Хириял выпускникал!

Жакъа буго нужер хасаб къо. Ахираб цIурмил гьаркьи­ца нуж нухаре­гIулел руго ра­цIцIадал анищазухъеги ро­­цIарал пикрабазухъеги. Нуже­ца къо-мех лъикI гьабу­леб буго би­щун лъикIаб, гIан­чIаб ва кепаб, кIочене захI­матаб школа­лъул гIумруя­лъулгун. Къо-мех лъик­I гьабулеб буго лъаялъул каваби нужее рагьарал, захI­маталде ва къохIехьеялде нуж ругьун гьарурал, нужер ра­кIбацIцIадал гIадамал гIезаризе хIаракат бахъарал учительзабазулгун.
Ина сонал, школалъ нужее кьураб гIемераб пайдаяб ва лъикIабщиналъе — киналъего кколеб къимат кьела нужеца заманалдасан. Школалъ жанибе бачунеб анцIила цо сон гIезе буго нужее гIумруялъего. Херазги бицуна жидерго цIалулеб заманалъул, учительзабазул. Нужерги рекIелъ ратула гьеб анцIила цо соналъ рикIарал кIочонарел лахIзатал. Амма гIумру цо бакIалда чIун букIунаро. КигIанго берцинаб рокъосаги ине кколеб заман букIуна. Гьединаб къо ккола жакъа нужерги.
Жакъа нуж гIедегIун руго цIияб гIумруялде. Нужер цо-цояз некIого тIасабищун буго гIумрудул нух, цогидал жеги ургъулел руго гьелда тIад. ХIалбихье, церехун а, нахъе къаге. ХIинкъуге нужедаго цере захIматал ва борхатал масъалаби лъезе. ХIаракат бахъе ракIалда ругел мурадаз­де щвезе, хIинкъуге цогидал инчIел нухдасан ине.
Нужее кумекалъе руго киналго – эбел-эмен, школа ва Дагъистан. Республикаялъе хIажат руго гьунар бугел, таваккалго цере унел гIолилал, ай нуж. Нух битIаги нужее!