Советияб заманалда почалъул хIалтIухъабаз цо-цо бакIалда поч баччу-

лаан чуязда рекIун яги лъелго ун.Гьел чуялги чIорого кьолаан яги гIарац 

биччалаан чу босизе. 

ДРялъул УФПСалъул нухмалъулев ва Шамилхъалаялъул почалъул на-

чальник хисизегIан (2016 соналъул августалде щвезегIан) нижееги поч 

бикьаралъухъ тIадеги гIарац биччалаан – хIисабалде росулаан нухлул 

манзилги тIабигIиялгун гьава-бакъалъул шартIалги. Гьанжейин абуни, 

штаталъул расписаниялда рекъон, гIицIаб харж гурони щоларо. 

Поч гуребги, 30-40 километралъ рикIкIад ругел бакIазде пенсиялгун 

пособиял росунги уна ниж. Гьелъие гIоло цин райцентралде щола гьеб 

киналдаго хадуб, хадур (нижерго гIарацги хвезабун) уна рикIкIадал ро-

сабалъеги хъутабаздеги. Цо-цо мехалда дагьа-макъаб гIарцул къадарги 

гурелъул нижехъ букIунеб. Гьелъул жавабги кьезе кколелъул. 

Гьединлъидал гьеб суалалъулъ нижер ихтиярал хвезарун ругилан 

хъварал гIарзаби нижеца ритIун рукIана ДРялъул бетIер Владимир Васи-

льевасухъе, прокуратураялде, районалъул судиясухъе. 

Гьединго битIун букIана газеталъул редакторлъун вукIарав ГIали Ка-

маловасухъеги. Амма балагьила, бихьилаян абун гурони, нижер кагътил 

хIасил ккечIо. 

ГьанжегIаги гьеб хIал хисилин абураб хьул буго ва нижер масъала 

тIубазабиялде цIияв редактор ГIумахан ГIумахановас кIвар кьуни бокьи-

лаан.

Нижги Гумбет районалъул почалъул хъулухъалъул хIалтIухъаби: 

ГIазра ГIубайдулаева (ЦIиликь), Равзанат ГIалихIажиева (ЦIунди-

Шабдухъ), Азипат Ахкубегова (Ингиши), Парида МухIамадова 

(ЛъаратIа), Шамсият СултIанмухIамадова (Данухъ).