9 февралалда Москваялда цIидасан хал гьабизе буго МуртазагIали Мажидовасда хурхун гIуцIараб уголовнияб делоялъул. Цеве ДРялъул хIукуматалъул председательлъун вукIарав Мухтар Мажидовасул вас ккола гьев.

  Гъоркьиса июналда Москваялда присяжниял судалъ ритIухъ гьавунги вукIана МуртазагIали Мажидов. Амма судалъул щаклъи ккун буго гьеб хIукму битIараб букIиналда.

  МуртазагIали Мажидовасде гIунтIизабулеб буго жиндаго цадахъ МГИМОялда цIалулей йикIарай гьесул йокьарай яс, Казахстаналдаса Томирис Байсафа хвеялъул гIайиб. 2018 соналда общежитиялъул ункъабилеб тIалаялдаса гъоркьеги йортун, лъабго анкьидасан хвана гьей. ЦIех-рехчагIаз рикIкIунеб буго гордухъа къватIие кIанцIиялде Мажидовас ккезаюнин Томирис Байсафа.