FaceBook  tg  in  yt  rss

Дагъистаналъул урологияб централда гIадамал сах гьаризе тIадегIанаб даражаялъул специалисталго гIадин буго гьанжезаманалъул тIалабазда рекъонкколеб тIагIел-алатги. Щибаб анкьалъ республикаялъул батIи-батIиял районазда гьеб рахъалъ бугеб ахIвал-хIалалъухъ балагьизе къватIире рахъуна Дибирдада ХIажиевас нухмалъи гьабулеб централъул хIалтIухъаби.

Учеталда вуго 12 азарго чи

 

Унтарал росула учеталде ва гьел сах гьаризе рачуна тахшагьаралде. ХIатта, Россиялъул бищунго церетIурал урологазулгун тIоритIула цIакъго унтразул бугеб ахIвал-хIалалъул ва гьезие лъураб диагнозалъул хIакъалъулъ бицарал видеоконференциялцин. Унтарал сах гьарулелъул хIисабалде росула гьезул малъа-хъваял.

 

 

Гьал къояздаги республикаялъул урологияб централъул тохтурзабаз видеоялдасан бухьен гьабуна Москваялъул специалисталгун. Гьаб нухалъ гьоркьоб лъуна 37 сон барай ургьисалаби (почкаби) унтун рехсараб сахлъи цIуниялъул идараялде ячIарай гIадалъул диагнозалда тIасан суал. ДРялъул урологияб централъул тохтурзабаз бихьизабун бугоан гьелъие операция гьабизе кколин. Москваялъул махщелчагIиги нилъер тохтурзабаз къотIараб хIукмуялда тIадрекъана. Больницаялда вегун вугев чанго унтарасул бицана видеоконференциялда. ПалхIасил, нилъер тохтурзабаз ва хIалбихьи бугел Москваялъул специалистаз унтаразе лъурал диагнозал данде ккана.

 

 

ДРялъул урологияб централъул бетIерав тохтур Дибирдада Пайзулаевас нижее бицана Лопаткинил цIаралда бугеб НИИялъгун цадахъ рекъон Дагъистаналда гIумруялде бахъинабулеб бугеб программаялъулги.

 

 

«Гьелда рекъон урологияб централъул хIалтIухъаби щола батIи-батIиял районазде, росабалъе ва бакIазда ругел гIадамазулгун гьарула гара-чIвариял, цIехола чорхол сахлъиялъул хIал. ПалхIасил, тIатинарула унтарал. ЗахIматаб хIалалда ругезе гьабула хехаб кумек. Цогидалин абуни рикьун къокъабаздегун, гьезул ахIвал-хIалалъухъги балагьун гьарула сах. Гьедин жакъа къоялъ нижеца учеталде восун вуго 12 азарго чи», - ян бицана Дибирдада Пайзулаевас.

Прочитано 571 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

f1  in1  in1  yt1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх