Республикаялда хиралъулел руго кванил цо-цо нигIматазул багьаби   Гьезда гьоркьор рехсезе бегьула картошка, гречка гIадал нигIматал.    Мисалалъе, картошкадул цо кило гьабсагIат МахIачхъалаялда буго 50-55 гъурущ. Дагьаб учузго буго гьеб Буйнакскиялда. Аналитиказул прогнозазда рекъон, тIасияб соналъул ихдаде жеги хиралъизе рес буго картошка. Исана республикаялда мукъсанаб гурони бачIин бакIаризе рес ккун гьечIо гьелъул.  ...

    ТIадеялъул Фазу ГIалиева гьаюралдаса 90 сон кIодо гьабиялъул указалда гъулбасана Сергей Меликовас 26 октябралда. ГIезегIан тадбирал тIоритIизе руго шагIиралъул ватIаналда — Гиничукьги, Хунзахъ тIалъиялдаги, МахIачхъалаялдаги. ШагIир гIумруялдаса ятIалъана 2016 соналъул 1 январалда Гьединго 2022 соналда 90 сон тIубала Хунзахъ районалъул ЛъагIилухъа  шагIир ГIабасил МахIамад гьавуралдасаги.

      2023 соналда Расул ХIамзатовасул 100 сонил юбилей кIодо гьабизе буго     Гьединаб указалда гъоркь гъулбасана гьал къоязда РФялъул хIукуматалъул нухмалъулев Михаил Мишустиница.    Гьелда гъорлъ руго вице-премьер Татьяна Голиковаги, президент Владимир Путинил гIакълучи Владимир Толстойги, нилъер республикаялъул бетIер Сергей Меликовги, РФялъул лъай кьеялъулгун гIелмуялъул министрасул заместитель Григорий Гуровги, цифровизациялъулгун массовиял коммуникациязул...

    ГIураб къадаралде хIалтIухъаби гьечIолъиялда бан, букIине кколеб къагIидаялъ хIалтIизе кIолеб гьечIо МахIачхъалаялъул цIорол кIкIор гьабулеб заводалда.    Москваялда дандеккун балагьанигицин, лъикIаб харжги щвезе рес букIаго, жинда бичIчIуларин щай нилъер гIолохъабаз гьеб заводалда хIалтIизе бокьулеб гьечIебилан абуна дагьаб цебегIан РГВК «Дагестан» каналалда букIараб дандчIваялда республикаялъул дармилгун промышленносталъул рахъалъ министр Низами Халиловас.    — Бищун...

Рукъзал щвезе иргаялда чIарал ветеранал рази гьаруна гIарацги кьун   Афгъанистаналъул рагъул ветераназе мина-рукъалъул суал роцIцIинабизелъун субсидиялъул гIарац кьезе байбихьана гьал къозда. Гьезул щивасе щвезе буго цо миллионгун 171 296 гъурущ. Гьаб сон лъугIилалде гьеб гIарац 190 ветеранасе кьун рагIалде бахъинабизе бугин абуна республикаялъул ЗахIматалъулгун социалияб цебетIеялъул министерствоялъ. Федералияб бюджеталдаса гьелъие биччан буго 223 миллион...

  ХъахIилаб цIатариялъ цере лъолел тIалабал      ТIасияб моцIалдаса байбихьун хиралъизе буго Каспийскиялдаса МахIачхъалаялде рекIаралъухъ босулеб багьа. 15 ноябралдаса нахъе 45 гъурщиде бахине буго гьеб. Маршрутка бачунез жидерго машинаялда жаниб гьединаб лъазабиги чIван буго.     Цебесеб анкьалъ хиралъана МахIачхъалаялда жаниб маршруткадул багьаги. Нижеца гьелъул хIакъалъулъ хъван букIана цебесеб номералда.    МахIачхъалаялдаго гIадин, Каспийскиялде-нахъе...

    Республикаялъул цIияб хIукуматалъе нухмалъи гьабизе Сергей Меликовас цIар чIвана гьанжелъизегIанги гьеб хъулухъалда вукIарав ГIабдулпатахI ГIамирхановасда. 28 октябралда тIобитIизесеб Халкъияб Собраниялъул иргадулаб сессиялда гьоркьоб лъезе буго гьесул кандидатура. 14 октябралда республикаялъул нухмалъулевлъун вищун хадуб Сергей Меликовас гъоркь букIараб хIукумат хъулухъалдаса гIодоб чIезабуна (ДРялъул Конституциялъ тIалаб гьабухъе). ДРялъул хIукуматалъул председателасул ишал тIуразаризе ГIамирхановасда тIадкъан букIана...

    Газеталъул араб номералда хъван букIана МахIачхъалаялда нахъеги рекIадухъ босулеб багьа хира гьабизе бугин абураб хабар тIибитIун букIиналъул хIакъалъулъ. Тахшагьаралъул мэриялъ гьеб баян тасдикъ гьабун букIинчIо. Амма 18 октябралда, «Астория», СТС, «Сктранс» ва «Трансфлот» транспорталъул ункъо компаниялъ МахIачхъалаялъул администрациялде кагъат битIана, жидеца багьа бахинабулеб бугин абун. Гьанже маршруткаялда рекIаралъухъ кьезе ккола 27 гъурущ. Цебе...

        4 октябралда «Замана» газеталъул редакциялда тIобитIараб данделъиялда ДРялъул рагъулав комиссар Дайитбег Мустафаевас бицана ха­салилаб призывалда хурхун бугеб ахIвал-хIалалъул хIакъалъулъ. Гьесул рагIабазда рекъон, исана ихдалилаб призывалда Дагъистаналдаса рагъулаб хъулухъалде ахIизе кколаан лъабазаргогIанасев гIолохъанчи. Гьеб планги тIубана 100 проценталъ.          Хасалил призывалда тIолабго Рос­сиялдаса ахIизе ккола 126 азарго призывник (гъоркьисаялде дандеккун гьеб къадар дагьаб...

     «Каспий» санаториялда тIобитIана Россиялъул югалъул коммерциялъулал гурел гIуцIабазул (НКО) лъабабилеб форум. Исана гьелда гIахьаллъи гьабуна Россиялъул анкьго регионалдаса 300 чияс. Гьезда гьоркьор рукIана Дагъистаналъул 30 муниципалияб гIуцIиялдаса 50 НКОялъул вакилзабиги.     Форум рагьиялъул тадбиралда гIахьаллъана ДРялъул миллияб полити­каялъул ва диниял ишазул рахъалъ министр Энрик Муслимов, ДРялъул Халкъияб Собраниялъул комитеталъул председатель Анатолий Карибов, ДРялъул...