Гьал къоязда 100 сон тIубана лезгиязул республикаялъул жамгIиябгун политикияб «Лезги газе­та» къватIибе биччазе байбихьа­ралдаса. Гьеб газеталъ нахъа тана гIезегIан хIалуцараб ва захIматаб, амма халкъалъе хIажатаб захIматалъулаб нух. «Лезги га­зеталъ» кIудияб бутIа лъуна лез­гияз гIумру гьабулел районазда гуребги, тIолабго Дагъистаналъ­улго социалиябгун экономикияб цебетIей бихьизабиялъулъ, бица­на ва хъвана миллаталъул тари­халъул, мацIалъул, гIадамазул ва гIадатазул хIакъалъулъ....

       Гумбет районалъул нухмалъулесул ишал тIуралевлъун тIамуна Гъалип Гъалипов. ГьанжелъизегIан районалъе нухмалъи гьабурав ХIажимурад МухIамадов вищана Халкъияб Собраниялъул депутатлъун.   Гъ. Гъалипов ккола Гумбет районалъул Килалъ росулъа. ЛъугIизабуна ДГУялъул физикаялъул факультет. ХIалтIана росдал школалда физикаялъул учитель- лъун. Гьелдаса хадув хIалтIана республикаялъул Энергосбыталъул компаниялда, цо заманалда вукIана гьелъул нухмалъулевлъунги.

 ХIурматиял магIарулал! РакI-ракIалъ баркула нужеда республикаялъул халкъал цолъиялъул къо. Гьаб байрамалъ щулалъизабула халкъазда гьор­кьоб гьуинлъи ва цолъи.    Дагъистаниял, щиб заман бачIаниги, кидаго цадахъ рукIана Россиялъул цогидал халкъалгун ва кIудияб бутIа лъуна па­чалихъ социалиябгун экономикияб, рухIиябгун маданияб рахъалъ цебетIезабиялъулъ ва гьеб щулалъизабиялъулъ. Рагъ­даги ракълилаб заманалдаги къотIизе течIо нилъер халкъаз цоцазе гьабулеб кумек ва гIагараб ВатIаналде...

      ДРялъул бетIерасул ишал тIуралев Сергей Меликовасул Указалдалъун хъулухъалда тасдикъ гьавуна финансазул министр Юнус СагIадуев.    ГьанжелъизегIан рехсараб идараялъе гьес заманаялъ нухмалъи гьабулеб букIана.    «ХIакъикъат» газеталъул коллективалъ ракI-ракIалъ баркула гьесда гьеб хъулухъ ва гьарула хIалтIулъ бергьенлъаби.

   Гьал къоязда 65 сон тIубана Республикаялъул бетIарасда цебе бугеб коррупциялде данде къеркьеялъул управлениялъул начальникасул заместитель, халкъалде бищун гIагарав чиновник, кигIан тIадегIанаб хъулухъалде ваханиги гIамалхасият хисичIев, яхI-намусалда хIур хъвазе течIев, гьитIиназул адабги кIудиязул хIурматги цIунарав, «ХIакъикъаталъул» кидагосев гьудул, магIарул газеталъул коллективалъул божарав гьалмагъ ЛъаратIа районалдаса ГIалибег ГIалиевас.      Гьесулги гьесул ишазулги бицинчIониги лъала щивав...

       Улкаялъул президент Владимир Путиница гъулбасги гьабун, республикаялъул Пачалихъияв секретарь Хизри Абакаровасе кьуна «Гьудуллъиялъул Орден». ГIемерал соназ гьабураб ракIбацIцIадаб хIалтIухъ ва гьесул хIаракаталъе кьураб мустахIикъаб къимат ккола гьеб.       Республикаялъул хIукуматалъул нухмалъулев ГIабдулпатахI ГIамирхановасги баркана Х. Абакаровасда хIурматияб шапакъат.    «ХIакъикъат» газеталъул коллективалъги ракI-ракIалъго баркула Хизри Абакаровасда хIурматияб шапакъат. Тавпикъ кьеги республикаялъул гIумруялъулъ лъикIал...

  КIудияб улкаги биххулеб, халкъалде рещтIунел балагьалги цIикIкIараб заманалда Дагъистаналда гIуцIана Конституциялъулаб суд – республикаялда законалъул тIалабал тIуразариялъул мурадалда. Гьелъул председательлъун тIамуна Казбек районалъул Алмахъалдаса Салман ХIажимухIамадов.     Салман гьавуна 1939 соналъул 15 январалда. Хасавюрталъул педучилищеги лъугIизабун, хIалтIана Калининаул росдал школалда учительлъун ва хадубккун – директорлъунги. 1968 соналда лъугIизабуна Д. И. Курскиясул цIаралда бугеб...

М. АхIмадов вуго унго-унгояв шагIир, таржамачи, публицист, гIемерал тIахьазул автор. Гьев вуго кIудияб пагьму-гьунар БетIергьанасдаса насиблъарав, гIакъилав, тавакалав, лебалав, кIвахI гьечIев, жиндир къалмикьан бачIунеб щибаб рагIулъ бихьинчилъи, бахIарчилъи бессизе бажарарав чи. ШагIирасул бажари буго жинца хъвалебщиналъулъ щибаб рагIи кколеб бакIалда, къадалъ гамачI гIадин, рекъезабун лъезе.Гьев чIухIун ва вохун вукIуна нилъер умумузул бахIарчилъиялдаса, гьезул къвакIиялдаса, тIаде ккараб къо баччизе кIолеб лебаллъиялдаса....

Гьаб ракьалда тIад бугебщинаб берцинлъиги, гьайбатлъиги, хIеренлъиги, чалухлъиги, чергеслъиги БетIергьанас барахщичIого кьурал хIурма­тиял руччаби!    Нуж мустахIикъал руго ракьалда ругелщинал тIугьдузе, нужедаса берцинал гьел гье­чIониги. Нуж руго, калам хIа­ли­малги, хIалкIолъи бугелги, тIегьлъун кенчIолелги, заз­­лъун хIенчолелги, канлъи би­кьулелги, ханлъи бекьу­лел­ги, рокьуе мукIуралги, гIан­чIал ракIазул, гогьаб гьимидул, къо ккедал бахIарчиял, хIал ккедал бихьинчиял, бухIа­раб цIорозабизе, цIорораб бухIи­забизе...

Къаси театралде йилълъине кколин ахIун бачIана дихъе чIарадисезул халкъияб театралъул режиссер Рашидатица. Белталги ругила росун, кополаб комедияги бугилан. Гьанже гьеб маданията­лъул дунялалде берхьвагIичIого тIуязехъинги гьечIелъул. Махщелцояз абухъего, беццизе щвечIони, какизениги хIужа камиларин, ячIинин кьуна рагIи.      МаркIачIул какдаса хадуй теат­ралде гIагарлъулаго, араб гIас­руялъул 90-абилел соназ чакарул килоялда хадуб гIадаб, гIадамазул халатаб читIир халлъана кассаялда...