16 марталда ДРялъул нухмалъулев Сергей Меликов дандчIвана предпринимателазул ихтиярал цIуниялъул рахъалъ РФялъул прези-дентасда цеве вугев вакил Борис Титовгун. Титовас бицана пандемиялъул заманалда улкаялъул бизнесменазе зарал кканин, амма нилъер республикаялда лъикIаб иш гьабун бугила гьел бизнесменазе цо-цо налогал бигьалъизариялдалъун. Гьеб рахъалъ жеги пайдаял хIалтIаби гьаризе хIисабалде росун ругилан. Меликовас кIвар...
Гьединаб цIаралда гъоркь Дагъистаналда тIобитIизе буго ТОКСалъул 50 сон тIубаялъул хIурматалда хIадурулеб акция. Гьеб байбихьана тIоцебесеб марталда ва халат бахъине буго 15 апрелалде щвезегIан. ДРялъул Лъай кьеялъул ва гIелмуялъул министерствоялъул тIадкъаялда рекъон, акция тIобитIулеб буго ДРялъул ГIелмабазул гьитIинаб академиялъ. Гьелда гIахьаллъизе бегьула лъай кьеялъул идарабазул цIалдохъаби, ТОКСалъулгун гIагараб ракь лъазабиялъул...
9 марталда ДРялъул хIукуматалда тIобитIана Новолак районалъул гIадамал цIияб бакIалде гочинариялъул бицараб данделъи. ХIукуматалъул нухмалъулев ГIабдулпатахI ГIамирхановас абуна 30 соналда жаниб тIубан бахъунеб гьечIила гьеб суал -зама-заманалдасан свинабулеб бугила гьениб газгун канлъи, рагIаракьанде щун гьечIила цIадаздаса хадуб лъим чвахизе хIажалъулел бакIал гьари. Гьединал каналал гьечIолъиялъ лъим кIанцIулеб буго шагьранухазде, росабалъе....
ДАССР гIуцIаралдаса 100 сон тIубаялда хурхун ва ДРялъул бетIерасул ишал тIуралев С. Меликовасул «2021 сон — ДАССРалъ 100 сон тIубаялъул лъагIеллъун лъазабиялъул» хIакъалъулъ указалда рекъон, республикаялда ва гьеб бахун къватIиб гьарулел руго батIи-батIиял тадбирал. Нижеца цебеккунги хъван букIана РФялъул Федералияб собраниялъул Федерациялъул советалда ва Пачалихъияб Думаялда тIоритIанин ДРялъул къоялилан....
Россиялъул регионазда гьоркьоб бищун учузаб чед батун буго нилъер республикаялда. Гьеб рагIула хIукуматалъ чед бежулел чагIазда кверчIвалеб букIиналъул хIасил. Гьедин бицана ДРялъул росдал магIишаталъул министрасул заместитель Эмин ШайххIасановас. Щибаб соналъ нилъер республикаялда бежулеб буго чадил 250 000 тонна. Амма гьелъул гьоркьохъеб багьа 30 гъурщидаса тIаде унеб гьечIин абуна ШайххIасановас. Гьелъие...
Республикаялда кванил нигIматазул багьабазда сверухъ лъугьун бугеб ахIвал-хIалалъул бицараб данделъи тIобитIана 9 марталда ДРялъул хIукуматалъул вице-премьер ГIабдулмуслим ГIабдулмуслимовасул бетIерлъиялда гъоркь. Гьенир гIахьаллъана цо-цо районазул нухмалъулелги. ГI. ГIабдулмуслимовас абуна чара гьечIого гIадамазе хIажалъулел цо-цо кванил нигIматазул багьаби республикаяда гьабсагIат чIара-хьараб хIалалда ругин. Амма тIаде жубана ахираб кIиго-лъабго анкьида жаниб гIиял гьан...
КватIичIого (54 моцIида жаниб) МахIачхъалаялъул аэропорталда аскIоб базе буго онкодиспансер. Гьелда тIад харж гьабизе буго 14 млрд гъурущ. Гьелъул цо къадар хIукуматалъ, цогидаб къадар бизнесчагIаз кьезе буго. Онкодиспансер бай тIаде босулеб буго «МедИнвестГрупп» абураб гIуцIиялъ. Проекталда рекъон, гьениб базе буго поликлиника, стационар, операциязулгун реанимациялъул, радиологиялъул, реабилитациялъул, паллиативнияб кумекалъул...
Предпринимательлъиялъул ва инвестициязул рахъалъ гIуцIараб агентствоялъул хIалтIул хIасилал гьарураб данделъи тIобитIана 1 марталда ДРялъул хIукуматалда. ГIиси-бикъинаб даран-базар цебетIезабиялъе гъоркьиса республикаялъул бюджеталдаса биччан буго 613 млн гъурущ. Гьеб харж гьабун буго бигьалъаби чIезарун микрозаймал кьезе, лизингалдалъун къайи-цIа босизе. Гьанжеялдаса хадуб росдал магIишат, промышленность, туризм цебетIезабиялъе гIуцIарал проектал тIуразе агентствоялъ...
Гьал къоязда ДРялъул хIукуматалда гьарурал хиса-басиязда рекъон, цо-цо хъулухъазде тIамуна цIиял чагIи, цогидал гьездаса махIрумлъана. Предпринимательлъиялъул ва инвестициязул рахъалъ гIуцIараб агентствоялъул нухмалъулесул заместительлъун тIамуна ХI.-М. ГIабашилов. Цевеги гьебго хъулухъалда вукIана гьев. ХIажи-Мурад ГIабашилов гъоркьиса бергьун вукIана «Лидеры России» абураб конкурсалда. ДРялъул хIукуматалъул председатель ГIабдулпатахI ГIамирхановас Ставрополь...
МОСКВАЯЛДА ТIОРИТIАНА НИЛЪЕР РЕСПУБЛИКАЯЛЪУЛ КЪОЯЛ 1-3 марталда РФялъул Федерациялъул советалда тIоритIана «Дагъистаналъул къоял». Гьеб тадбир тIобитIана Дагъистан Республика гIуцIаралдаса 100 сон тIубаялда бан. ДРялъул нухмалъулесул ишал тIуралев Сергей Меликовасул бетIерлъиялда гъоркь дагъистаниязул кIудияб къокъа гIахьаллъана гьеб тадбиралда. Тадбиралъул тIоцебесеб къоялъго, 1 марталда, Федерациялъул советалда...
