9 марталда ДРялъул хIукуматалъул председатель ГIабдулмуслим ГIабдулмуслимовас тIобитIана тIинчI лъезе унел ва нахъ руссунел ччугIби кквеялда бан гIуцIараб комиссиялъул данделъи.

Гьелъул вакилзабаз дандбана исана гьединаб ччугIа кида, киб ва кигIан кквезе бегьулебали.

ГI. ГIабдулмуслимовас бицана кванил нигIматаздалъун улка хьезабиялъеги ччугIихъанлъиялъул кIвар кIудияб букIиналъ Сергей Меликовасги тIадкъан бугин гьеб рахъ цебетIезабиялъул ишилан.