ДРялъул Динияб идараялда цIигьабуна рекъелгун маслихIат гьабиялъул отдел. Гьелъул нухмалъулевлъун тIамуна МахIачхъалаялъул аслияб мажгиталъул имамлъун гIемерал соназ вукIарав М у х I а м а д р а с у л -х I а ж и СагIадуев.
Щибаб къоялъ жидерго къварилъи-гIатIилъигун гIемерав чи вачIуна Динияб идараялде. Хъизамалда, гIагарлъиялда гьоркьоб ракIсукIи ккарал, гIарац сабаблъун ракIбакъвай щварал ва хIатта чIвай-хъвеялъул суалазцин вачIунев чи камуларо гьениве.
Гьенирги гIемер ратула тIуразе цIакъго захIматалин ккарал суалал. Гьединлъидал цIакъ хIажалъи буго жакъа ракълил ва маслихIаталъул ишазда хурхун хIалтIи гьабулеб отделалъул.
МухIамадрасул СагIадуевги малъун, жеги ункъо чи вуго гьеб отделалда. Кинабго хIалтIи цоцазда дандги бан, лъутIа-къотIун хIукму гьабизе буго маслихIаталъул отделалъ.
