FaceBook  tg  in  yt  rss

Гьанжего-гьанже 20 сон барав гIолохъанчи вукIана МухIамадов Гъазилав, Буй­накск шагьаралда медучилище­ги лъугIизабун, Шамил района- лъул Дагъбаш росдал медпун­кталде хIалтIизе вачIиндал. Расги бигьа букIинчIо гье­сие я ток, я автомашинаялъе нух гуреб, цин хIалтIун, цин чIун букIунеб телефоналъ­ул бухьенги чамгIалаб росулъ хIалтIизе. ХIалтIул хIалбихьиги букIинчIелъул, кинабго лъутIа- къотIизе кколаан гъалатI кко­ларедухъ.

50 соналъ росдае хъулухъалда

 

Жакъа 70 сонил борхалъуде вахиндал, араб гIумруялъухъги гьабураб хIалтIухъги балагьун, Гъазиласул чIухIизе ресги буго. Кинха букIинареб, ахираб 30 со­налъ росулъ ккечIелъул лъимер яги лъимаде йигей чIужугIадан хвеялъул цониги хIужа.

 

Бищунго аслияб жо, росдал жамагIат цIакъ рази буго Гъази­ласдаса.

 

 

Гьанжени алжан бугилан абула гьес. Росулъе машина хьвадула, «хехаб кумекалъул» тохтурзаби рачIуна, мобильнияб бухьен буго. Гъоркьиса рагьана росулъ акушер­каялъул штатги.

 

Дунялалдаго тIибитIараб коро­навирусалда бан росулъ щиб хIал бугебилан цIехедал, гьес абуна жидеца коронавирус росулъе къа­зе биччачIилан.

 

- Къана росулъе нух, виччачIо щивго чи. Гьелъ пайдаги кьуна. Кинабго рахъалдасан кумек щва­на бегавул ГIумархIажилги, - ян бицана Гъ. МухIамадовас.

 

 

Гъазиласул хIакъалъулъ цIе- хедал, гьадин бицана ЦРБялъул бетIерав тохтур Ибрагьим Хали­ловас:

 

- Гъазилав ккола райцентарал­даса бищун рикIкIад бугеб мед­пункталъул заведующий. Чанго моцIалъ цеве дунгоги щвана гьени­ве. Медпункталъул хIалтIи лъикI гIуцIун буго. ЦохIо коронавирус росулъе биччачIолъиялъухъги баркала кьезе бегьила гьесие, - ян.

 

 

Гъ. МухIамадов ккола росдал хиси гьечIев депутатги, чанго со­налъ тIубана гьес «Советский лесхозалъул» парткомасул секре­тарасул хъулухъги, руго гIемерал шапакъаталги.

 

Бищун аслияб жо, гьев вуго ин­санасул хIажалъиги къварилъиги бичIчIулев инсан.

Прочитано 440 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх