FaceBook  in  yt  rss

ХIеж лъаларо, 9 май кIодо гьабизе буго

 

Коронавирусалда сверухъ республикаялда бугеб ахIвал-хIал жакъа къоялъги парахатаб гьечIо. Унтаразул къадар дагьлъулеб гьечIолъиялъул хIакъалъулъ бицана 6 апрелалда тIобитIараб Оперативи­яб шатабалъул данделъиялда ДРялъул нухмалъулесул ишал тIуралев Сергей Меликовасги.

- Цо къоялда жаниб унтулезул къадар бахунеб буго 40-45 чиясде. Гьеле гьеб гIиллаялъ буго нилъеца гьаб данделъи щибаб анкьалъ тIобитIулебги.

Гьединлъидал цо-цо тадбиразда хурхун лъазарурал гIорхъичIваял жеги нахъе рахъизе бегьуларо. Гьел цIакъго рекIеда къан руго цо-цо чагIазда. Мисалалъе, бертаби тIоритIулел рукъзабазул бетIергьабазул гIарз буго жидер бизнес чIун хутIиялда бан. Амма гьезие зарал кколеб бугин абун, тIубараб халкъалъего бугеб хIинкъи нилъеда кIочон тезе бегьуларо, - ян абуна С. Меликовас.

Оперативияб штабалда рорхана республикаялда маялъул байрамкъоял кIодо гьариялъул ва гьединго исана хIежалде сапар гьабиялъул суалалги. Унтуца цIакъго хIал гьабулеб букIиналда бан, Бергьенлъи босаралдаса 75 сон тIубай гъоркьиса кIодо гьабун букIинчIо улкаялда. Исана, щиб рес ба­тунги, 9 май нилъеца хIурматияб куцалда тIобитIизе кколин лъазабуна С. Меликовас.

Гьесул рагIабазда рекъон, гIемерисезул рахIат хвезабун буго хIежалде исана риччаладай абураб суалалъги.

- Дида бичIчIула нилъер хIажизабазе бугеб ургъел. Амма гьабсагIаталда чIванкъотIараб хIакъикъат гьечIо гьеб суалалда сверухъ. СагIудиязул ГIарабиялъ нилъер республикаялъе бихьизабураб квотаги гьечIо. ХIежалде риччаялъе аслияб шартI буго коронавирусалъ унтиялъул къа­дар нилъер республикаялда гIодобегIанаб букIин. Амма гьединаб хIасил гьабсагIат гьечIо. ГIагараб заманалда гьеб хисизабизе кIвеялде хьул буго, - ян кIалъана республикаяъул нухмалъулесул ишал тIуралев.

ХIеж лъаларо, 9 май кIодо гьабизе буго
Прочитано 47 раз
Другие материалы в этой категории: « «Заманалъул матIу» Питна-хIур хIажат гьечIо »

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх