Щибаб къоялъ, радал яхъанщинахъе, яккулаан Фатима шифоньералъуе – гьениб бан букIана КIалбиччанкъоялъ ретIине бугеб хъахIаб гурде, аскIобго — тиризе унелъул, босизе бугеб хъахIаб кье- ралъул, бантиказ угьараб, накъищаз къачIараб сумкаги. Зама-заманалдасан тIад кверги бахъулаан гьелъ гурдеялда. КIалал кквезеги цIакъайха йикIарай щуго сон барай Фатима. Цо къоялъ гьелъ дахIабабада гьикъана КIалбиччанкъо щвезе чан къо хутIун бугебилан....

Гьал къоязда ДРялъул Росдал магIишаталъул ва кванил нигIматазул министерствоялда хIукуматалъул председателасул заместитель Нариман ГIабдулмутIалибовасул нухмалъиялда гъоркь тIобитIана социалиял идарабазде гьитIичазе кьезе кванил нигIматал росиялъул рахъалъ суалал рорхараб данделъи. Гьелъул аслияб мурад букIана МахIачхъалаялъул социалиял идарабазде ричун росулел нигIматал жидехъ кьураб багьаялде дандекколареб, къадараб бати ва тIокIалъ гьединал хIужаби ккеларедухъ хIалтIи гIуцIи. Данделъиялда гIахьаллъана ДРялъул Росдал...

        Шамил районалъул МачIада бугеб лъималазул лагералда хIалтIулел тарбиячагIаз гьарана дида гьенир хIухьбахъулел лъималазда гьоркьоса бищунго лъикIаб гIадлуги гьабулеб-толелъе тадбирги бугев, диналдаги тIадчIарав, спортги бокьулев, чIахIиязеги гIисиназеги кумекалъе вахъинеги хIадурав, барахщичIого, жиндихъ бугеб жо цогидазе гIахьал гьабизеги хIадурав ИсмагIил ИсмагIилов гIезавуралъухъ казияталдасан гьесул эбел-инсуе баркала кьеян.      ИсмагIил ккола Хунзахъ районалъул...

  МахIачхъалаялда, “Европа” залалда, тIобитIана лъималазе сайгъат гьабураб “ЛъикIлъиялъул гъамас” абураб тадбир. Гьелда гIахьаллъи гьабуна батIи-батIиял районаздаса, шагьараздаса бесдаллъималаз ва Сириялдаги ГIиракъалдаги эбел-эмен хутIарал лъималаз. Гьеб тIобитIизе квербакъана ДР­ ялъул гражданияб жамагIат це­ бетIезабиялъул советалъ. Лъималазе байрам тIобитIиялъулъ гIахьаллъи гьабуна “Инсан” фондалъ ва “Бесдалал гьечIеб Дагъистан” гIуцIиялъ. ГIарцулал сурсатаздалъун квербакъи гьабуна ДРялъул нотариусазул советалъ, ДРялъул...

  Ахираб заманалда цIакъго гIемерлъун руго батIи-батIиял унтаби. Гьел тIаде рачIиналъе сабаблъунги ккола нилъерго квешаб хьвада-чIвади ва рекъечIел гIамалал гьари. Гьединаздасан ккола наркотикал хIалтIизариги.    Гьайгьай, нилъеда бичIчIула наркотиказул бугеб зарал. Амма бигьаго гIарац щолеб бугинги абун, гьел тIиритIизарулез хIаракат бахъулеб буго гьеб «бизнесалде» гъорлъе хIатта балугълъиялде рахинчIелцин цIазе. Гьелдаго цадахъ наркотикал ричиялде машгъуллъулел руго...

       Вехьасул хIалтIудаса захIматабги гIакъуба бихьулебги хIалтIи гIемер батиларин ккола. Гьава-бакъалъул шартIазухъ, сордо-къоялъ­ухъ балагьичIого, хIалтIулел гIухьби кидаго рукIана ва жакъаги руго реццалъе мустахIикъал гIадамал. Гьединазул цояв ккола 41 соналъ гIияда хадув вугев Макъсудов МухIамадрасулги. Гъуниб районалъул ЧIохъ росдал Хъумторхъала районалда бугеб СПКялъул гIиял брига­даялде ниж щведал, Кудалиса МухIмадрасулги ЦIияб ЧIикIаса Изаев ГIабдурахIманги нижеда ратана...

22 февралалда ЧIарада районалъул Гьилиб росулъ вилана лъабго сон барав вас. КватIичIого васасул эбелалъ ахIи бана районалъул полициялъул отделалде. Вас валагьизе журана гIемерал чагIи – районалъул СЧСалъу­л ва Да­­гъистаналъул МЧСалъу­л хIал­тIу­хъаби, ЧIарада, Болъихъ, Лаваша РОВДязул кинологал, хIалтIухъаби, районалъул росабазул гIадамал, «Лиза Алерт» хвасарлъиялъул отрядалъул волонтёрал. Гьединал къояз бихьула нилъер халкъалъул гъунки, цолъи.ТIоцебесеб къоялъ вас вугеб...

Гьал къоязда МахIачхъалаялда тIобитIана ясазда гьоркьоб «Бищун халатаб гъал» абураб къец.   Гьединаб къец тIобитIиялъе гIиллаги букIана гьаб заманалда гъалал тарал руччаби къанагIат гурони гьечIолъи. Цебейин абуни, нилъер улбузул чохтIоялда гъоркьан раккун рукIунаан халатал гъалал. Гьанже халатаб гъал бугей яс йихьи буго къанагIатаб жо ва мода бугинги абун, гIемерисез гьабулеб буго берцинаб катIари. Къец тIобитIиялъе...

    МахIачхъалаялда бугеб «Россия – дир тарих» музеялъулаб комплексалда тIобитIана канлъукъал ва беццал лъималаз рахъарал суратазул, гьез гьарурал ясикIабазул выставка-ярмарка. Къиматалъ реэдичIел лъималазухъ балагьун пикру гьабулеб букIана киндай гьез гIумруго гьабулебилан. Амма гьез гьарурал берцинал ясикIабазухъги, рахъарал суратазухъги, гIисинал квераз гьарурал тIугьдузухъги, курхьабазухъгун рахсазухъги балагьидал, киназго абулеб букIана киндай гьезда кIварабилан гьадинаб берцинлъи гIуцIизе....

  ГIемерисел умумуз учительзабазде тIаде рехун тола жидерго лъималазул пагьму цIикIкIинабиялъул суал. Гьезда ракIалдеги ккола школалде иналде лъималгун хIалтIизе кколарин ва гьезда щибго жоги бичIчIуларин.   Умумузда ккола цого-цо цIалун бажарани ва лъикIал къиматал росани лъималазе гIунги тIокIаб бугин. Амма нилъеда бихьула гьабураб къоялдаса нахъе лъимер берцинабщиналде балагьулеб, хIеренаб гьаркьихъ гIенеккулеб ва кьер берцинал расанкIабигун...