ДРялъул бетIерасул официалияб сайталда хъвавухъе, 12 апрелалда Сергей Меликовас тIобитIана ковидалда данде къеркьеялъул оперативияб штабалъул данделъи. Гьелъие гIиллалъун ккана кватIичIого вирусалъул цIияб штамм — «стелс-омикрон» — тIибитIизе бегьулин абурал харбал тIадеялдаса тIаде хIалуцунел рукIин. Китаялда баккун буго гьеб унти гьанжеги. Гьединго вакцина гьабуразул къадаралъулги бицана гьеб данделъиялда. 12 апрелалдехун...
Гьал къоязда «Ростелеком» ПАОялъул Дагъистаналда бугеб филиалалда тIобитIараб пресс-конференциялда данде росана гъоркьиса гьез гьабураб хIалтIул хIасилал. Журналисталгун дандчIвана филиалалъул нухмалъулев Руслан ЯрахIмадовги цифровияб цебетIеялъул рахъалъ ДРялъул министр Юрий ХIамзатовги. Байбихьуда министрас бицана шагьараздаса рикIкIад ругел нусгоялде щвезегIан чияс гIумру гьабулел росабалъ сотовияб бухьеналъул вышкаби лъезе хираго чIолелъул, гьениб интернет УЦН (устранение цифрового...
30 апрелалдаса байбихьун 28 маялде щвезегIан анкьида жаниб кIиго нухалъ (арбагIалъги шаматалъги) Москваялдаса самолетал роржине руго Дагъистаналде туристазулги рачун. Гьедин бицана 13 апрелалда ТАССалда тIобитIараб пресс-конференциялда «Интурист» компаниялъул генералияв директор Виктор Тополкараевас. Туризмалъул хIакъалъулъ бицунеб гьеб тадбиралда гIахьаллъана Россиялъул регионазул цо-цо губернаторалги, Дагъистаналъул бетIер Сергей Меликовги, Ростуризмалъул нухмалъулей Зарина Догузоваги, цогидалги....
Гьал къоязда тIобитIараб Халкъияб Собраниялъул сессиялда Сергей Меликовас бицана Украинаялда хасаб операциялда къварилъи ккарал, гIумруялдаса ратIалъарал дагъистаниязул хъизаназе кумекалъе хасаб фонд гIуцIулеб букIиналъул (чIварал рагъухъабазул хъизамазе 1 млн гъурущ кьолеб буго), ДНРалдегун ЛНРалде гуманитарияб кумек (800 тонна) битIиялъул хIакъалъулъ. Гьединго МВДялъул министр ГIабдурашид МухIамадовас баян кьуна гьабсагIаталда республикаялда такъсирал рагьиялъул иш, Россиялъул...
ТIоцебесеб апрелалдаса байбихьун республикаялда унеб буго гIолохъаби армиялде ахIиялъул ихдалилаб компания. Исана ракIалда буго 3000-гIанасев чи ватIан цIунулезул кьерде витIизе. Гьедин бицана «ХIакъикъат» газеталъул редакциялда тIобитIараб пресс-конференциялда ДРялъул рагъулав комиссар Даитбег МустIафаевас. Гъоркьиса хасалихъе рагъулаб хъулухъ тIубазе ритIаразде дандеккун гьеб тарих дагьаб бугинги абуна гьес. Гьединго цIакъ кIвар бугеб хIужалъун ккана, армиялде ахIарал...
6 апрелалда Москваялда Россиялъул президент Владимир Путингун дандчIвана ДРялъул нухмалъулев Сергей Меликов. Гьезул хабар ккана гьабсагIаталда республикаялда бугеб жамгIиябгун экономикияб ахIвал-хIалалда тIасан. Мисалалъе, бицана коронавирусалда сверухъ регионалда бугеб ахIвал-хIалалъул, росдал магIишаталъул, ЧIикIаб хIоринисан МахIачхъалаялдегун Каспийскиялде гьекъолеб лъим бачиналъул, цIолбохъанлъиялъул, гьединго хIалтIи гьечIого хутIарал гIадамазе гьабулеб бугеб кумекалъул ва гьеб гуреб цогидалъулги...
Республикаялъул муфтияталъул нухмалъулев МухIамад Майрановас бицана, цереккунисел баяназда рекъон, исана Рамазан моцIалъул тIоцебесеб къо букIине рес бугин 3 апрель. Календаралъухъ балагьун, гьеб букIине кколаан апрелалъул кIиабилеб къо. — Гьеб жеги мухIканаб баян гуро. ГIагарал къоязда гьеб суал дандбазе нижеца ахIизе буго республикаялъул гIалимзабазул данделъи. Апрелалъул тIоцебесеб къоялъ бакъ тIерхьун хадуса цIияб моцI бихьани,...
Украинаялда унеб хасаб операциялда къадаралде щварал рагъулал хъулухъчагIазул хъизамазе кумек гьабизе фонд гIуцIулеб буго республикаялда. Гьедин бицана Сергей Меликовас гьал къоязда чIваразул гIагарлъиялъул чагIигун букIараб дандчIваялда. Республикаялъул бюджеталдаса гьеб фондалъе биччазе буго 50 миллион гъурущ. Гьединго ДРялъул ЗахIматалъул министерствоялъул фондалдасаги кьезе буго гьенибе рецIалил гIарац.
ДРялда коронавирус тIибитIизе биччангутIиялъул оперативияб штабалъул баяназда рекъон, 29 марталда коронавирусалъ унтана 55 чи. Гьезда гьоркьоса 19 чи больницаялда вегизавуна. 29 марталда сахлъана 202 чи. ТалихIалъ, ахирисел къоязда коронавирусалдалъун щивго хвечIо. Дагъистаналда вакцина гьабун буго 1 260 659 чияс. Республикаялда COVID-19 тIибитIиялда бан лъазарун рукIарал цо-цо гIурхъичIваялъул тадбираз- даса дагь-дагьккун инкар гьабулеб буго....
Газеталъул щибаб номералда гIадин нижеца бицунеб буго республикаялда кванил нигIматазул багьаби хIатталдаса ун хиралъулел рукIиналъул хIакъалъулъ. БицинчIого тIубалеб хIал гьечIелъулха. Чакар-конфет, нису-нах, хъапустIан ламадур, хIатта чедгицин — кинабго жо буго хиралъун. РаччлитIа буцараб чадил багьа жакъа буго 80 гъурущ. Рахьдал цо литрадул багьа нусго гъурщидаса тIаде ана. Чакарги хиралъун буго. Семечкадул нахул цо...
