамазанов чIваялда гIайиб гIунтIизабулев вукIарав ШагIбан Мачиев. Гьев ккола рагъулаб самбоялъул рахъалъ чемпион. ХIалтIухъабазул баяналда рекъон, 2018 соналъул ноябралда, пуланаб клубалда кьвагьа-гIанхъиги рагIун, щиб-кинали балагьизе гьениве щварав М. Рамазановасда таманча речIчIун буго Ш. Мачиевас. Цогидаб баяналда рекъонин абуни, Ш....
24 марталда ДРялъул хIукуматалъул нухмалъулев ГIабдулпатахI ГIамирханов дандчIвана Россиялъул лъай кьеялъулгун гIелмуялъул министрасул заместитель Наталья Бочаровагун. Гьез бицана ралел бакIазулгун ракьул участкабазда хурхарал суалазул хIакъалъулъ. Гьениб хIукму ккана республи- каялъул къайимлъиялда букIараб ракьул 50 гектар федералияб бетIергьанлъиялде кьезеги. Гьелъул бакIалда хисун республика- ялъе кьолеб буго цебе федералияб бетIергьанлъиялда букIараб, Дер- бенталда...
Их тIаде щвей кIодо гьабулеб байрам букIана араб рузман къоялъ МахIачхъалаялда. ГIемермиллатазулаб Дагъистаналъул кьерал, магIарухъ гIурал нигIматазул махI, гIасрабаз цIунарал бакънал, умумузул ретIакъаялъулъ фольклоралъул гьунарчагIи — гьеб кинабго тIибитIун букIана ГIурус театралда цебе бугеб майданалда. Расул ХIамзатовасул цIаралда бугеб къотIносан унелщинал лъалхъизарулел рукIана зурмил къвакъваялъги халкъиял гьунарчагIазул гьаракь-бакъаналъги. Санайилго...
МахIачхъалаялъул мэрас лъазабуна: «Эльтавалъул рохь ккола хас гьабун цIунулеб паркалъулаб ракь (ООПТ)». 2019 соналъул байбихьуда МахIачхъалаялъул мэрлъиялде рищиязда гIахьаллъулев вукIарав Салман Дадаевас аслиял масъалабазда гьоркьоб рехсон букIана, тахшагьаралда гIурччинлъи гIемерлъизабиялъул мурадалда, Эльтавалъул рохь цIигьаби ва гьеб пачалихъалъ цIунулеб ракьлъун лъазаби. Шагьаралъе нухмалъи гьабизе байбихьарабго, Салман Дадаевас кIвар буссинабуна гьеб масъала- ялде....
Халкъазда гьоркьосеб руччабазул къоялъе сайгъат гьабун къватIибе биччараб «ХIакъикъат» казияталъул номералда «Чаранги хIулиги цохIого рекIелъ» абураб бетIералда гъоркь бахъараб макъа- лаялда бицунеб буго мугIрузда гIурал гIемерисел руччабазул хасияталъулъ бессун батулеб къвакIиялъулги, къо хIехьеялъулги, гьелдаго цадахъ ракI биунеб недегьлъиялъулги хIакъалъулъ. Гьединалго рагIабазе мустахIикъай гIадан йиго Хасавюрт районалъул Октябрьское росулъа Баширова ПатIиматги. Щуго сон...
