Балагьал нахъчIваялъе ва
хIажатал тIураялъе дугIаялъул
кIудияб пайда букIуна.Гьелъул
хIакъалъулъ руго аварагасул
(с.т.гI.в.) хIадисалги.
Аварагас абун буго: «ТIадегIанав
Аллагьасул хIукму-къадар
нахъчIваларо дугIаялъ гурони,
гIумруги халалъуларо, лъикIлъи,
ай садакъа-хайрат гьабиялъ гуро- ни», — ян.
ТIадегIанав Аллагьасда гьару- лелъул, дугIа гьабулелъул, ният
бацIцIадав инсанасе Аллагьас
кьола нигIмат, жаваб гьабиял- далъун. Жинда Аллагь разилъаяв
ГIали асхIабас абулеб буго: «Ну- жеца балагьал тIаса рорхизе гьаре
дугIаялдалъун», — илан.
Аллагь разилъаяв Анасидасан
бицана: «Нуж дугIа гьабиялдаса
гIажизлъуге, дугIагун вугев чи ки-
даниги гьалаглъиларо», — ян.
Свалат-салам лъеяв аварагас абу-
на: «ТIадегIанав Аллагьасе бокьула
сахлъи ва балагьаздаса цIуни гьа-
ризе. ДугIаялъ мунпагIат гьабула
балагь рещтIиндал тIаса босизеги
рещтIунеб нахъчIвазеги», — ян.
«Нужеца гьаре, Дица жаваб гьа-
била», — ян ТIадегIанав Аллагьас
абун бугелъул, нилъее дугIаялъе
жаваб гьабичIого толеб гьечIо.
Амма цо чияс жиндирго мурадлъун
бугеб, балагь тIаса боси букIаниги
ялъуни цо кинаб бугониги жиндие
хIажатаб жо тIалаб гьабун бугони-
ги, гьарараб мехалда, гьебсагIатго
жаваб гьабичIони, гьелъие рукIуна
батIи-батIиял гIиллаби.
Басра шагьаралда базаркъотI-
носан унаго, Адгьамил Ибрагьи-
мида жамагIаталъул цо къокъаялъ
абун буго: «Я, Аба-ИсхIакъ! Ни-
жеца ТIадегIанав Аллагьасда гьа-
рула, жаваб гьабуларо», — ян. Гьес
жаваб гьабун буго гьадин: «Нужер
ракIал хун руго анцIго жоялдалъун:
тIоцебесеб – нужеда Аллагь лъа-
ла, амма Досул амру тIубазабулеб
гьечIо; кIиабилеб – нужеца абула
нижее Авараг вокьулилан, амма гье-
сул суннат нужеца тун буго; лъаба-
билеб – нужеца Къуръан цIалула,
амма гьелда гIамал гьабуларо; ун-
къабилеб – нужеца ТIадегIанав
Аллагьасул нигIматал кванала, щу-
кру гьабуларо; щуабилеб – нужеца
абула щайтIан нижер тушман бу-
гин, гьелъие бокьухъеги хьвадула;
анлъабилеб – нужеца абула алжан
хIакъаб бугин, ай букIиналда бо-
жула, амма гьелъие мустахIикъаб
гIамал гьабуларо; анкьабилеб
– нужеца абула жужахI букIин
хIакъаб бугин, амма гьенире кке-
ялдаса цIунулеб гIамал гьабула-
ро; микьабилеб – нужеца абула
хвел хIакъаб бугин, амма гьелъие
нуж хIадурлъуларо; ичIабилеб –
нуж макьидаса рорчIула, ай радал
тIаде рахъуна ва нуж машгъуллъу-
ла гIадамазул гIайибал цIехеялде,
ай гьелда хадур лъугьуна, нужерго
гIайибалин абуни жахIалго тола, ай
гьел рихьуларо, гьезул кIварги гьа-
буларо; анцIабилеб – нужеца ну-
жерго хварал чагIи рукъула, амма
гьезул пикру гьабуларо».
