Пьесаялда релълъараб жо
КIиабилевб пардав
Къалъул гIуж. Цо берцинаб къайи-свери.
Динияб къагIидаялъ ретIа-къарал мусудуз сверун ккун вуго гIезегIан куц-мухъ бугев, хъахIаб расалъ цебего расен лъуниги, гIолохъанлъиялъул жан жеги чорхолъа инчIев Дон-Жуан, Дагъистаналъулги Чачаназулги къоролруччабазул гIащикъ, Нагорный Дагъистаналда цохIого цо бугеб Гаремалъул хважаин Сасикьа шагIир СайгидахIмад АхIмаднабиев.
ТIалхIатовасул къокъаялъ ахир заманалъул Камалил Баширинги абула гьесда.
…Дагьа-макъавго гIинкъав вукIин гуреб, батIияб мунагь гьечIев рокьул къайисасда рикIкIадасанго бихьана боржун бачIунеб хъахIаб чуги чол рекIаравги.
АскIове щолелъул, чодасаги рещтIун,
Сасикьа Башириде аскIове вачIуна чапар.
Чапар. Ассаламу гIалайкум! Мун гуревищ Гаремалъул кIудияв?
Сасикьа Башир. Ва гIалайкум салам! Гудраца габур кквегийин дур, бице мурад.
Чапар. Авар миллаталъул Автономиялъ, жакъа букIараб мажлисалъул хIукмуги босун, духъе витIарав чи вуго дун, БисавгIалиев МухIамадица гьаб лично кодобе кьейилан гьарана. Руччаби гIемераб бакIги бугила, лъаб-лъаб, ункъ-ункъ чIужу гьечIев чиги гьечIила дур къавулъ, вореха-йила руччабазухъе кьезе гурилан кьварун лъазеги гьабуна.
Сасикьа Башир. Бода сурагийин дур гьев Бисав, бегье дихъе мажлисалда бахъараб хIукму.
(Чапарас цо жо бегьула ГIинкъасухъе).
Сасикьа Башир. (КIвар кьун Бисасул рисалатги цIалун, гъулгъудизе жувала).
Цо ургъел гьабизе батун бугеб жо бихьуларищ бездельниказда. МагIарул мацI цIунизе ккун бугила магIарулаздаса. РегIун руго лъебелавги Баху-
Бикаги.
Гаремалда ругелщинал руччабазда, хIатта чеченкабаздацин, рухIалдаса квер бахъун авар мацI малъулев дун, дие нотациял цIалулел гьал деятелал.
Баху-Бикал рагъари бихьуларищ цо. Жиндирго ТIалхIатовасдасан байбихьеян абе лугъат малъи-зе, кIудияй лингвист. (Чапарасдехун вуссун). Дир Гаремалда кинабго роцIцIун буго: бацIцIадаб магIарул мацIги буго, моцI гIадинал мусудулги руго, эркенал руччабазул сияхIги буго, рос-рукъалде лъугьунезе магьари лъезе полставкаялда хъулухъалде тIамун ТIалхIатовги вуго.
Чапар. Дида Бисас лъазабун букIана дур Гаремалда данделъи тIобитIичIого тIадвуссунгейилан.
Сасикьа Башир. Батани, гьанивго вукIаха, гьудулав чи. Цо саламатай къоролалъулгун лъай-хъвайги гьабила, нагагь нужер макъан рекъон ккани, ахIун ТIалхIатовгун, оперативно магьариги лъела.
Гьезул авар мацIалдаса моцI гIадинай гIаданго лъикI гьечIищ дуе?!
Чапар (лъаледухъ воха-хинлъун, лъикIлъун, тамахлъун).
Ду — дун батIаго кIудияв любительги гуревха гьел мацIазул. Просто дозул тIадкъай тIубалев чи вуго… ТIалхIатов вачIинегIанго чIела дун, дагьав сваканги вуго. Гьабго ругьелгун Тарумовкаялдеги ине ккола гьанисанго…
Сасикьа Башир. Дур семейни палажени щиб бугеб?
Чапар. (ВукIкI-вукIкIун лъугьун).
Семейни вуго.
Сасикьа Башир. Цо чIужуйищ? Это ерунда
Чапар. ГIолохъанаб мехалъ зулму-хIалалъ эбел-инсуца ячинаюрай росулъги йиго… Цо Анжиялдаги йигоха, балъго ячарай.
Сасикьа Башир. Саназул гьоко кибе щун бугеб?
Чапар. Гургинаб лъабкъогоги, тIаде лъабго лъагIелгиха.
Сасикьа Башир. Лъабкъоялдаса тIаде саналги ругони, саламатай кIиго супругаги йигони, тIокIабги гьобо базе участокищха дуе бокьун букIараб?! Бухъизабе дурго Тарумовкаялде, керентурад! Таманал игитал ругин нижергоги цо чIужуцин гьечIел.
Бисасул къокъаялда урхъараб саламги бице, багу-чIамалазул мухъалда мацIалъул ишги ми-хъилъа букIине бугин абе.
Чапар (бабадилаго). А ригьин? Ту, черт… данделъи гьабизе гьечIищ?
Сасикьа Башир. Ай момент… Соня, СалихIат! Атбой. Совещания не будет, передай всем.
Чапар. Гьеб щай?
Соня. Почему Хозяин?
Сасикьа Башир. Нет у нас заман заниматься мелкими вопросами. Я не доктор филологических наук, я Хозяин единственного Гарема Нагорного Дагестана. Язык никуда не денется, а вот Женщины-это тонкий вопрос. Жизненно важный.
Мне чай с малиновым вареньем принеси. Нет, лучше из розовых лепестков.
(Чапар нахъе уна).
Сасикьа Башир (ццим бахъун, живго жиндаго гаргадизе лъугьуна).
Гьал киналго — мацIалъул ургъалида. Дир ракI абуни лъукъун буго миллионгIанасеб миллаталда цо гурони Гарем гьечIолъиялъ, аза-азар къоролруччаби ялгъузго хутIиялъ.
Дун, лъудбукьаги хIинкъун, цохIо чIужугун чIарал бихьиназдаги, сверухъ ругел диналъул яцазул ургъел-агъазги гьечIого, рахIаталда россазул къвалакь хухал гIадин ругел лъудбуздаги ццим бахъун вихъулев вуго.
МацI жугьутIазул бицаниги бегьула, мацI бицине жидеда хьолбохъ цониги бихьинчиго гьечIез щиб гьабилеб?
Дица ракьандаса рачI ккун букIана мацIазулги, цIаразулги, ассоциациязулги.
Ат души къвал базе чIужугIаданалъе бихьинчиги бихьинчиясе чIужугIаданги ругони, мацI тIубанго кIочаниги ричIчIула гьел цоцада ва щибниги лъицаниги цIунизеги кколаро… (Гаремалъул руччабаздехун).
Сацета, еще чай мне с вареньем. ХIалимат, ГIайшат, гIедегIил гьабе…И не забудьте, мои дорогие, къаси цIияб наплыв букIине буго нилъер заведениялда.
ГьечIо магIарул чиясе Гарем гIадаб жо!
Пардав къала.
