МагIарул щибаб росулъги ратула халкъиял кучIдул ахIизе гьунар бугел гIадамал. Гьезул щивасул буго цохIо жидеего хасаб къагIидаги. Гьединазул кучIдузухъ урхъун рукIуна нилъ. Жакъа дица бицина Хунзахъ районалъул ТIанусиса АхIсарат ХIайбулаевалъул хIакъалъулъ.    МагIарул кечI бокьулезда гьеб цIар чанго соналъ цебе рагIана. Гьелъ халкъияб кечI ахIулелъул, унго-унголъунги беразда цебе кьурдулеб букIуна магIаруллъиялъул сипат.Гьаюна АхIсарат кечI-бакъаналъе гьунар...

АсхIабгIали ХIасанов магIарулазда лъала шагIир, палугьан, кочIохъан хIисабалдаги Даку Асадулаевасул цIаралда бугеб фондалъул нухмалъулев хIисабалдаги. Гьев ккола Дагъистаналъул Хъвадарухъабазул союзалъул членги. Гьес къватIибе биччана микьго тIехь. Дагьаб цебегIан къватIибе бачIараб иргадулаб тIехьалда цIар буго «Рокьул чирахъ» абун. ТIехь гIуцIун буго анлъго бутIаялдаса. ШагIирасул шигIрабазул аслиял темабилъун ккола ватIаналде рокьиги, умумузул бахIарчияб тарихги, жакъасеб къоялъул къисматги,...

2019 соналъул ахиралда цо къоялъ дихъе кIалъан вачIана Гумбет районалъул Гьарадерихъ росулъа Юсуп МухIамадов. Гьес бицана жиндирго мурад — гIахьаллъулев вуго «ХIакъикъат» газеталда цIар хисиялъе лъазабураб къецалда. Юсупица абуна жинда берцин бихьун бугила ИРС абураб цIар. Щибаб хIарпалъул магIнаги бицана гьес. ИРС – Инсул Росулъе Сапар. Дие цIакъ кIудияб асар гьабуна хIарпазул магIнаялъ – гьеб...

Гьалеха, хIурматиял цIалдолел, тарихалде ана миллияб маданияталъе ва адабияталъе сайгъат гьарурал гьурмал. Гьез нужее араб соналдаги бицана миллаталъул адабияталда ва маданияталда ккарал лъугьа-бахъиназулги, шагIирзаби-хъвадарухъабазулги, магIарул ко­чIолаб дунялалъулги. Нужеца цIа­лана магIарул музыкалияб дунялалда цIвабилъун кенчIолел ругел МухIамад ГIабасовасулги, Абакар ГIумархIажиевасулги, ГIаб­дула МухIамадмирзоевасулги, Му­хIамадтIамир Синдикъовасулги, Му­хIамадтIагьир Къурачевасулги, Хадижат Жамалудиновалъулги, ХIамзалав ХIамзаловасулги, Зай­наб Махаевалъулги ва цогидалги магIарул кочIол...

  13 декабрь – Сидрат Мажидова гьаюраб къо   Гьеб букIана 1972 сон. Доб мехалда дица гIумру гьабулеб букIана Шамхал посёлокалда. Шамхалалде гIемер бачIунаан Авар театр. ЗанкIун цIун букIунаан Культураялъул рукъалъул зал театралъухъ ралагьизе рачIарал шамхалалъулаз ва мадугьалихъ бугеб Богатыревка росдал гIадамаз.   Доб сордоялъ Шамхалалде рачIун рукIана РСФСРалъул халкъияй артистка Сидрат Мажидова гъорлъ йигеб...

МахIачхъалаялда, ГIурус театралда тIобитIана Халкъазда гьоркьосеб театралияб форум. Гьенир гIахьаллъана республикаялъул театразул хIалтIухъаби, театралиял вузазул студентал, Россиялъул батIи-батIиял регионаздаса гьалбал.   Тадбир рагьана ДРялъул культураялъул министр Зарема Бутаевалъ. Гьелъ бицана республикаялъул театразул творчествияб гIумруялъул ва гьеб цебетIезабиялъе гьабулеб бугеб хIалтIул хIакъалъулъ. ГьабсагIаталда Дагъистаналда буго 12 профессионалияб театр ва 30-ялдаса цIикIкIун халкъияб театр. Гьединго гьелъ бицана...

ИмахIажи Такъиев гьавуралдаса — 90 сон   Гьавуна ИмахIажи Такъиев 1929 соналъул 27 ноябралда ГIахьвахъ районалъул КIаратIа росулъ. Гьес лъугIизабуна Москваялъул А. В. Луначарскиясул цIаралда бугеб театралияб институт 1955 соналда хIалтIизе лъугьана МагIарул театралде.   Гьес хIана анцI-анцI ролал. Гьезда гьоркьор руго, масала, М.Ю. Лермонтовасул «Бэлаялдаса» Максим Максимыч, Расул ХIамзатовасул «МагIарулалда» ГIусман, Шекспирил «Оттелоялдаги» вихьана...

  «КочIолаб ЧIарада» бихьиназул хоралъул хIакъалъулъ лъаларевги, гьелъ асир гьаричIел магIарулалги ратиларо, хасго мугIрузул районазда.   Рорхатал мугIрузул ЧIарада районалда бижараб унго-унгояб магIарул кочIол гъасда чанги данделъана магIарулал. Хоралъул щибаб кечIалъ нилъее бицуна мугIрузул борхалъиялъулги, магIарулазул тIадегIанлъиялъулги, миллаталъул цIар цIвабзазда аскIоб хъварал бахIарчиял васал-ясазулги къиса. ГьабсагIаталдаги гьеб кечI гъугъала рокьул дандерижилъун гIагарал мугIрузда. Гьелъухъ гIенеккаразул...

 23 ноябралда МахIачхъалаялда, тарихалъулаб паркалда цIидасанги данделъун рукIана магIарулал жидерго гъасда бакараб цIадухъе.   Гьаб нухалдаги гьоркьоб лъун букIана рахьдал мацIалъул суал. Нахъеги магIарул мацIалъул угьи-зигараялъухъ гIенеккизе данделъун рукIана гIалимзаби, магIарул мацIалъул учительзаби, шагIирзаби, хъвадарухъаби, гIолилал ва рахьдал мацIалъул унтиялъ унтизарурал магIарулал.     Тадбир рагьана ва нухда бачана «Аварал» гIуцIиялъул гIахьалчагIи Даниял МухIамадовас ва...

  27 ноябралда Махъачхъалаялда, Поэзиялъул театралда данделъун рукIана Кавказалъ асир гьарурал Москваялдаса гьалбадерида дандчIвай гьабизе.   Тадбиралда гIахьаллъизе ва жидерго Кавказалдеги, Дагъистаналдеги, дагъистанияздеги бугеб адабалъулги рокьулги хIакъалъулъ бицине рачIун рукIана «Дир Планета» телеканалалъул вакилзаби. Гьезда гьоркьов вукIана «Кавказалъул асир» абураб проекталда рекъон, «Дагъистан. Гъамсукь» документалияб фильмалъул автор Андрей Понкратовги.     Жакъа къоялде гьез бахъун...