13 ноябралда Каспийскиялда («Анжи-Аренаялда») тIобитIизе буго Open Dagestan абураб туризмалъул форум. Гьелъул гIахьалчагIи ккола туризмалдехун хурхен бугел гIадамалги, гIиси-бикъинаб даран-базаралъул чагIиги, пачалихъиял хъулухъчагIиги.
«Дагестан диалог», «Dagestan Habar» ва «Оpen GR» абун лъабго батIияб майданалда бицине буго туризм цебетIезабиялъе ругел тIабигIиял ресазулги тIалъиялъ гьелъие гьабизе бегьулеб кумекалъулги хIакъалъулъ. Гьединго росдал магIишаталъул, энергетикаялъул, дармил ва промышленниял компанияз форумалда бихьизабизе буго жиде-жидерго продукция.
