Нилъер республикаялдаса найихъан Рафик Сефербеков бергьана «Россиялдаго бищун тIагIамаб гьоцIо» абураб кIудияб конкурсалда. Гьеб тIобитIана ДРялъул Найихъабазул ассоциациялъ, гьединго, гьеб тадбиралъе квербакъана республикаялъул Росдал магIишаталъул министерствоялъги.
Бищун лъикIал найихъаби тIаса рищулел рукIана анлъго батIияб номинациялда рекъон. Конкурсалда цере лъун рукIана Россиялъул 30 субъекталдаса 200 батIи-батIияб тайпаялъул гьоцIо.
Рафик Сефербеков бергьана «Полифлорнияб чIегIераб гьоцIо» абураб номинациялда. Гьесие щвана 240 балл.
ГьанжегIагар лъазабун букIараб «Россиялъул тIагIамал» абураб тIолгороссиялъул конкурсалда бергьана Дагъистаналъул гIиял гьанги. Гьединго нилъер республикаялъул бренд хIисабалда, конкурсалда рихьизарун рукIана нилъер ахбазаналъул сокги, хIанги, пурчIинадул хьонги, бакъвараб бакьги, хурдузул чайги.
Финалалде борчIана гIиял гьан ва гьениб бергьенлъиги босана.
МагIарул гIиял гьанал тIагIамалъе къимат кьуна рикIкIадаб Севералдаса байбихьун Дальний Востокалде гIунтIун батIи-батIияб миллаталъул гIадамаз.
