17-20 октябралда СагIудиязул ГIарабиязул Къираллъиялъул Эр-Рияд шагьаралда тIобитIизе буго «Saudi Agrikulture – 2022» абураб росдал магIишаталъул кванил нигIматазул кIудияб цебелъей. Аслияб къагIидаялда гьеб выставкаялда церелъола химия гъорлъ гьечIел, ай умумузул къагIидаялъ гIезарурал ва «гIурччинал» кванил нигIматал.
РФялъул Росдал магIишаталъул министерствоялъги, Роскачествоялъги, Россиялъул экспорталъулаб централъги ва Агроэкспорталъги хIадурулел руго гьенире ритIизе кванил нигIматал хIадурулел предприятиял. Гьез халгьабуна Калининград областалдаса Хабаровск краялде щвезегIан тIиритIун ругел росдал магIишаталъул предприятиязул. Гьезда гьоркьоса бищана анлъго.
Выставкаялъул заманалда тIоритIизе руго предпринимателазулгун дандчIваялги. РакIалда буго органикиял кванил нигIматал гIезариялъул хIакъалъулъ гьел дандчIваязда бицине ва цоцазулгун дармилгун экономикиял къотIиял гьаризе.
