FaceBook  in  yt  rss

ГIемераздаги лъалареб, лъалезги жеги течIеб

МухIамад ва Юсуп СултIановал

 

 

7 декабралда МахIачхъалаялда (Пушкинил къватI) тIобитIараб росдал магIишаталъул ярмаркаялда гIахьаллъана 200-гIанасеб СПКязул, КФХязул, ЛПХязул, росдал магIишаталъул нигIматал къачIалел предприятиязул вакилзаби.

ГIемераздаги лъалареб, лъалезги жеги течIеб

 

Ярмаркаялда гIахьаллъи гьабуразда гьоркьор рукIана гIиял хIан гьабулелги, форель ччугIа гIезабулелги. Масала, «Джурмут-I» СПК. ЧчугIил магIишаталъул хIалтIухъан МухIамад ГIумаровасулгун, гIиял хIан гьабулел МухIамадилгун ва гьесул вас Юсуп СултIановазулгун гьабуна къокъабго гара-чIвариги.

 

IMG 8769 08 12 19 08 47

 МухIамад ГIумаров

 

 

- МухIамад, форель тайпаялъул ччугIа гIезабизе байбихьиялъе гIилла щиб ккараб?

 

 

- Цебе нижер букIана ункъо росдае (Белъелда, Гъерел, ГIулгьеб, Гъоркьнуб) гIахьалаб, Ленинил цIаралда букIараб колхоз. Заманалда рекъон гьеб сверана «Джурмут-I» СПКялде ва гьениб хIалтIиги гIуцIун буго умумуздасан щвараб махшалида рекъон. Салда росулъ буго хасалоцин цIер къалареб лъар. Гьениса лъимги бачун гIуцIана форель гIезабулеб комплекс.

 

 

Лъабабилеб сезон буго нижеца гьеб гIезабизе байбихьаралдаса. ЛъагIалида жаниб гIезабула гIага-шагарго 300-500 кг ччугIил. Жакъа гьаб ярмаркаялда нижеца гьеб бичула килограммалъухъ 4I0 гъурущ хIисаб гьабун, ай базаралда бугелдаса 30 проценталъ учузго.

 

 

- МагIарухъ форель гIезаби пайдаяб хIалтIи бугищ?

 

 

- Гьеб буго лъикIаб хайир щвезе ккани тIад саламатал харжал гьаризе кколеб хIалтIи. Гьаб ишги гьабуларо тавакалав, хIалтIи лъалев чияс гурони.

 

 

Дагъистаналда гIемер хутIун гьечIо гIиял хIан гьабулел магIишатал ва гIадамал, амма жидеца цIунун бугин гьеб ишилан бицана МухIамад ва Юсуп СултIановаз.

 

 

- ГIи бечIчIиги хIан гьабиги бигьаяб пиша гуро. ТIаде гIолеб гIелалъе бокьулищ гьеб гьабизе?

  

- Гьаб пиша тIасабищулеб батила I0 вехьасда гьоркьоса цояс. Нижер магIишаталда буго гочинабун хьихьулеб лъабазаргогIанасеб бечIчIулеб гIиялъажо. Гьел речIчIулеб заман ккола июнь-июль моцIал, лъагIалида жаниб цо лемагалъ кьола 25 литргIанасеб рахь. Цо килограмм хIанил гьабизе ккани хIажалъула щуго литр рахьдал.

 

 

Ярмаркалда нижеца хIан бичулеб букIана 850 гъурщиде килограмм хIисаб гьабун. Базаразда гьелъул багьа буго I200 гъурущ.

 

 

ПалхIасил, ярмаркаялде вачIун вукIана гIезегIан чи ва гьезул щивав разигоги хутIанин абизе бегьула.

 

Прочитано 1108 раз Последнее изменение Среда, 18 декабря 2019 17:20

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх