FaceBook  tg  in  yt  rss

Дун ккола 1939 соналда гьавурав, ЧIарада районалъул Багинуб росулъа 
чи.
ГIакъуба бихьана хIаталдаса ун
Дир заманалда росулъ букIинчIо школа, цIализе ине кколаан Къуч-
раб росулъе. Нижер росулъа 19 лъимер хьвадулаан гьенибе, гIемерисеб 
заманалда хIатIида гIицIго. 
Инсул гьумер дида лъаларо. 1939 соналда ун вуго рагъде. Нижер ин-
сул гьитIинав вац МахIмудги дида лъаларо, гьевги рагъде аралъуса тIад 
вуссинчIо. ХутIана 33 сон барай эбелги кIиго васги. Гьеб заманалда ква-
налеб жо букIана мичIчI, ччути ва цогидабги чIахI. РетIелги букIана, ма-
сала, тIажуялда 20-25 рукъи бараб. Гордеги букIинарищха гьединабго. 
ГIанкIудал ханидасацин кьезе кколаан налог. Дир кIудияв вац МухIамадов 
ГIумар цIалулев вукIана Дусрахъ росулъ. Гьениб букIана 7 класс. Рагъда 
чIварав чиясул лъималин абун, бачIунаан 4 гъурущ, ва гьебги кьезе кко-
лаан вацасе кванихъги, ратIлихъги, цогидаб хIажатаб босизеги. Дусрахъе 
букIинчIо машинадул нух, лъелго ине кколаан, 13-14 км нахъаги тун. 
МоцIида жанив цо нухалда гурони вацги рокъове вачIунароан. 
Балугълъиялде вахиндал, дун хIалтIана батIи-батIиял бакIазда. Ар-
миялдаса витIана «Челябинск-40 маяк» абураб бакIалде. Гьениб гьабун 
букIана ядернияб яргъил хIалбихьи. ТIубараб лъагIелалъ гьеб ракьалде 
гIадан виччачIого, ракь букIана махIцун. Ниж гьенире щвана 1958 со-
налъул ноябралда ва нижеда гьенир ратана цIулал гьарурал казармаби. 
Ункъо-щуго моцIидаса байбихьана солдатал унтизе, гIемерисел нахъе 
ритIана. Нижее моцIрое щолаан 220-240 гъурущ. Гьелда тIасаги кванихъги 
ратIлихъги ккун, кодобе щолаан 180-190 гъурущ. Гьелъулги бащдаб гуро-
ни кодобе кьолароан, хутIараб, армиялдаса нахъе риччалелъул, сберкниж-
каялде рехилинги абун. Рокъове вачIиндал, дие щвана 5600 гъурущ. Гьеб 
гIарцухъ гьабуна хъизан, бана мина. 1961 соналда милициялда хIалтIизеги 
лъугьана. Гьеб хъулухъалда бана ичIго сонги ичIго моцIгун бащдабги. 
Дида кIолароан гIадамазул ракI лъукъулеб иш гьабизе ва, гIарзаги кьун, 
дун нахъе ана. КIудияв вацги вукIана милициялда хIалтIулев, 1966 сонал-
да гьевги хвана. Гьедин рукъалъул тIолабго ургъел бегана диде тIаде.
Прочитано 299 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх