Республикаялъул энергетикаялъулгун ЖКХялъул министрасул ишал тIуралев Ризван Мура­довас хитIаб гьабуна АЗСалъул хважаинзабазде, цIатариялъухъ босулеб багьа хира гьабугейин абун.   — Бензиналъухъ ва газалъухъ босулеб багьа­ялда бараб буго гIадамазе хIажатал цогидал нигIматазухъ кьолеб багьаги.    ЦIатариялъул багьаялда сверухъ букIараб хIалуцараб гIуж нахъа тана. Гьелъул оптовияб багьаги гIезегIан гIодобе ккана. Гьединлъидал гьанжегIаги бегьуларищ нилъеца...

  24 ноябралда ДРялъул хIукуматалъул минаялъуб тIобитIараб данделъиялда бицун букIана республикаялъул шагьранухазда гьечIеб лъикIаб хIалалъул хIакъалъулъ. Масала, 10 моцIида жаниб 1145 авария ккун буго республикаялда. Хун вуго 247 чи, лъукъун больницаялде ккара­зул къадар бахун буго 1606 чиясде.     Гьединаб талихIкъосараб хIал республикаял­да батани, гьелда бан гьабулеб хIалтIи цIакъго тIаса-масагояб букIин бихьулеб бугин абуна данделъиялда...

      ТIасияб соналдаса байбихьун республикаялъул ВУЗазда цIалулел студентазе стипендия цIикIкIинабизе буго. Гьединаб указ хъвана Сергей Меликовас гьал къоязда. 1000 гъурущ стипендия щолеб букIарал студентазе 3000 гъурущ, аспирантазе 1500 гъурщил бакIалда 5000 гъурущ кьезехъин буго тIасияб соналъ. Гьеб гуребги, Москва ва Санкт-Петербург шагьаразда ругел нилъер ракьцоял-студентазе цIикIкIинабулеб буго стипендия. Мисалалъе, 2000 гъурущ щолеб букIарал...

       13 октябралдса 21 ноябралде щвезегIан, регионазул нухмалъулеб централде (ЦУР) 5 500 гIарза бачIун буго гIадамазухъан. Аслияб куцалда гьел руго  ток, лъим ва нухазул гIунгутIиялда хурхарал.    ГIемерисел гIарзал рачIун руго МахIачхъала, Каспийск ва Дербент шагьаралдаса. Бищун цIи­кIкIун гIадамазул гIарз буго рукъзабахъ хинлъи гьечIилан. Гьедин республикаялда гьаб­сагIаталда жаниб 50-гIан гIемертIалаяб минаялъуб хинлъи гьечIо....

    ХIукуматалъул нухмалъулев ГIабдулпатахI ГIамирхановас 100000 гъурущ премия кьуна, искусственнияб интеллекталъул рахъалъ халкъазда гьоркьосеб конкурсалда бергьарав СагIид ГIазизовасе. AL Journey абураб конкурсалда гIинкъал гIадамазе квегIенлъиялъе гIололъун ургъараб гьесул проект бергьана, дунялалъул бакI-бакIаздаса ритIун рачIарал 2000 хIалтIабазда гьоркьоб.  

      22 ноябралда МахIачхъалаялда, Амет-Хан Султанил цIаралда бугеб къотIноб ккана пашманаб лъугьа-бахъин. ГIадамаз гIумру гьабулеб кIитIалаяб минаялъуб газалъул рогIороги кьвагьун цо чи къадаралде щвана, ункъоял лъукъана. Гьезда гьоркьоса кIигоял захIматаб хIалалда ругин абулеб буго.   МЧСалъ кьурал баяназда рекъон цIа ккана бакъанида, сагIат лъабго тIубараб гIужалъ. Кьвагьиялъул хIасилалда мина тIатIала ккана. ЦIа свинабулеб...

    Ахирал соназда хисулел ру­кIа­раздаса 20 нухалъ цIикIкIун токалъул хIубал хисун руго исана республикаялда (7 120 хIуби), лъабго нухалда цIикIкIун рачун руго токалъул кваралги (146, 8 тонна). Анлъго нухалъ цIикIкIун трансформаторалги къачIан руго (887 подстанция).   Гьедин бицана журналистазе «Дагъистан» РИАялъул редакциялда гьелгун дандчIварав «Россети Северный Кавказ» – «Дагэнерго» ПАОялъул Управлениялъул начальник Къурбан ГIумаровас....

Кинаб къагIидаялда тахшагьаралъул коммуналияб магIишаталъ хасалиде дандчIвай гьабулеб бугебали цIех-рех гьабизе ниж щвана МахIачхъалаялъул ЖКХялъул управлениялъул нухмалъу­ лев Шамил МухIамадовасухъе. Гьесул рагIабазда рекъон, централияб отоплени­ ялъул ва хинабгун цIорораб лъим кьолел рогIразул хал-шал гьабун, хисизе кко­ лелъур хисун, къачIазе кколелъур къачIан хIалтIаби гьарун руго.- Исана дунял цу­ дунго цIорозе букIинги хIисабалде босун, нижеца хIалтIабиги цереккунго...

      Дагьал церегIан къоязда ДРялъул Печаталъулгун информациялъул министерствоялда тIобитIана ДРялъул бетIерасда цебе гIуцIараб ЖамгIият цебетIезабиялъул ва инсанасул ихтиярал цIуниялъул рахъалъ советалъул данделъи. ЗахIматалъул ва социалияб цебетIеялъул министерствоялъул, УФСИНалъул, профсоюзазул, Гъизилюрт шагьаралъул ва районалъул администрациязул хIалтIухъаби гIахьаллъараб гьеб данделъиялда цебе босун букIана кIиго суал.   ТIоцебесеб, жанир тIамун ругел бакIаздаса (туснахъ, колония) эркен гьарурал...

    Дагьал церегIан къоязда ДРялъул хIукуматалъул председатель ГIабдулпатахI ГIамирхановгун данд­чIвана «ХIакъикъат» газеталъул бетIерав редактор ГIумахан ГIумаханов. Гьезул хабар ккана магIарул басмаялда тIасан – миллияб газеталъ кIвар кьезе бегьулел суалазда, гьелда церечIарал масъалабазда, гьединго тIадеялъул букIинесеб газеталъул юбилеялда (105 сон) хурхун. — Дие цIакъ асар гьабуна гьеб дандчIваялъ. Жеги тIубан хIукуматги гIуцIун бахъинчIеб, ратанщинал масъалабиги...