ХIукуматалъул идарабаз гьабизегIан балагьун чIечIого, росабиги чIунтизе течIого, росдал хIалтIаби жидедаго тIаде росулеб лъикIаб гIадат буго нилъер жамагIатазул. Масала, гьал къоязда ЧIарада районалъул Гьунухъ росулъ тIобитIана шагьаразда гIумру гьабулел росуцоялги гIахьаллъараб субботник. Гьез маххул сеткаялъ сверун къана росдал ах, бацIцIад гьабуна мажгиталде унеб нух, ганчIалги нахъе рехун, хIадурун буго воркаут-площадкаялъе бакI, шагьранух ккун...
8 июналда Гъизляр районалъул Цветковка росулъ рагьана 10 млн гъу- рущги харж гьабун рагIалде бахъинабураб футбол хIалеб майдан. Гьелъие квербакъи ккана «Комплексное развитие сельских территорий на период 2020-2025 годы» абураб пачалихъияб программаялъул. ХIалтIул ишалъ Гъизляр районалде щварав ДРялъул хIукуматалъул председатель ГIабдулмуслим ГIабдулмуслимовги гIахьаллъана гьеб тадбиралъулъ. Премьерас бицана цебехун рехсараб программаялъул кьучIалда республикаялда анцI-анцI...
Ахирал къоязда рарал чвахунцIадаз, талихIалъ, гIадамазе къварилъи ккечIо. Амма жагъаллъана шагьранухал, тIуна токалъул кварал. Масала, ЛъаратIа районалда анкьица цIадалги ран, нух щолеб букIинчIо Шидиб росдал администрациялда гъорлъе унел росабалъе. 8 июналда ЛъаратIа районалдаса щварал баяназда рекъон, гьанже дагь-дагьккун къачIалел руго гьел нухалги токалъул кваралги.
Республикаялъул журналисталгун дандчIвана ДРялъул тIабигIиял сурсатазул ва экологиялъул министр Ибрагьим Ибрагьимов. Чара гьечIого тIуразе кколел экологиялъул масъалабазда гъорлъ гьес рехсана рищнидул суал. Ибрагьимовасул рагIабазда рекъон, рищни-къул бакIариялда хурхун Сергей Меликовасул тIадкъаялдалъун гъоркьиса хIадурана хасаб проект. Гьениб республика бикьун буго лъабго бутIаялде – северияб, централияб, югалъулаб. Гьелъул щибалда...
«Марва-Тур» компаниялъул пресс-хъулухъалъул баяназда рекъон, 2022 соналда дагъистаниязе хIежалде ине хIажалъулеб буго 4,700 доллар (312000 гъурущ). Гьелда гьоркьобе уна МахIачхъалаялдаса Дубаялде щвезегIан самолеталда роржин, хадуб — Мадинаялде щвезегIан автобусалда ин. Гьединго гьелда гъорлъе уна: трансфер (гостиницаялде-нахъе автобусалъ раччи), Маккаялда ва Мадинаялда гIумру гьаби, Зам-зам лъим ва хIеж борхулесе хIажатаб комплект ратIлил. Дубаялдаса...
Республикаялда базе буго «Дагмясо» абураб цIияб гьанал комбинат. ДРялъул хIукуматалъул нухмалъулев ГIабдулмуслим ГIабдулмуслимовасул хасаб бербалагьиялда гъоркь, «Дагагролизинг» АОгун цадахъ рагIалде бахъинабулеб цIияб проект ккола гьеб. Гьанал комбинат базе тIаса бищун буго Гъизилюрт районалъул КIулзеб росдал ракь. Гьеб базе гIарац биччазе буго республикаялъул бюджеталдаса, гьединго инвесторалги ахIизе руго хIалае. «Дагмясо» абураб...
28 маялда Гумбет районалъул Килалъ росулъ тIобитIана рес публикаялъулаб даражаялда чуял тIамиялъул фестиваль. Килдерил росдада цебе «Роччоб» майданалда «Шамил имамасул хъала» абун цIар кьураб гьеб тадбиралда гIахьаллъи гьабуна мадугьалихъ респу- бликаялдасаги малъун, 40 чотIахъанас. Килалъ росулъ гъоркьисаги тIобитIун букIана гьединабго тад- бир. Амма исанасеб фестивалалъул даража бергьун кIудияб букIана. ЦохIо чотIахъаби гурелги, гIемерал...
ТӀоцебесеб июналда, халкъазда гьоркьосеб лъимал цӀуниялъул къоялда, «Муслимат» руччабазул диниябгун жамгӀияб гӀуцӀиялда бесдал лъималазе рохалилаб байрам тӀобитӀана. «Муслиматалда» цебе рагьараб «Аманат» школалъул цӀалдохъабаз байрамалде рачӀарал лъималазе ва гьезул улбузе рикӀкӀана кучIдул, ахIана нашидал. «Аманаталъул» цӀалдохъабаз бихьизабуна Къуръан цӀализе бугеб гьунарги. Лъималазе цӀакъго рекӀее гӀуна диналда хурхарал бицанкӀаби ва гьел чIваразе кьуна...
1 июналда, имам Шамилил цIар лъураб къотIноб, «АхIулгохI» абураб жамгIияб цолъиялъ тIобитIана имам гьавуралдаса 225 сон тIубаялъул хIурматалда баннер седеялъул тадбир. Гьелда гIахьаллъи гьабуна ДРялъул Миллияб политикаялъул ва диналъул ишазул рахъалъ ми- нистерствоялъул, имам Шамилил цIаралда бугеб фондалъул, Динияб идараялъул ва жамгIиялгун гIолилазул гIуцIабазул вакилзабаз. — Имам Шамил гьавуралдаса 225 сон...
Гьал къоязда «Россия — моя история» музеялда республикаялъул журналистазда бихьизабуна «НАТО. Хроника жестокости» абураб выставка. СССРалда дандечIезелъун гIуцIун букIараб гьеб блокалъул хIакъикъат цебе чIезабулел сураталги, тарихиял документалги, видеоги руго. Музеялъул хIалтIухъабаз бицухъе, дагьалъ цебе гIуцIараб гьеб выстав каялъухъ балагьизе вачIун вуго кIиазарго гIанасев чи. З. ХIажиева
