1 июлалда тIоритIизе руго Кониституциялда хиса-басиял гьариялда хурхун рищиял. Гьелъул бицунаребги, хъваларебги бакI гьечIин абизе бегьула социалиялгун, информация тIибитIизабулел сурсатазда. ХIатта пандемиялъул суалги дагьаб нахъегIан цунин ккол гьез.   Улкаялъул аслияб документалда жанир гьаризе ругел хиса-басиязда гьоркьоб буго: Жиндир заманалъулаб ва киналго разияб медицинаялъул кумек щвеялъул, щулияб сахлъи букIунеб гIумру гьаби, хъизан-лъималазул институт камил гьабиялъул...

Гьаркьал кьезе рачIараб бакIалда гIадамалги гIемерлъун цоцаде коронавирус бахинаредухъ нилъер цо-цо росабалъ рищиял 21 июналдаго  тIоритIизе руго.   РФялъул Конституциялда хиса-басиял гьариялда хурхун рищиял тIоритIизе 1 июль бихьизабун буго. Амма гьелъие гьаркьал 25 июналдаса байбихьун, гьеб къоялде щвезегIанги кьезе бегьула.   Гьедин, цереккунисел рищиял рукIине руго  Дагъистаналъул ичIго районалда (рищиязул участоказдаса рикIкIад ругел росабалъ, хъутабазда)....

Гьал къоязда нахъеги хабар ккана Гумбет районалдасан унеб Чачан республикаялъулгун гIорхъода тIасан.   Абулеб букIана рачIун гьенирегун чачаназ жидерго бакI бихьизабулел игIланал чIван ратанилан. Гьелъ цIидасан хъуй бахъана интернеталда. Цо-цояз гьеб хабар миллатчилъиялдецин сверизабизехъин букIана.   Амма Гумбет районалдасан щва­раб баяналда рекъон, игIланал гурел, гьадинго тIилал чIван рукIун руго гьенир. Гьанже нахъе рахъунги руго. Районалъул...

Республикаялъул Динияб идараялъ баркала загьир гьабуна гIидалъул къоялъ халкъ къватIибе бахъинчIого чIаралъухъ. Рокъоса къватIире рахъунгеян гIадамазда гьарулеб бугелдаса кIиго моцIидасаги цIикIкIун заманги бана. Амма гIемерисез гьеб гьариялъул сан гьабичIо. Сордо-къо батIа гьабичIого добе-гьанибе женжелеб букIана халкъ. Гьелъул кинаб хIасил ккарабали гьаниб такрар гьабиларо. Хваразулги захIматго унта­разулги хIакъалъулъ баян кьечIеб номер букIинчIо нужеца гьабсагIат цIалулеб газеталъулги....

К о р о н а в и р у с г у н къеркьолаго, къадарал­де щварал тохтурзаби ракIалде щвеялъе мону­мент рагьани, лъикIаб букIинин абураб пикру загьир гьабуна гьал къо­язда республикаялъул сахлъи цIуниялъул ми­нистерствоялда цебе бу­геб ЖамгIияб Советалъ.     Гьединаб гьаригун республикаялъул ва тах­шагьаралъул нухмалъ­улезул цIаралда рагьа­раб кагъат хъван буго гьез. Монумент эхетизе лъикIаблъун...

Дагъистаналъе коронавирусалъ гьабураб зарал борцун бажарулеб ро­ценго батиларо. Пандемия байбихьаралдаса нахъе РФялъул президен­тас хасаб данделъи тIобитIизегIан ДРялъул официалияб статистикаял­да ругел баяназда гIажаиблъизе бачIунаан. Хварал гIадамазул къадар бихьизабулеб букIана цIакъго дагь. Гьайгьай, гьел баяназда божизе рес букIинчIо, щайгурелъул вацапалда ругел курсцоязул къокъабазда щибаб къойил бицунеб букIана жиде-жидер росабалъ ккарал камиязул хIакъалъулъ. Гьел тIатIала журараб мехалда кколеб...

Исана июлалда байбихьизе буго коронавирусалъ унтарал гIадамазул сахлъи цIунизе къеркьарал тохтурзабазе психологияб кумек гьабизе. Гьелъул хIакъалъулъ «ХIакъикъаталъул» бетIерав редактор ГIумахан ГIумахановасулгун гьабураб гара-чIвариялда бицана «Журавли» абураб ГIелмиябгун сахлъи цIуниялъул комплек­салъул (НОК) генералияв директор, М.В. Ломоносовасул цIаралда бугеб Москваялъул пачалихъияб университеталъул (МГУ) профес­сор, Гъуниб районалъул Шангъодаса МухIамад ХIабибовас.   — МухIамад, дуца загьир гьабу­на нужер сахлъи...

Туркиялъулазгун гьенир ругел нилъер ватIанцояз дарабаздалъун ва медицинаялъул къайи-цIаялдалъун гьабураб кумек тIаде щвана. Ай, 26 маялъул къаси МахIачхъалаялде щвана гьеб къайидал цIураб кIудияб машина.   Гуржиялъулгун РФялъул гIорхъоде (Северияб Осетиялде) гьелда дандчIвазе республикаялъул тIалъиялъ витIун вукIана ДРялъул миллияб политикаялъулгун диниял ишазул рахъалъ министрасул заме­ститель Гьарун Давыдов.     Коронавирусалда бан киналго па­чалихъаз гIорхъаби къан ругелъул,...

18 маялда РФялъул президент Владимир Путиница видеоконферен­ция тIобитIана нилъер республикаялъул нухмалъигун. Гьединго гьелда гIахьаллъана муфтий АхIмад—ХIажи афандиги. Республикаялда лъу­гьун бугеб захIматаб ахIвал—хIалалда тIасан хабар ккана гьениб. КIвар бугел суалалги рорхана. РагIи—рагIиккун гьениб бицарабщинаб жо жакъа газеталдасан кье­ялъул магIна бихьуларо. Гьелъул нусго батIияб свери гьабун кьуна теле­эфираздасан, интернеталъ ва социалиял гьиназги.     Къокъ гьабун республикаялъул...

Инсанасул сахлъи цIуниялъул фронталда тушманаб коронавируса- лъулгун цебесеб кьерда рагъ балеб буго жакъа тохтурас.   Тохтурасул махщел ккола бахIарчилъиян абулаан машгьурав хъвада­рухъан ва тохтур Антон Чеховас. «Тохтурасул махщелалъе кидаго хIажатаб буго пикрабазулги рекIелги бацIцIалъи. Тохтур вукIине ккола гIакъилавлъун, рухIияб рахъалъ вацIцIадавлъун ва къамартIавлъун», — илан абуна гьес.     Коронавирусалъул пандемиялъул квачIикье ккана БежтIа участока-...