Дагъистаналъги гIахьаллъи гьабуна

Россиялъул Журналистазул союзалъ кIодо гьабулеб буго 100 сонилаб байрам

Байрамалъул тадбирал гIуцIа­раб заманалда тIобитIулеб бу­геб журналистазул форумал­да гIахьаллъулев вуго 1200­-ялдасаги цIикIкIун чи: прессая­лъул хIал­тIухъабиги, жамгIиял хIаракат­чагIиги, власталъул вакилзабиги.
Исана форум рагьиялъул тадбир тIобитIана Сочиялъул аслияб концертазулаб майданалда – Хасалил театралда. «Форумалда руго улкаялъул тIолалго регионазул вакилзаби», — ян абуна форум рагьулаго Россиялъул Журналистазул союзалъул председатель Владимир Соловьевас.
РФялъул Пачалихъияб Думаялъул информациялъулаб политикаялъулги, информациялъулал технологиязулги, бухьеналъулги ко­митеталъул председатель Леонид Левиница загьир гьабуна ун­къ­­абилеб власталъухъ рукIарал ихтиярал гьелъухъе тIадруссинаризе кколин абураб пикру.