Пириги речIчIун, 26 июналда цIа ккана Гьонода росдада нахъа бугеб накIкIирохьоб. ЦIа свинабулеб хъулухъалъул хIалтIухъаби рачIун ва росдал гIадамал гIахьаллъун кигIан жигар бахъаниги, гьеб свинабизе бажаричIо. ГIицIго 7-8 июлалда чвахунцIадал ран хадуб гIодоцана гьеб. 4 июлалда гьенире рачIун рукIана Гъуниб районалда бугеб, рохьилгун цIа свинабулеб хъулухъалъул хIалтIухъаби. Амма кьуру бугеб санагIат гьечIеб...
Гьал къоязда республикаялъул журналисталгун дандчIвана РФя-лъул медицинаялъул хIалтIухъабазул профсоюзалъул председатель Анатолий Домниковги ДРялда бугеб гьединабго профсоюзалъул нухмалъулей Зумруд Бучаеваги. Журналистазухъе рачIиналде гьел щвана ДРялъул хIукуматалъул нухмалъулев ГIабдулпатахI ГIамирхановасухъеги. Гьеб кIиябго тадбиралъул мурад букIана коронавирусалда данде чIезе улкаялдаго гьарулел ругел хIалтIабазул бицин. Гьелъул хIакъалъулъ бицунаго, Анатолий Домниковас абуна гIадатиял гIадамалго гIадин,...
Цо рагъулъ бихьизабураб кIиго гьунаралъухъ цо гурони шапакъат кьоларилан, Бихьинчилъиялъул Орденги кьун тун вуго Шамил Таймасханов. Амма 1999 соналда гьес хвасар гьавурав 11 рагъухъанас рикIкIунеб буго Таймасхановасе Россиялъул БахIарчиясул цIар кьезе кколин. ЦИН – ТIАНДО, ХАДУБ – ХАРАМИ Шамил Таймасхановасул хIакъалъулъ гьадин хъвалеб буго хIинкъи гьечIолъи чIезабиялъул рахъалъ Болъихъ...
Коронавирусалдаса цIунизелъун республикаялда цIидасан гIорхъичIваял гьаризе руго. 6 июлалда республикаялъул нухмалъиялъ тIобитIараб Оперативияб штабалъул данделъиялда бицана пандемия байбихьаралдаса Дагъистаналда хъвай-хъвагIай гьабунин ковидалъ унтарав 36,8 азарго чиясул. ДРялъул Роспотребнадзоралъул управлениялъул нухмалъулев Николай Павловасул пикруялда рекъон, гьанжегIан гIемерал гIадамал хасалогицин унтун рукIинчIо. Гьелги, аслияб куцалда, 30-59 сонилъ ругел чагIи ккола. Гьединлъидал Павловасда...
ДРялъул Лъай кьеялъул ва гIелмуялъул министерствоялда «Шаг в будущее» абураб ТIолгороссиялъул гIолилазул гIелмияб форумалда бергьаралгун дандчIвай тIобитIана. Исана форумалъул финалалда нилъер республикаялдаса 11 цIалдохъанас гIахьаллъи гьабуна. Гьезда гьоркьоса микьгоял бергьана. КIигоял призераллъунги рахъана. Щугоязе щвана «Школьник изобретатель» ва «Школьник исследователь» абурал каранда ралел гIаламатал. Жеги щугоязе — КIудияб ва ГьитIинаб гIелмиял медалал....
3 июлалда Египеталъул Александрия шагьаралда тIобитIана Расул ХIамзатовасул творчествоялда ва Дагъистаналъул литератураялда тIасан литературияб мажлис. Гьениб бицана Россиялъулгун Египеталъул литературиял бухьеназул хIакъалъулъги. Мажлисалда гIахьаллъи гьабуна журналист Мурад АхIмадовас ва ДРялъул Хъвадарухъабазул союзалъул правлениялъул нухмалъулев МухIамад АхIмадовас. Северияб Кавказалъул халкъазул литератураялда тIасан гьеб мажлисалда кIалъана «Кавказалъул гъалбацI» абун имам Шамилил хIакъалъулъ гIараб...
«Россиялъул хъахIал къункъраби» абураб Халкъазда гьоркьосеб проекталъ данде росана «Парад литератур» абураб конкурсалъул хIасилал. Гьелъул мурад буго Россиялда гIумру гьабулел халкъазул миллиял мацIазулгун литературабазул рахъкквей. Конкурсалда бергьарал дагъистаниязе шапакъатал кьезе МахIачхъалаялде, Театралъул поэзиялде вачIун вукIана проекталъул нухмалъулев, поэт Сергей Соколкин. «За укрепление межнациональной дружбы и пропаганду непреходящих базовых ценностей народов...
ДРялъул Лъай кьеялъул ва гIелмуялъул министерствоялда тIобитIулеб буго бищун лъикIал учительзабазул ТIолгороссиялъул къецалъул регионалияб бутIа. Гьелда чIел босарал педагогазе кьезе буго 200 азарго гъурущ премия. Къецалда гIахьаллъула байбихьул, аслиял ва гьоркьохъел школазул учительзаби. ГьабсагIаталда комиссиялде рачIун руго 32 муниципалитеталъул 116 педагогасул документал. Гьезда гьоркьоса гIемерисел руго гIурус мацIалъулги, байбихьул классазулги, рахьдал мацIазулги ва...
Исана лагеразул кIиабилеб сменаялда хIухьбахъи гьабизе буго 7700-ялдаса цIикIкIун лъимералъ. ГьабсагIаталда республикаялда хIалтIулеб буго 66 лагерь. Гьенир гIуцIулел руго батIи-батIиял профилазул сменаби. Масала, «Надежда» абураб сахлъи цIуниялъул лагералда лъимал куцалел руго командаялда гъорлъ цо тIадкъай тIубазабиялъул мурадалда цадахъ рекъон хIалтIизе. Рагъулаб ишалде ругьун гьаризе руго «Юнармиялъул» сменаялда ругел лъимал. Буйнакск районалда...
Хасавюрт районалъул бетIерлъун хIалтIулелдаса Жамбулат Салавовасул буго 13 сон. Гъизилюрт шагьаралда бугеб «Промнеруд» гIуцIиялда автослесарьлъун хIалтIиялдаса байбихьана гьес захIматалъулаб нух. Россиялъул армиялда тIадаб налъи тIубан хадув цIалана Москваялъул пачалихъияб юридикияб академиялда, Россиялъул президентасда цебе гIуцIараб пачалихъияб хъулухъалъул академиялда, Москваялда бугеб автомобилазулгун нухазул пачалихъияб техникияб университеталда. ХIалтIулъ рихьизарурал лъикIал хIасилазе...
