Араб анкьалда Авар театралда тIобитIана «Дагъистан» басмаханаялъ къватIире риччарал авар адабияталъул классикал ХъахIабросулъа МахIмудил ва ЦIадаса ХIамзатил тIахьазул церелъей. Дандеруссин нухда бачана филологиял гIелмабазул доктор АхIмад МуртазагIалиевас. Гьес ракIалде щвезабуна классиказул творчество ва бицана «Дагъистан» басмаханаялъ Дагъистаналъул адабияталъул классиказул тIахьал цIидасанги къватIире риччаялъе гьабулеб бугеб хIалтIул.     Гьенир кIалъазе рахъана ва ша­гIирзаби ракIалде щвезаруна...

        23 февраль квачараб бачIана республикаялде. Радалго базе лъугьана гIазу. Хъат-хъат гIадал гIазул хIулабаз гьабугьин бахчана сверухълъи, шагьранухазда къана цIер. ГIодобкъо букIиналъги батила, масала, тахшагьаралъул къватIахъ гьедигIанго гIемер гIадамалги машинабиги рукIинчIо, амма бугониги… Бугониги, гIураб квекIен гьабуна гьава-бакъалъ гIадамазе.        Каспийскиялдагун МахIачхъала­ялда гьоркьоб бугеб цIияб шагьранухда къараб цIер сабаблъун, чанго машина цоцалъ речIчIана. Хушеталде сверулеб...

     Рахьдал мацIазул къо кIодо гьабуна ДГУялъул филологияб факультеталдаги. Гьениб гIолилаз бихьизабуна жиде-жидер миллатазул хаслъи. Гьелъие гIоло гьез тIибитIун букIана умумузул кванил тепси, ахIана миллиял кучIдул, гьаруна кьурдаби.      МагIарул студентазул горсверуда хасаб чIаголъи лъугьинабун букIана гьеб киналдаго цадахъ жеги диалектазда кучIдул ахIиялъги.       Гьедин данделъарал пана гьаруна ЦIоралъул магIарулазул, сугъулдерил, бежтIадерил, цIунтIадерил, гIахьвалазул мацIазда...

     18 январалда улкаялда байбихьана коронавирусалда данде вакцина гьабизе. Гьале моцIгIанасеб заман ана гьеб тадбир нилъер республикаялдаги тIобитIулеб бугелдаса. ГьабсагIаталда ковидалде данде прививка гьабун буго 5000-гIан чияс. Гьабизе бокьарал гIадамазул къадарги къо бахъанагIан цIикIкIунеб бугин бицана журналистазе, 16 февралалда «Дагестанская правда» газеталъул редакциялда тIобитIараб пресс-конференциялда Елена Арбулиевалъ. Гьей ккола ДРялъул Сахлъи цIуниялъул министерствоялъул бетIерай инфекционист....

    15 февралалда 32 сон тIубана Афгъанистаналдаса советиял аскарал нахъе рачаралдаса. Щибаб соналъго гIадин, гьеб къоялъги МахIачхъалаялда бугеб афгъаналъулазул ахикье ракIарун рукIана ветеранал. Амма исана гьениб официалияб къагIидаялъ данделъи тIобитIичIо. ХIукуматалъул нухмалъиялъул рахъалдаса хIакимзабиги гьенире рачIинчIо. ГIицIго рагъдаса нахъ руссинчIел ракIалде щвезариялъе бараб, цIвайил сураталда хIадур гьабураб мармаралъул къоно- ялда цере тIугьдулги лъун, рикьа-риххана...

Бабаюрт районалъул ракьалда бугеб Болъихъ районалъул ГIалахъ росдал хъутаналда гьал къоязда рагьана жакъасел тIалабазда данде кколеб кIудияб школа.     1964 соналда гьениб рагьун букIана байбихьул школа. 1977 со­налда хIарщул кирпичалъул бакIги тIаде бан, гьелъул лъугьинабуна микьгосонилаб школа.     ДРялъул хIукуматалъул офи­циалияб сайталда хъвавухъе, тIадеялдаса тIаде гIадамалги гIемерлъун (800 чи), хъутаналъе кIудияб школа хIажалъун...

ТIаде балагьун нилъедаса щибниги батIалъи, тIокIлъи, тIадегIанлъи жиндилъ гьечIин кколев, кутакалда гIадатияв гьав магIаруласе гIемераб жо сайгъат гьабун буго Аллагьас.   Сахаватаб ракIги рикIкIен гIемерал гьудулзабиги! Гьаб лъабго къоялъул дунялги кIочон, даимлъиялде гали тIамизе гвангъараб анищги щулияб тавакалги! Шангъодаса байбихьун, тIолабго дунялалде гIунтIунги, гIадамазе кIвараб кумек гьабизе, ай ракьалда лъикIлъиялъул, гIаданлъиялъул, гIадиллъиялъул хур бекьизе тIасан,...

«Лидераз» биххараб къотIиги къватIахъ лъугьараб гъуниги     МахIачхъала шагьаралъул къватIал нахъеги кьишни-къулалъул цIуна. ЦIияб соналъул байрамалдаса хадуб гIемертIалаял минабаз­да цере ругел азбаразда рощнол гохIал гIуна. Гьебго сурат букIана ва гьабсагIаталдаги хисун гьечIин абизе бегьула Каспийскиялдаги. Рищни бакIарулеб «Лидер» компаниялъ республикаялъул ТIабигIиял сурсата­зул ва экологиялъул министерствоялъулгун гьабун букIараб къотIи бих­хана 11 январалда ва лъазабуна жидеца...

29 декабралда республикаялъул нухмалъулесул ишал тIуралев Сергей Меликовас тасдикъ гьабуна цIияб хIукумат.   ХIукуматалъул нухмалъулесул тIоцересел заместителаллъун тIамуна Нюсрет ГIумаровги Батир Эмеевги. Нюсрет ГIумаров хIалтIулев вукIана республикаялъул нухмалъулесул ва хIукуматалъул администрациялда.   Батир Эмеев — республикаялъул промышленносталъул министрасул ишал тIуралевлъун. Анатолий Карибовги, Владимир Лемешкоги, ГIабдулмуслим ГIабдулмуслимовги, Муслим Телякавовги, Рамазан Жафаровги рукIарабго хъулухъалда — хIукуматалъул нухмалъулесул...

Исана 15 сон тIубана машгьурав гIалимчи Шамил ГIалиевасул цIар цо планетаялъе кьуралдаса.   Гьелъул хIакъалъулъ бицинеги ЦIияб сон баркизеги ниж дандчIвана Шамилгун.     Гьес ракIалде щвезабуна жиндирго лъимерлъи, гIолохъанлъи, гIагараб росулъ араб гIумру, росдал гIадамал. Ва хадуб гьес тIолалго магIарулазе гьабуна гьадинал гьара-рахьиялги.   — ТIоцебесеб иргаялда, дица магIарулазе гьарула талихI. Щиб жо кколеб...