Дагъистаналъул парламенталъул вакилзаби ун рукIана Бакуялде
Парламенталъул вакилзабазда гьоркьор рукIана ДРялъул Халкъияб Собраниялъул председатель Хизри ШихсагIидов, вице-спикер Камил Давдиев, лъайкьеялъул, гIелмуялъул, маданияталъул, гIолилазул ишазул, спорталъул ва туризмалъул комитеталъул председатель Мурад Пайзулаев ва цогидалги.
Гьеб сапар гьабуна ДРялъул Халкъияб Собраниялда ва Азербайжан республикаялъул Милли-Мажлисалда гьоркьоб цадахъ рекъон хIалтIиялъул рахъалъ гьабураб къотIиялда бан.
Дагъистаналъул делегациялъ тIугьдул лъуна ГIазиз ГIалиевасул, ХIайдар ГIалиевасул памятникалда цере ва Шагьидзабазул аллеялда. Хадуб Азербайжаналъул Милли-Мажлисалъул председатель Октай Асадовгун дандчIвана ва бицана гьадинал дандчIваяз квербакъулин Дагъистаналъулги Азербайжаналъулги халкъазда гьоркьоб гьудуллъи щула гьабиялъе.
