FaceBook  tg  in  yt  rss

Къеркьезе дагъистаниязда лъала

 

 

UFCялъул вукIарав чемпион ХIабиб НурмухIамадовас ва РФялъул баскетболалъул федерациялъул президент Андрей Кириленкоца МахIачхъалаялъул 48-абилеб школалда рагьана спортивияб майдан. Гьениб буго баскетбол хIалеб корт ва речIчIухъабазе къеркьезе санагIатаб октагон.

 

   Кубачиязул накъишаз берцин гьабураб, баскетболистазегун речIчIухъабазе киналго шартIал чIезарураб гьеб спортивияб майдан школалъе сайгъат гьабуна «Кириленко-детям» абураб гурхIел-рахIмуялъул фондалъ. «Гьаб майдан гьабизе ракIалде ккезе букIинчIо ХIабиб НурмухIамадов вукIинчIевани. Гьале чанго сон буго гьес «Кириленко-детям» фондалъе кумек гьабулеб бугелдаса. Гьесул кварбакъиялдалъун гьадинал гIемерал проектал гIумруялде рахъинаруна нижеца. Гьес гъулбасараб спортивияб экипировка, тIахьал ва цогидаб бичунги гIезегIан гIарац щола фондалъе. Гьебги хIалтIизабула нижеца лъикIал ишазе», - ян абуна Андрей Кириленкоца.

   ХIабиб НурмухIамадовас гьоболасе баркала загьир гьабуна. «Дагъистаниязе, гугари гуребги, рокьула командаялъулал хIаялги, гьездаго гьоркьоб баскетболги. Гьеб спортивияб тайпаялде кIвар кьолеб бугони, ракIчIун абизе кIола, Дагъистаналда къуватаб команда гIуцIизе бажарулин. Нижер гIадамазе данде кколеб спортивияб тайпа буго гьеб. Щайгурелъул, гьениб торгIо кодоса бахъи мурадгун къеркьезе кколелъул. Къеркьезейин абуни нижеда лъала. Цоги нухалъ баркала дуе, Андрей», - ан абуна ХI. НурмухIамадовас. Ахиралда кIиявго спортсменас бихьизабуна баскетболалъул горинибе торгIо ккезабизе жидерго бугеб гьунарги.

Къеркьезе дагъистаниязда лъала
Прочитано 28 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх