21 июналда МахIачхъалаялъул Гьудуллъиялъул минаялда цебе тIобитIана «Метер букIана рагъ» абураб тадбир.

   Гьенир ракIалде щвезаруна КIудияб ВатIанияб рагъда гIахьаллъарал ва хварал бахIарзал. РакIалде щвеялъул ва пашманлъиялъул къоялъул хIурматалда тIобитIараб гьеб данделъи рагьана миллияб политикаялъул ва диниял ишазул рахъалъ министр Энрик Муслимовас.

     Жидерго лъимерлъуда дандчIвараб рагъул кьогIлъиялъул ва рагъде арал гIагарлъиялъул бицун кIалъана гIалимчи, рагъулал гIелмабазул доктор, генерал-майор Герман Кириленко, Расул        

  ХIамзатовасул цIаралда бугеб Халкъазда гьоркьосеб жамгIияб фондалъул вицепрезидент ХIабибат ГIазизова, Дагъистаналъул руччабазул союзалъул председатель Интизар Мамутаева ва цогидалги.