Дагъистанияв Шамил Садикъов гIахьаллъана Лондоналда тIобитIараб нейрохирургазул халкъазда гьоркьосеб дандчIваялда.

Садикъовас нухмалъи гьабулеб буго А. Вишневскиясул цIаралда бугеб Республикаялъул клиникияб больницаялъул нейрохирургиялъул отделениялъе. Гьал къоязда гьев гIахьаллъулев вуго Британиялъул нейрохирургазул жамгIияталъ 100 сон тIубаялъул хIурматалда тIобитIулеб конференциялда. Гьелда гIахьаллъулел руго батIи-батIиял улкабаздаса тохтурзаби.

Ш. Садикъовасул рагIабазда рекъон, гьеб тадбиралъул бищунго рекIее асар гьабураб дандчIвайлъун лъугьана «Зарал гьабуге» абураб тIехьалъул автор, Британиялъул машгьурав нейрохирург Генри Маршгун.

«Кинав вукIине кколев нейрохирург?» абураб суалалъе Маршица жаваб кьун буго: «Жиндихъа бажарулелъул гIорхъи-рахъ бичIчIулев, чIухIичIого цадахъ хIалтIулездаса хIажатаб кумек гьарулев ва гьабулелъулъ ракIчIунгутIиялъе мукIурлъулевлъун». Ш. Садикъов ккола ИТиМОялъул (гьанжесеб Гуманитарияб институт) вукIарав ректор, ЧIарада районалъул Рочиб росулъа мунагьал чураяв Макъсуд Садикъовасул вас. 

ПатIимат МУХIУМАЕВА, 

ДГУ, ЖОялъул 3 курсалъул студентка