РФялъул хIукуматалъул председатель Михаил Мишустиница гъулбасараб документалда рекъон, исана 36 дагъистаниясе щвезе руго жанир чIезе рукъзабазул сертификатал. Гьелъие гIарац биччалеб буго федералияб бюджеталдаса.

  Гьедин, 27 сертификат (198 млн гъурущ) щвела радиациялъул авариязул хIасилал тIагIинариялъулъ гIахьаллъарал нилъер ракьцоязе.

   Микьго сертификат (34 млн гъурущ) щвела батIи-батIиял гIиллабазда бан жидеца гIумру гьабулеб бакI рехун тезе ккарал чагIазе. Цоги сертификат кьолеб буго Байконуралдаса цогидаб бакIалде вахъунев чиясе.