Дагъистаналдехун хасаб бербалагьи
Росдал магIишаталъул суалал тIуразаризе руго
27 маялда Москваялда Дагъистаналъул бетIер Владимир Васильев ва росдал магIишаталъулгун кванил нигIматазул министр ГIабдулмуслим ГIабдулмуслимов дандчIвана Россиялъул росдал магIишаталъул министр Дмитрий Патрушевгун. ДандчIваялда гIахьаллъана Россиялъул министрасул заместителал ва цогидалги хIалтIухъаби.
Д. Патрушевас министерствоялъул хIалтIухъабазда лъазабуна Дагъистаналдехун хасаб бербалагьи гьабейилан. В. Васильевас ва ГI. ГIабдулмуслимовас министрасе бицана жакъа республикаялъул росдал магIишаталда гьарулел ругел хIалтIабазул ва рорхана кIвар буссинабизе кколел суалал. Дагъистаналъул нухмалъулез церелъурал суалал тIуразаризе Патрушевасги рагIи кьуна.
Гара-чIвариялъул хIасилалда Д. Патрушевас гьединго буюрухъ кьуна Дагъистаналда гIи-цIцIани гIезариялъул ва гьезул гьан бичиялъул рахъалъ цо, лъалъадиялъул ва пиринчI гIезабиялъул рахъалъ кIиабилебги программаби гIуцIизе, гьел гIумруялде рахъинариялъе кколеб гIарацги биччазе.
Д. Патрушевас рагIи кьуна ишалъулаб сапаргун Дагъистаналде вачIине.
