Республикаялъул энергетикаялъулгун ЖКХялъул министрасул ишал тIуралев Ризван Мурадовас хитIаб гьабуна АЗСалъул хважаинзабазде, цIатариялъухъ босулеб багьа хира гьабугейин абун.
— Бензиналъухъ ва газалъухъ босулеб багьаялда бараб буго гIадамазе хIажатал цогидал нигIматазухъ кьолеб багьаги.
ЦIатариялъул багьаялда сверухъ букIараб хIалуцараб гIуж нахъа тана. Гьелъул оптовияб багьаги гIезегIан гIодобе ккана. Гьединлъидал гьанжегIаги бегьуларищ нилъеца багьа дагьаб рекъараб къагIидаялде бачIинабизе, — ян хъвалеб буго гьес жиндирго хитIабалда.
