5 маялда ДРялъул бетIер Сергей Меликовас шапакъатал кьуна Украинаялда тIобитIулеб хасаб рагъулаб операциялда гIахьаллъарал дагъистаниязе. «За заслуги перед Республикой Дагестан» абураб орденалъе мустахIикълъана кIудияв сержант Марат Халикъовги сержант Ибрагьимхалил ХIажиевги (гьезул гьунаразул хIакъалъулъ хъван букIана «ХIакъикъаталъул» цересел номеразда). Гьединго ДРялъул БетIерасул цIар тIад хъварал хасал сагIтал сайгъат гьаруна Донбассалдаса тIадруссарал...
Исана май моцIалъул ахиралда Хунзахъ хIалтIизе биччазе буго гьекъолеб лъим бацIцIад гьабулеб станция. Гьедин хъвалеб буго Россиялъул Минстроялъул официалияб сайталда. Гьанже заманалъул материалги хIалтIизабун, цIакъ мухIканго рогIралги цогидаб къайи-цIаги лъун, 26,8 млн гъурущги тIад харж гьабун гIумруялде бахъинабураб федералияб проект («Чистая вода») ккола гьеб. Сордо-къоялда жаниб лъел 1296 кубометр яги секундалда жаниб...
СагIудиязул ГIарабиялъул Къираллъиялъ (КСА) хIукму гьабуна исана хIежалде гIицIго цо миллионгIанасев чи виччазе. Гьелда гьоркьоса Россиялъе бихьизабун буго 11 318 бакI. Цебеялде дандеккун кIиго нухалъ дагь буго гьеб къадар. Гьел бакIалги кин улкаялъул регионазда гьоркьор кин рикьилел, чан дагъистанияв хIежалде иневалиги жеги лъаларо. Жибго СагIудиязул ГIарабиялъул Къираллъиялдаса вукIине рагIула 150 000 чи. Бусурбабазе...
27 апрелалда, «Дагъистан» РИАялда танкалъул экипажалъул командир, кIудияв сержант Марат Халикъовгун журналистазул дандчIвай тIобитIана. Гьесул бахIарчилъиялъул хIакъалъулъ улкаялъулго СМИяздасан бицунги букIана. Лъукъиялъухъ балагьичIого, гьесухъа бажарана жиндирго къайицадахъасул гIумру хвасар гьабизе ва тушманасухъе щвеларедухъ жиндирго танк кьвагьизабизе. Халикъовас журналистазе бицана Украинаялда бугеб хасаб операциялда нилъер солдатазул бугеб ахIвал-хIалалъул хIакъалъулъги, кинабго хIажатабщиналдалъун гьел пачалихъалъ ...
Рагъул гIахьалчагIазда ващалъизавуна жеги 19 дагъистанияв. Гьел ккола 1999 соналда республикаялда букIараб рагъулъ гIахьаллъарал ополченцал. Гьеб даражаялъе мустахIикълъизе квербакъана рагъулъ гьезие щварал шапакъатазги судазул хIукмабазги. ДРялъул хIукуматалъ 2021 соналъул 11 октябралда тIоцебе тасдикъ гьабураб ополченцазул сияхIалда вукIана 529 чи. ТIаде цIи-цIиял цIарал лъанагIан, гьеб кIодолъулеб буго. Гьедин гьанже ахиралда жидехъе щуго батIияб муниципалияб...
Республикаялда гIуцIун буго хъулухъаздаса нахъе рехизе рес бугев ункъазаргоялдаса цIикIкIун чиясе заманаялъ хIалтIи балагьулеб (чIезабулеб) пачалихъияб программа («Реализация дополнительных мероприятий в сфере занятости населения, направленных на снижение напряженности на рынке труда в Республике Дагестан»). Гьединго хIалтIи гьечIого хутIаразул хъвай-хъвагIай гьабулел центразда иргаялда чIарав кIиазаргоялдаса цIикIкIун чиясеги ралагьизе руго заманаялъ жамгIиял хIалтIаби. Программаялда тIад...
8 маялда Моздок районалъул Малгобек росулъ (Северияб Осетия-Алания) рагьизе буго цIи гьабураб памятник. КIудияб ВатIанияб рагъул гIахьалчагIазе лъураб гьелда чIван буго 32 дагъистаниясул цIар хъвараб мемориалияб хъарщи. «ХIакъикъаталъе» гьедин бицана Расул ХIамзатовасул цIаралда Моздок районалда гIуцIараб миллиябгун культурияб централъул нухмалъулев МухIамад Гьиматовас. 32 дагъистаниясда гьоркьор рихьизарурал батIи-батIиял миллаталъул вакилзабазул щугоял ккола магIарулал...
Жакъа республикаялда хутIарав КIудияб ВатIанияб рагъул 29 ветеранасе моцIи-моцIие кьолеб гIарац цIикIкIинабизеги, ремонтал гьарун, байрамкъоялде гьезул рукъ-бакI къачIазеги, цогидал хIажалъаби тIуразеги гIамал гьабеян тIадкъай кьуна Сергей Меликовас гьал къоязда республикаялъул нухмалъиялда тIобитIараб данделъиялда. ЦIикIкIинабун буго Бергьенлъиялъул къоялде ветераназе цоцIул кьолеб гIарацги (30 азарго гъурщил бакIалда — 50 азарго), материалияб рахъалъ цIуна-къаялъе моцIи-моцIие...
«Журавли» гIелмияб ва гIадамал сах гьариялъул идараялъул кумекалдалъун «ХIакъикъат» газеталъул редакциялъгун Россиялъул Халкъазул Ассамблеялъ, исана 16 июлалда МахIачхъалаялда тIобитIизе буго магIарулазул «Миллаталъул цIва» абураб республикаялъулаб фестиваль. Гьеб тадбир гIумруялде бахъинабулеб буго, ДРялъул хIукуматалъул бетIер ГI. ГIабдулмуслимовасда дандги бан, Р. ХIамзатовасул 100 ва «ХIакъикъат» газеталъул 105 сон тIубаялда хурхун. Фестивалалъул аслияб масъала буго магIарул мацI, адабият...
Гьал къоязда Дагъистаналъул экспорталъе квербакъиялъул централъул нухмалъулев Руслан ГIабаскулиевас журналистазулгун букIараб дандчIваялда бицана республикаялъул къайи къватIисел пачалихъазе бичиялъул хIасилалда ккарал хиса-басиязул хIакъалъулъ. «2020 соналда республикаялъ къватIисел улкабазе бичун букIана 54 миллион долларалде къайи. 2021 соналда — 68 миллион долларалде. Гьелдаго гьоркьоб ичIго миллион долларалде къайи бичулаан Украинаялде. Аслияб къагIидаялъ цIорол тахтаби. Исана январь моцIалда...
