tg  rss

Вагьаб Минбулатовасул хIурматалда

 

 

   ДГПУялда тIобитIана «Физкультура ва спорт цебетIезабиялъул гьанже заманалъул аслиял суалал» абураб темаялда ТIолгороссиялъул гIелмиябгун практикияб конференция. Гьелъул хаслъи букIана педагогикиял гIелмабазул доктор, СССРалъул лъай кьеялъул отличник, Россиялъул тIабигIиял гIелмабазул профессор Вагьаб Минбулатов ракIалде щвезави. Вагьаб гьавуна 1939 соналъул 4 маялда Казбек районалъул Гуни росулъ. 1966 соналда лъугIизабуна Москва областалъул педагогикияб институт, хIалтIана школалда учительлъун ва Дагъистаналъул педагогикияб университеталда мугIалимлъун, физкультурияб факультеталъул деканлъун ва хадуб гьес педуниверситеталда цебе гIуцIана хасаб физкультураялъулгун спорталъул институт ва чанго соналъ гьелъие нухмалъи гьабуна. 1984-1987 соназда В. Минбулатов хIалтIана Кубаялъул тахшагьар Гаванаялда, Энрико Хосе Баронил цIаралда бугеб тIадегIанаб лъай кьолеб идараялда, советник-консультантлъун.

 

   Вагьаб Минбулатов ккола СССРалъул тIадегIанаб лъай кьеялъул идарабазда хIалтIизабулеб физкультураялъул дарсал кьеялъул методикаялъул учебникалъул автор. ГьитIинаб Гуни росулъа вахъарав гIалимчияс цIализаруна республикаялда рахъарал киналниги Олимпиялъул хIаязда, батIи-батIияб даражаялъул чемпионатазда бергьенлъаби росарал спортсменал. Республикаялдаги улкаялдаги физкультура ва спорт цебетIеялъулъ гьесул кIваралъул бицана кIалъазе рахъарал университеталъул ректор Н. Асваровас, спортивиял къагIидабазул кафедраялъул заведующий Т. Мансуровас, Москваялдаса гIелмабазул доктор, профессор, спорталъул Олимпиял хIаязул бутIабазул лабораториялъул хIалтIухъан В. Никитушкиница, Москваялъул юридикияб университеталъул физкультураялъул факультеталъул кафедраялъул заведующий, гIелмабазул доктор, профессор Н. Чесноковас, Дагъпедуниверситеталъул педагогикияб лъай кьеялъул институталъул директор М. ХIайбулаевас, ДРялъул физкультураялъул ва спорталъул министр С. Сажидовас, «Олимпиялъул хIаязул резервалъул училищеялъул директор, Россиялъул мустахIикъав тренер М. ХIусеновас, СССРалъул щуцIул чемпион, социологиял гIелмабазул доктор, профессор, СССРалъул мустахIикъав тренер Ю Шахмурадовас, Дагъистаналъул бетIерасда цебе бугеб ЖамгIият цебетIезабиялъул ва инсанасул ихтиярал цIуниялъул советалъул председатель З. Ильясовас, СССРалъул спорталъул мастер М. Юсуповас, гIелмабазул доктор, профессор, ДГПУялъул кафедраялъул заведующий Д. Моллаевас ва гьел гурел цогидазги.

 

Конференциялда гIахьаллъизе Москваялдаса ва цогидал шагьараздаса рачIарал гьалбадерие баркала кьун кIалъана В. Минбулатовасул вац ГI. Абакаров ва Вагьабил вас Артур Минбулатов.

    Конференциялда гIахьаллъизе жидерго разилъи загьир гьабун кIалъаял ва докладал ритIун рачIана Россиялъул къогониги шагьаралдаса. Гьеб тадбир гьабизе хIаракат бахъарал ДГПУялъул физкультураялъул факультеталъул нухмалъулез хIукму гьабуна конференциялда гьарурал докладал ва кIалъаял данде ракIарун хасаб тIехь бахъизе.

Вагьаб Минбулатовасул хIурматалда
Прочитано 47 раз

Оставить комментарий

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.

 

ХIакъикъаТ 

Республиканская общественно-политическая газета на аварском языке.

 

Исполняющий обязанности главного редактора:

Умахан Амирханович Умаханов

_____________________________

 

in1  rss1

_____________________________

 

Рейтинг@Mail.ru

Яндекс.Метрика

 

СМИ

Учредитель сетевого издания ГБУ РД "Редакция республиканской газеты "Истина".
Зарегистрирован Федеральной службой по надзору в сфере связи , информационных технологий и массовых коммуникаций .
vozrastСвидетельство о регистрации средства массовой информации Эл № ФС77-73996 от 19 октября 2018 года.

 

 

Фото

Настройка сайта

Цвет темы

Cyan Red Green Oranges Teal

Макет

Шир. Рам. Обрамл. Округл.
Изменение фонового рисунка
Вверх