ДРялъул бетIер Сергей Меликовасул тIадкъаялда рекъон, ДРялъул хIукуматалъул председатель ГIабдулмуслим ГIабдулмуслимов ана хасаб рагъулаб операция тIобитIулел регионазде. Гьеб буго Украинаялде гьабулеб гьесул кIиабилеб сапар. 2022 соналъул декабралдаги ун вукIана гьев Луганск республикаялде.
ГI. ГIабдулмуслимов щвана Запорожье областалъул Михайловский районалде. Гьенир хIалтIулел руго Дагъистаналдаса махщелчагIи. Гьез къачIалел руго социалиял объектал. Премьер дандчIвана регионалъул нухмалъулелгун ва рагъулал лъугьа-бахъиназда гIахьаллъулел дагъистаниялгун.